حبيت أسأل من منكم زارت دبى ….:cool:
وش الاماكن الى فيها حلوة ياريت تدلونى على الاشياء الحلوة
بلاسم والصورة اذا امكن ..:L:
بنسبه للسياحه..:L:
قبل كل شي..
ان حبيتي تحجزين في فندق من الفنادق.. ف الشقق الفندقيه ارخص بوايد..
وان حبيتي تاخذين اي شي من المواصلات.. ف المترو ارخص عن التاكسي بوايد..
عندج دبي منقسمه لقسمين (ديره) و(بردبي) هو على حسب الي تبغينه..
عندج في ديره هالاماكن السياحيه:
المراكز:
– سيتي سنتر ديره
– سيتي سنتر الطوار
– البستان سنتر
– العربيه سنتر
– الريف مول
– مركز المنال
– مركز حمرعين
– مركز الغرير
– اب تاون مردف
وكل هالمراكز فيهم مطاعم وردهه لليهال..
وان كنتي ادورين مركز خاص للعبي وباسعار زينه عندج بوهيل..
وعندج في بردبي:
المراكز:
– فيستفال سيتي (المركز جنبه فندقين وجنبه موقع الالعاب وجنبه معرض ايكيا)
– ميركاتو
– دبي مول (جنبه فنادق وفيه عروض نافورات)
– امارات مول (جنبه فنادق وشقق فندقيه بالهبل)
– الممشى (جنبه فنادق كثيره)
– ابن بطوطه مول (هالمركز المناسب للعايلات بس ما فيه ردهت اطفال وفيه سينما)
– الواحه مول
– لامسي بلازا
– وافي
– برجمان سنتر اقرب شي له سوق الكرامه ينباع فيه اشياء رخيصه من البدل وشنط وغيره..
وطبعا كلهم فيهم المطاعم وردهات للاطفال الا كم من واحد..
وان بغيتي الاماكن الي فيها شقق الفندقيه باسعار زينه..
عندج في شارع الشيخ زايد (شيلسي) وعندج في البرشاء (رامادا) وهذا قريب من الامارات مول..
وان بغيتي الحدايق.. مع ان الجو ما يساعد ههههههههههههههه..
– حديقة الخور (فيه مدينة الطفل) وفيه(عرض الدلافين) وفيه (البحر)..
– حديقة شاطئ جميرا (البحر)
– حديقة الوندر لاند (حديقة مائيه)
– الوايلد وادي (حديقة مائيه)
– كيدزانيا (مكان تعليمي وترفيهي للطفل وهو طابقين وروعه) ومقره دبي مول..
– حديقة الحيوانات ب جميرا..
وان حبيتي تشوفين اشياء حلوه عندج هالمواضيع الي نزلتها ان شاء الله تفيدج..
ܓ✿تقرير زيارت أوراق الخريف لفندق Media one ب دبي ܓ✿
`♥“♥`زيارتي مع أبنائي لdubai dolphinarium مع صور `♥“♥`
❉❉ صور من فندق The 1 & Only Royal Mirage خذو بعض المقتطفات للديكور كفكره من جعبتي❉❉
❀نادي المرابع العربيه للجولف 2 Stars hotel❀ في دبي ❀
ديكور رائع من فندق باب الشمس حصريا بعدست كيمرتي
واي استفسار باذن الله برد عليج.. انتي بس اسالي شو في خاطرج تبغين تعرفينه وان شاء الله بقدر افيدج..F:
ما قصرت وكفت ووفت
بس كانج نسيتي تقولين سوق التنين