الصراحه انا كثير اسمع عن الزوجة الثانية
وخاصه اذا الزوج متزوج من الاولى ومرتاح معاها جدا
وصارت له نزوة وتعرف على وحدة او وحده هي اللي قامت تتقرب له
وفي الاخير يتزوجوا
كيف ترضاها الحرمة يعني كيف ترضى تاخذ زوج غيرها
انا ما اتكلم عن الناس اللي يتزوجوا الثانيه بسبب مرض الاولى او وفاتها
يعني ما فكرت هالثانية انه الرجل خذها في لحظة نزوة وانه حبه بيظل للأولى
ما اعرف حبيت نتكلم في الموضوع لأني كثير من داخلي يضايقني لما اسمع فيه
وسبب كتابتي هالموضوع اعز صديقاتي زوجها تزوج عليها وحدة من الجنسيات العربية
وبعدين جا يصارحه انه غلط وانها نزوة
انزين ليش
ومن الاصل ليش الحرمة الثانية توافق يعني هو اكيد ما بيغصبها ولا بيضربها علشان يتزوجها
انا احس انه الزوجه الثانية خراااب لعائلة سعيدة
يعني لما تكون ان ما تقدر تييب له عيال.. او مريضة .. أو ان في سبب ثاني..
بس ألوم الرياييل الي يتزوجون على حريمهم بدون اسباب
ويفتحون لهم باب مشاكل مالها أول ولا آخر..
والي يقهرني زود..
ان شلون الحرمة الثانية تقدر تبني سعادتها على تعاسة غيرها..
يعني شنو ذنب حرمته الأولى..!
حاسة بشعور الحرمة الأولى..!
وشكثر احتقر الريايييل الي يتزوجون على حريمهم بدون سبب مقنع..!
«·´`·.(*·.¸(`·.¸ ¸.·´)¸.·*).·´`·»
«·´¨*·.¸¸.* ..:: *][باربي][*::.. *.¸¸.·*¨`·»
«·´`·.(¸.·´(¸.·* *·.¸)`·.¸).·´`·»
*(¨`·.·´¨)*
`·.¸.·´
.·*
واتصدقين انا بعد
يعني كيف هانت عليه العشرة
اتمنى الكل يتفاعل معانا
انا ما قاعده اسوي حملة
ضد الزوجه الثانية
بس اقصد انه تقدر ترفض وتقول لا
لا تقولوا لي والله عانس وطافها القطار
بتحصل مليون ريال
بس واحد متزوج وايد صعبه والله
انا عن نفسي لاارضى ان زوجي يتزوج علي الا اذا كنت مريضة او مااجيب اطفال بس الصراحة لازم يطلقني ويتزوج لاني اكون منافقة لو قلت ارضى انه يتزوج علي وانا في ذمته لا ماارضى , وبالنسبة للنساء اللي بيتزوج عليهم زوجهم بدون سبب فالله اعلم ليش بيظلو مع ازواجهم؟؟ ممكن عشان الاطفال او عشان مايتسمو مطلقات او عشان الاحتياج المادي لدعم الزوج لانه بيكون المعيل الوحيد فحياتهم بس انا اعرف واحدة غنية جداااااااا وجميلة وعندها اولاد فزوجها اتزوج عليها ظلت معو واصبحت هي اللي تصرف على بيتها وهو يصرف على التانية !!!!!!’طيب ليش هي للحين معه ؟؟الله اعلم مش فاهمة هي بتصرف على بيتها وهو ولا همو دام هي غنية ومش محتجاه ليه فضلت معه؟؟ ممكن عشان لاتتسما مطلقة بس انا ارفض اعيش متل عيشتها وهذا هو رايي سامحيني طولت عليكي بس موضوعك جميل جدا وحمسني اني اشارك مشكورة اختي
مو مسالة المرض او انها ماتييب عيال ….فيه اسباب ثانيه اتخلي الريال يفكر بالثانيه والثالثه والرابعه
ومسألة نزوه مؤقته وخلاص….هذا ريال لعاب مافيه خير ….وبنات الناس مو لعبه عشان يقول نزوه وانتهت….
الشرع حلل للريال اربع
ودام الريال قادر يفتح بيتين وحاس انه يستطيع يوفق بين الثنتين وعيالهم …..فبالبركه عليه ولا يلعب بالحرام مع كل من هب ودب وايييب الامراض له ولحرمته
وكل واحد عقله فراسه يعرف خلاصه
تحياتي
ع فكره انا بعدني مو متزوجه …. لا تحسبوني الثانيه خخخخ
رائي بلموضوع طويل …………
بس بكتفي بلاسباب في اغلب الزيجات الثانية يكون السبب
من المتطفلات يعني وحدة معنسه اتعق عمرها عق على الريال اتزوجني
بسويلك وبدلعك و و و ونوع الثاني وحدة وافدة وتسعة للجواز وتتنعم في خير بلادنا
ونوع الثالث الله يبعدنه عنهم لا حطت اريال في بالها تاخذة تاخذة طبعا بلسحور ولعمل
لا تفكر عنده بيت عنده اعيال اهم شي انها توصل للي هي تباه…
ورابعة تمتلك الريال بلجنس جسمي فيه وانا وانا بمتعك وبسويلك وحتى توصل
معاها انها اتعاشره بلحرام بس عشان ياخذها…!!
وعزكم الله نعرف كلنا انه اريال جلب وسمحولي على هل كلمة …
ولو فكرت بشعور المراه الثانيه
صدقيني محد بيتزوج زواج النزوه هذا وكان قل كثير الطلاق
صدقيني الي تتزوج رجل متزوج من غير اسباب مقنعه دينيا مثل المرض او اسباب قويه مثل عدم الانجاب او غيره
نهايتها النبذ والطلاق والاهانه وبتساهم بعدد المطلقات وبتدمر حياتها .
واغلب البنات الي يقبلون يتزوجون متزوج اكيد فيها نقص او خلل بعقلها وانتقاص من قدرها ورضت تتزوج نصف رجل
تحياتي
أنا عن نفسي احس انه الزواج الثاني و الثالث و الرابع لابد أن يكون له اسبابه
مثلا مرض الزوجه أو عدم التوافق بين الزوجين أو ……….أو………..
و ان الزواج الآخر ليس مجرد نزوه !!!!
و احيانا قد يكون الزوج(فحل) و تكون زوجته غير قادره على ايفاء حقه في الفراش كما يجب >>>>>و في اعتقادي هذا امر نااااااادر في هذا الزمن !!
و غيرها من الأسباب التي تستدعي الزواج الآخر
لأنني اعتقد إن الرجل اذا لم يكن بالفعل يشتكي من شيء مع زوجته و تزوج عليها يكون (دبور و زن على خراب عشه)!!!
لكنني أود أن اعلق على شيء لمسته في الكثير من العائلات
و هو غياب الصراحه بين الزوجين
الأمر الذي يجعل الزوجه تعتقد أقصد تتوهم انها قد وفرت كل سبل و طرق الراحه لزوجخها العزيز
بينما هو ينظر للأمور من منظار آخر و مختلف نهائيا يرى فيها الكثيييييييير من النواقص و الأمور التي تزعجه لكنه لا يتكلم و قد يتترجم بعدها بفتره بزواج آخر فتتفاجأ الزوجه كليا
ليش الزوجة الاولى عبدة عنده لا حبيبتي لازم يبدي لها الاسباب ولا بس فراغة عين
والزوج لو حط في باله الزواج بيتزوج لا تحرقون انفسكم