بدأ الصيف وكلنا مسافرين وطبعا اكيد لازم ناخذ عدتنا معانا الا وهي الميك اب، وطبعا نحاتي احيانا اذا ما تفتت الشدو ولا تكسر الروج وغيره من الحوادث اللي ممكن تستويلنا مع الميك اب اليوم يايبتلكم طريقة ان شاء الله تستفيدون منها وكيف تحطين الميكب في شنطة السفر يلا شوفوا معايا
اول شي الادوات المطلوبة
•المكياج اللي بتحطينه
•كرات القطن شكلهن مدور
•الورق الشفاف اللي نلف فيه التحف والزجاج
•كلينكس حمام (الله يعزكم)
•شنطة للميكب بالحجم اللي تناسبكم
اول شي ناخذ بليته الميكب اذا كانت مربعة او مستطيلة نفتحها ونحط من داخلها كذا طبقة من الكلينكس بس ما نكثر عسب نعرف نبند العلبه وبعدين ندخل العلبة فالغلاف الشفاف.
بالنسبة لعلب الشدو المدورة اللي فيها لون واحد نفتحها ونحط قطعة قطن ونبند العلبة وبعدين نفس الشي نغلفها بالشفاف
وما نسينا البيجمنت تلفونها كذا لفة بالكلينكس وادخلونها بالكيس الشفاف
الحين دور الشنطة رتبوا اغراضكم بالشنطة بطريقة ما يكون في مساحة انه الاغراض تتحرك يعني رصوا الاغراض حذال بعض
بالنسبة للفراغات عبوا فيها من القطن المدور حتى يمنع الحركة
واخر شي لفوها بالشفاف وبندوا الشنطة
واغراضكم بالحفظ والصون وسفرة سعيدة
والسموحة منكم ودعواتكم لاني تعبت فالموضوع والله
يعطيج ألف عافيه حبيبتي
الله يسعدج انشاء الله وينولج اللي ببالج
great idea..and it came on time too
thank u so much
بس يوم نبطلها مب جنه شوي صعب
نحن هيزه وهذا شي يخرب اغراضنا
ع العموم ثاانكس
الصراحة بدعيييلج احلى دعوات وانا فالطيارة (y)…((i)يقولون دعاء المسافر مستجاب(i))
فكرة حلوة وحل للمكياج اللي يتكسر فالشنط .. والله خسارة نشحن مكياج من هني.. ونوصل هناك كل شي متكسر :mad::mad: وحزتها امووت من القهر:mad::mad:
وانشالله بطبق فكرتج
تحياتي
وتروحون وترجعون بالسلامة
 |
اقتباس |  |
 |
المشاركة الأساسية كتبها Little Beard  |
 |
 |
| يعطييييييييييييييييييج الف عافية
الصراحة بدعيييلج احلى دعوات وانا فالطيارة (y)…((i)يقولون دعاء المسافر مستجاب(i)) فكرة حلوة وحل للمكياج اللي يتكسر فالشنط .. والله خسارة نشحن مكياج من هني.. ونوصل هناك كل شي متكسر :mad::mad: وحزتها امووت من القهر:mad::mad: وانشالله بطبق فكرتج تحياتي |
||
 |
 |
ههههههه فديتج يعلني ما خلا منج …. اهم شي تروحون وترجعون بالسلامة وتستانسون والميكب يكون بامان
فعلا انا دايما اتلعوز لما نسافر باغراضي
الحين هانت عسى اللع يهون علينا وعليك عذاب الاخرة