وانا خايفة انه بنتى تقوم في الليل واتشوف شى غير مناسب و تتأثر بها الشى مع انى لاحضت كثير من الاهل ينومون عيالهم معاهم لين يتعدون الاربع سنين وعلى فكرة بنتى عمرها سنة وسبع شهور
انتى اختى حرام تنومين بنتك لسة صغيرة تركيها بروحها حرام لين جبتى الثانى بعدين خليها بروحها تصدقين اختى أنا لأن بنتى الحين تنام بروحها الله يحفظها نومى على طول متقطع من اسمع صوت فزيت رحت لها اطمن عليها اذا هى تبكى او متلحفة او شايله اللحاف عنها اغطيها………:shy:
بس أحنا العرب،، يصير عندنا إحساس الأمومة فائض بزوده ونبي عيالنا على طول جنبنا،
يعني آنه ولدي الحين عمره سنتين وشهرين وبعده معانا بالغرفة صحيح أنه بسريره وبنهاية الغرفة بس خوفي نفسك لا ينتبهه، تقولين لي ليه بعده معاكم بالغرفة مع أني أرفض هذه الفكرة؟؟؟
اولا ان ابوه مو راضي ولده بعيد عنه،،، شي ثاني عندي شغالة بالشقة والحين اخليها تنام بغرفته وماحب ينام ولدي معاها، فأنتظر تسافر بشهر ديسمبر ووقتها راح آخليه بغرفته واخلي الأبواب بيننا مفتوحة، وعلى مااخضر شغالة ثانية يكون الغيت غرفة التلفزيون وأخليها للشغالة والكوي، والله يكون بعونا بتكون جلستنا بس بالصالة (هذه مصيبة الشقق)..
إذا كان عندك مكان لها ، وهي ماترضع منك او من الرضاعة بالليل، خلي الجهاز مفتوح والأبواب مفتوحة وحبذا لو تشتري الجهاز المزود بكاميرا يكون تشوفبها وتوكلي على الله، لأن كل ماكبر الطفل صعبة يبتعد عن والديه….
انتظري اختي لحد ماتكمل سنتين وبعدين نقليهاوبهالفترة حاولي ترقدينها في غرفتها العصر او تنامين معاها بعض الليالي علشان تتعود وبعدين تدريجيا انقليها في غرفتها
وبالتوفيق حبيبتي
أتذكر زمان أول يوم كنا صغار نا كلنا أنا واخواني واخواتي وأمي وأبوي انام بغرفة وحدة والحمد لله ما صار لنا شئ وما صرنا ضعاف شخصية ولا شفنا شئ من أمي وأبوي بالعكس كان كل الأحترام والتقدير اللي أنشوفة.
فشو يا جماعة الزوج أو الزوجة ما يقدر يمسك عمره البيت في غرف كثيرة لكن الأطفال أمانه في أعناقكم والليل طويل والنايم ميت خلو عيالكم تحت عيونكم ولا تخلوهم مع الشغالاات أو بروحهم .
(يعني من أول ما بيصر عندهم بيبي ثاني بيبعدوني عنهم!!!)
و أني في رأيي أما فصله في غرفة منفصلة من عمر مبكر (6ـ9 شهور) بس زي ما قالوا بعض الاخوات نحن نخاف كثير على أولادنا..
بصراحه مووووووووووو قادره اطلع بنوتتي قلبي يوجعني
المشكلة الكبيرة عمرها سبع سنين ورااااااافضة
فكرة النوم لوحدها اوحتى مع اختها ونفسي اقنعها
لاكن ما تنام تنتظرني لين انام وتجي تنام معاية ودي الاقي
لها حل ………………….؟؟