كيفكم عرايس شخباركم؟
اليوم جبت لكم انواع الشدو ومميزاتها
وهذا اول موضوع لي بهالقســــــــــــم )وان شاء الله تستفيدون منه
طبعا انتو عارفين ان الشدو مهم جدا لمكياج العين ويعطي العين رونق وجمال وشكل حلو واحيانا العكس يبشع العين اذا أسئنا اختيار اللون او النوع او ماركة الشدو
بعرض عليكم الحين جميع انواع الشدو المتوفرة في السوق وكل نوع مع ميزاته وعيوبه وبعض الانواع مااعرف عنها شي فبكتفي اني بحط صورها عشان الي يعرفونها يفيدونا
1-الشدو المضغوط Compact shadow
هذا هو الشدو المعروف والشائع الأستخدام وطريقة استعمال سهله ما عليك الا أختيار
اللون المناسب ودمجه مع عدة ألوان على الجفن وطبعا كل وحده لها طريقتها في المكياج
وأيضا من مميزاته سهولة التحكم باللون وأختيار الكثافه المناسبه وتقريبا هو اسهل انواع الشدو استخداما
افضل ماركات الشدو المضغوط فور ايفر و ماك وعندك بعد بيل فيزاج جربته روعه ورخيص والوانه تهبل
2-الشدو السائب LOOSE SHADOW
هذا النوع لايستعمل الا بفرش خاصه لتوزيع الشدو وعادة مايكون هذا النوع للأستخدام
حول العين (تحت عظمة الحاجب-وتحت العينين- أو كأضافة أضاءه على مكياج العين )… افضل ماركة للشدو السائب فور ايفر وماك واشهرها بيجمنت ماك
3-الشدو الكريمي cream shadow
وهذا النوع يستخدم بدون أي أضافة وله قوام كريمي مجمد وهذا النوع عادة لايناسب
البشره العربيه وملائم للبشره الأوروبيه أكثر لأنه يحتوي على الدهون والبشره العربيه
يغلب عليها الطابع الدهني وهي طريه مما يجعله صعب الثبوت على الجفن بدون مايسيح غير كذا انه دمجه صعب شوي وممكن تحطينه وتحطين فوقه شدو مضغوط عشان يعطيك لون اقوى وثبات اعلى
4-جل شدو او البينت بوت
هذا النوع من الشدو يأتي بقوام (جل) وهذه النوعيه نادر ماتستخدم لأن له طريق خاصه
كما يمكنك دمجها مع الشدو الثابت وذلك لتعطي لمكياج العين أطلاله متميزه …وممكن تستخدمينه قبل الشدو العادي ميزته انه مايتكتل وبعض انواعه ووتر بروف
5-الشدو المخملي
ايــــجـــــــــابيـــــــــات ه :
لمعه قويـــه
ثابـــــت
يعطي رونق للعيــــــن
ممكن ينحط بالمويـــــــه لانه ناشف
سلبيـــــــــاته :
– ما تقدرين تدمجين الالوان مع بعضها زي العادي لان قوامه اثقل من العادي
– لو تناثر صعب يروح
– اذا كثرتي منه يسوي طبقه غليظه تغير ملامح الجفن شوي !
والشدو المخملي لا يختلف عن العادي سوى أن به لمعه ويكون ملمسه كالكريمي… لكن اهم شي أن يكون من ماركة مضمونة ومجربه …لأنه بصراحة ينباع في كل مكان وحتى في الانترنت يعني المهم تختارين شركة زينه لان الماركات العالميه والمشهوره مااعتقد فيها مخملي وانا اسمع انهم يمدحون كلاسيك وبيل فيزاج في المخملي
انواع اخرى للشدو غير الي ذكرتهم
موس شادو الي هو يتحول لبودرة بمجرد فرده على الجفن
شـــــــــــــــدو قلم
شدو سائل
=========
انتــــــــــــــــهــــــــــــــــــــى
*************
اتمنى يعجبكم الموضوع
للأمانه منــــــــــقــــــــول واشكر صاحبة الموضوع على جهدها
وتسلم هالانامل اللي نقلت
عساج عالقوه