اشتقتلكم كتير,, الأسبوع القادم بخلص امتحانات الفاينل دعواتكم 
كنت حابة أسأل خواتي الخليجيات بالذات الكويتيات, كيف بتغسلوا الشيلات الحرير المطرزة
لأنني للأسف أكثر من مرة اشتري شيلات من نوران مطرزة وبعد مااوديها للدراي كلين او اغسلها باليد بشامبو اطفال تكش وتتغير , بشو تنصحوني ؟
هلا عزيزتي
انا بالنسبة لي وديتهم من افضل اللاندريز .. بس للأسف كانو يرجعوهم (( خيشة )) .. وتحسف موت ..
بعدها صرت اغسلهم بإيدي بشامبو العبايات .. واعصرهم برضو بإيدي .. وبعدها اشدها حيل .. يعني انادي اختي ولا أي احد وأكفسها نصين .. واخليها ماسة طرف .. وانا امسك الطرف الثاني واشده بقوه .. واكرر هالشئ اكثر من مرة .. ونتظرها شوي وبعدها اكوي ..
والله يا دلع ترجع مثل ماكانت لا تكش ولا تتغير ..
وبس
وسامحيني لو طولت عليكي :shy:
وشامبو العبايات بلاقيه بمحل العبايات ولا بأي جمعية موجود عادي
وبالنسبة لشد الشيلة مش مشكلة بشدها انا وزوجي هاهاهاها
والله يا دلع ترجع مثل ماكانت لا تكش ولا تتغير ..
والله فكرة حلوة نجربها
يعني لازم أكويها وهي رطبة
بمجرد ان تغسليها اعصريها واكويها على طول.. انا هذي الطريقة اسويها.. ما يرجع منظرها بالضبط بس افضل بوايد من الغسل العادي اهم شي انها تنكوي قبل ما تجف
بالنسبة الى طريقة مرت اخوي.. اهية قالت انها واهي رطبة تعصرها وتكويها على طول مع استخدام ميريتو.. والنتيجة تهبل.. ترد مثل قبل!!
بس ما جربتها.. لكن شيلها حليون ولا يتغيروا
وترجع لك كما كانت..
طبعا قبل كنت كل ما أشتري شيله جديده مجرد ما أوديها اللاوندري يرجعوها لي حالتها حاله وما أقدر ألبسها مره ثانيه..
وجربت أغسلها في البيت ومجرد ما أحطها في الدراير خلاص تخترب..
وبعدين أختي قالت لي عن الطريقه هذي وخليتها تجربها في شيلتها ولما شفت النتيجه إنبهرت..
الشيله أبدا ما تغيرت..