اول مره اسوي موضوع لاتكسرون بخاطري وخلونا نستفيد من بعض
حابه اعرف كيف الروتين اليومي عندكم بالبيت من تقومين الصباح حتى تنامين؟؟
وانا ببدء …
اول ماصحى اصحي زوجي للعمل على ست ونص اسوي الفطور ويفطر ويلبس وعلى الدوام ارجع انام الى تسع الصباح واصحى وصحي بنتي وارضعها واخذها اسبحها
واكشخها وبعدين اروح انظف البيت وعلى الساعه 11بالضبط مخلصه واروح اتسبح واتكشخ واروح اطبخ على وحده اكون مخلصه شغل
على الساعه 2,30 يجي زوجي يروح يبدل وانا احط الغداء واتغدى انا وياه والبنت
وبعدها يروح ينام واجلس انا اغسل وارتب واقعد على النت الين المغرب يصحى زوجي اسوي له كوب شاي وش خفيف ياكله ونقعد تلفزيون الى العشاء يطلع من البيت اكون انا قاعده افكر شنو اسوي عشاء وعلى تسع بالليل يجي زوجي ونتعشاء ونقعد تلفزيون او نطلع يمشينا وبعدها نرجع البيت البس البنت بجامتها ونروح ننام هذا جدولي اليومي
خواتي شاركوني بجدولكم اليومي والي عندها شي جديد تعلمنا
اما انا ماعندي رضى احس اني يومي يمر مافيه زود او بالاصح مليت من وضع
خلونا نفيد ونستفيد
انا حياتى ممله جدا روتين يومى مايتغير اصحى من النوم الساعه 7 الصبح وزوجى السابعه 8 اكون جهزت الفطور والقهوه يفطر ونجلس شوى ويروح الشغل على الساعه 9 اطبخ وارتب البيت وانام شوى واصحى من النوم الساعه 1 الضهر البس واكشخ واجهز الغدا ويجى زوجى الساعه 2 نتغدى وننام ونصحى الساعه 5 وزوجى يطلع يروح لأصحابه او ممكن نطلع مع بعض وبس ننام الساعه 3 باليل
بالنسبة لي زوجي قعد على السبع او سبع ونص والله ما ادري عنه يقعده بروحه ولا يفطر ولا اي شي وكله اقول ليه بسوي لك فطور ما يرضى يقول ما احب اكل شي من الصبح بعدين قعدتج الصبح ما تسوى نامي احسن عشان ترتاحي فديته والله
بس طبعا اجهز له ثيابه واغراضه من الليل يقعد الصبح يسبح ويلبس الثياب وروح الشغل :21_102:
وعلى الساعه 9 ونص ما اجوف الا ايد صغيرة تمسح على خدي وراسي وافتح اجوف احلى ملاك وفي الدنيا بنتي ملاكي :888345:
وتقعد تقول لي ماما نونو ماما نونو
ما تفهمون خطا انا ما ارضعها بس قصدها اني حلوه ماما نونو يعني ماما انتي حلوه ههههههههه يا عمري يا بنتي
وبعدين اظل العب معاها بالفراش ليما تجوع وتقول لي نم نم
بس خلاص نقوم ثنتينه واسوي لها حليب وتشربه وليما هي تشربه اظل انظف الغرفة طبعا انا ساكنه في بيت عمي وعندي غرفة وحده بس كبيرة جدا
المهم بس تخلص بنتي ابدلها وابدل ثيابها واخليها تطالع قناة طيور الجنه تقريبا نص ساعه بس لان بصراحة احسن انها بتدمن عليها اذا خليتها تطالع اكثر وبعدين اطلع وياها في بيت عمي نجوف من موجود احيانا يتواجد عمي بس ونقعد معاه ليما تجي عمتها الصغيرة من المدرسة وخلاص اروح لغرفتي وهي تظل تلعب مع عمتها
بس احيانا اقرر اطبخ لان عمتي تشتغل ( مدرسة )
والشغاله اهي ايلي تطبخ لنا
اخلي بنتي عند عمي واروح اطبخ وبس يجهز الغذا
اروح اسبح وانطر زوجي حبيبي ليما يجي
طبعا يجي الساعه 4 ونص واظل ميته جوع ليما يجي ما اعرف اكل من دونه
