السلام عليكم ورحمة الله وبركاته
حياكم الله عرايس ,, اخباركم ان شاء الله مبسوطيين 
اليوم صلحت الغدا سليق مو بس اليوم والله اغلب الايام حتى اني طفشت منه خخخ
اول ما اقول وش تبون تتغدون قالو سلييييق هههههههه انا عيالي يحبونه << قولي قسم خخخ
وسهل ولا يبغاله شي الا المقادير 
<< احسبه بدون مقادير تصدقين ههههه
وهي :
_ دجاج مقطع ونظيف طبعا بالجلد لا تشيلونه لاننا بندخله الفرن.
_ حليب بودره .
_ هيل + قرفه + ملح بسسسس.
_ حبه بصله مقطعه عادي لو الكميه كبيره حبتين يعني مو كثير .
نحط الزيت والبصل في قدر ع النار ..
شوفو ياحلوين ما نخليه يحمر لا بس شوي ونظيف فوقه الدجاج المقطع والهيل والقرفه والملح ..
بعد كذا نقلبه ونخليه شوي ونظيف فوقه المويه الحاره ونخليه لين ما ينجح معنا
بعدين نطلعه من القدر ونظيف الرز في المرقه حق الدجاج وننجحه..
نتبل الدجاج وندخله الفرن وهذي طريقتي( معجون طماطم + فلفل اسود+ملح+ ملعقه كركم+ زيت )
ندهن به الدجاج ونرصه في الصينيه وندخله الفرن نفتح عليه من فوق وتحت ..
نفتح الرز اذا كان استوى ..
نذوب الحليب في مويه حااره ونضيفه فوق الرز كذا …
بعدين نضيف الزبده للي يبي واللي ما يبي على راحته بس الزبده بتعطيه طعم رااائع.. بهذي الطريقه..
نخليه شوي ع النار شيكو على الملح اذا كان اوك .. قبل ما انسى ترا ما يطلع معكم نااشف لا اذا حسيتو انه يبيله حليب زيدوه زي ما قلت ما يصير ناشف,,
وبكذا نكون انتهينا وهذا الشكل النهائي …
نقدر بعد نسويه باللحم بدون حليب بالمرق حق اللحم عادي
وصحه وهنا ياارب
ان شاء الله انها اعجبتكم انتظر ارائكم
في حفظ الله ورعايته (f)
..
..
سبحاااان الله احس السليق مايشبع مدري ليه
يسلمووووووو الايادي ياقمر ع السليق
ويسعدكـ ربي
وماننحرم؛؛؛
((f))
طبق سهل ومشهي
تسلم ايدك عزيزتي(f)
تسلم يدك
تسلم الايادي يائمر
تسلم إيدج عزيزني و الله يعطيج ألف عافية (f)
ماشاءالله
تسلميين على الاكلة الشهية
ربي يعطيك العااافية