وبعدين يجي ياكل ويقعد معانا تقريبا من نص ساعه الى ساعه وعلى طول يروح الجامعه ( فيدته يدرس )
وانا وبنتي نام لنا ساعه وبعدين اسبحها واعدلها واخليها تروح مع عمتاها وعمومها لان بروحها وياي وتتملل
و ادخل عروس اتفرر من موضوع الى موضوع
وعلى الساعه 8 يرجع زوجي ونتعشى يا من برى او اطبخ شي بسيط وماتجي عشر ونص الا زوجي نايم وبعده بساعه ننام انا وبنتي
وبس
هذا الروتين اليومي اما في الاجازة فهذا موضوع ثاني
عزيزتي صاحبة الموضوع عجبتني فكرة الموضوع جاري التقييم 
مرآ نايس الموضوع يعطيك العافيه.. ..~
انا روتيني مرآ غير
تبعاً نبداء من الصبآح
نصحى انا وهو ع الساعه 7 ونص وانا زوجي مايحب يفطر ابد ابد
يصحيني نتحمم ونلبس ع الساعه 8 ونص نطلع ينزلني ببيت اهلي << لانه مستحيل يخليني بالبيت بروحي
ويروح دوامه الى الساعه 4 العصر ويمر علي نروح البيت تبعاً هو يدخل ينام وانا اقعد اسوي الغداء ع الساعه 6 يكون كل شيء جاهز اصحيه يتغداء
واذا خلصنا نقعد شوي سوالف وكذا اذا انا ما انعزمت وهو ماعنده شيء طلعنا تمشينااا اذا في عزيمه او شيء وداني وراح ونرجع البت ع الساعه 1او 2 وندخل ننام << طول الاسبوع كذا
وغير الويك انك تبعاً .. وبث
تستاهلين التقييم
انا روتيني هو هو مايتغير
زوجي يصحى على خمسه الفجر ويتسبح ويصلي ويشرب كوب حليب ويروح عمله انا اجلس
بعده اقرا شوي من القرآن الى الساعه سته إلا ربع وصحي بنتي تفطر وتجهز للمدرسه هي
توها في اولى إبتدائي وبعدين ارجع اجلس شوي على منتدى عروس إلى سبعه ونص واروح
افطر وبعدين ارجع انام إلى الساعه 11 واقوم عشان بنتي وبعدين اجلس اجهز الغدا ويجي
زوجي على 1 ويتغدى وينام وانا اجلس افرفر في البيت الى المغرب ويصحى زوجي ونتقهوى
وعلى الساعه 10 نتعشى واخلص شغلي وننام على الساعه 12
وتيته تيته خلصت الحتوته
الله يحفظكم ويخليلكم ازواجكم وعيالكم ولي ماعندها الله يرزقها
فلووووووونا انا بنتظارك
يعطيكم العافيه
…
انا سلمكم الله جدولي اليومي على حسب جلستي بالبيت
… ويكون كالتالي :زوجي يصحى الساعه 11 الصبح يروح لدوامه … وانا اصحى ع الساعه 11,30 وأبدأ أرتب البيت وأغسل دورات المياه … وع الساعه 12 تقريباً أدخل المطبخ اسوي الغداء الى الساعه 1 .. وبعدين اروح اصحي ولدي أغسل له وأبدل له ملابسه وأغديه ..وأرتب غرفة النوم …. وبعدين ع الساعه 2 يجي زوجي من دوامه وأحط الغداء …وبعدين زوجي ينام شوي وأنا أرتب المطبخ وانام شوي …. تقريباً ع الساعه 4 العصر نصحى زوجي يروح لدوامه وانا أجلس عند التلفزيون ومع ولدي … أو أغسل ملابس … وبعد صلاة المغرب أبدأ أفكر وش راح أسوي ع العشاء … ومع أذان العشاء أبدأ أسوي العشاء … يجي زوجي من برى ونتعشى ونقعد عند التلفزيون ونشرب شاهي أخضر <<<( ماسكه معنا رشاقه هههههه
) … وبعدين أبدل لولدي ملابسه للنوم وندخل الغرفه ع الساعه 12 …. وننام ….……
اما اذا كنت برى البيت انام الفجر واصحى الساعه 1,30 وأتغدى …. بعد العصر أتقهوى انا واللي عندي … والمغرب افتح النت …. والعشاء ندخل المطبخ نشوف وش راح نسوي عشاء نتعشى … وننام بعد صلاة الفجر
… فلووووونا انا بعدي بانتظارك