مرحبا , كيف الاخبار ؟؟!!
بعد البحث و التنقيب و السؤال و الابتكارات و الاختراعات :rolleyes:
تم بحمد الله تعالى التوصل الى طريقة راااااااااائعة و مفيدة جدا للعناية بشعر الاطفال ,
و خصوصا جو البحرين الرطب و الحاااااااار ,, حتى الشعر الحرير الساااااايح يكش
شلون اطفالنه اللي يلعبون و اصلا في حالاتهم الطبيعية يحتاجون عناية و رعاية من حيث الشعر ..
كل الادوات المستخدمة في موضوعي موجوده و تتواجد في اقرب برادة لبيتج
كل اللي عليج ان يكون عندج اصرار و عزيمة و متأكدة انج راح تشكريني بعدين من النتائج الهاااااائلة ..
اول شي لازم تحطين في بالج ان اهم شي بالنسبة للعناية بشعر الطفل هو المشط , لازم يكون مشط خاص في الطفل يعني لا تستخدمين مشط حقج و حق الطفل او حق الطفل و اخوه … لييييييش ؟؟؟!!!
لان احيانا تنتقل القشرة من فروة الى الثانية و احيانا يكون في نوع من الالتهابات في فروة الام و ينتقل الى فروة الطفل , يمكن ما يأثر على الام بس تأكدي ان فروة الطفل حساسة و تتأثر بالقليل فكوني حذرة …
و يفضل المشط يكون ذو اسنان صغيرة مثل هذا
انجي الحين الى المخطط ..
اول شي قبل لا ينام طفلج و انتي ناوية بكره تغسلين شعره حطي في شعره هذا الزيت
و هو زيت اللوز … زيت ناعم على فروة الطفل و فيه من الفائدة الكثير و الكثير
راح تحسين انه غليييظ .. حطي في راحة يدج كمية معقولة و حطيها على راس الطفل في النص و حاولي توزعين الزيت بعمل مساج خفيف لمدة 15 دقيقة
بتحسين ان شعر الطفل دهن بشكل غير طبيعي لانه مثل ما قلت قبل غليظ
مشطي الشعر شوي و خليه , اذا كانت بنت لا تربطينه لها خليه يرتاح شوي
يفضل وضع على مخدة الطفل فوطة او قطعة خلق قطن عشان لا تتلعوز المخدة
جدي سويتي الجزء الاول و هو تزييت الشعر و عمل مساج
الحين وقت غسل الشعر صدقيني و من تجربة و خبرة لا تستخدمي جونسون ( لا دموع بعد اليوم )
يجفف الشعر بصورة رهييييييبة و مخيفة , و احنه ندري ان شعر الطفل يحتاج رعاية و عناية و خصوصا جونه يجفف الطفل بكبره .. بعد نستخدم جونسون ؟؟!!!
استخدمي شامبو هيمالايا … شامبو تحسين انه ما يأثر على شعر الطفل و فيه من المواد اللي الواحد يطمنه له و بعد عن تجربة في فرق و هاذي صورته ..
اغسلي الشعر بصورة طبيعية جدا …
بعد ما تخلصين و تلبسين الطفل , حاولي تجففين شعره لان الشعر و هو مبلول يكون في اضعف حالاته ..
جففيه بعناية و حب :L:
حطي الحين بالمبرز .. كريم مغذي و فيه من الفيتامينات و و البروتين الشي الجيد
و هاذي صورته
طريقة الاستخدام : بعد ما تجففين الشعر , لا تمشطينه اخذي من كريم بالمرز و حطي في راحة يدج و مسحيه على الشعر بس مو بصورة كبيرة كمية بسيطة يعني
بعدين مشطي الشعر بتلاحظين ان الشعر يتمشط بصورة حلوة و غير عن كل مره :thumbs_up:
اذا كانت بنت ربطيه لها و اذا عندج شي تغطين شعرها لا تترددين بس لفترة بسيطة طبعا عشان لا يخم و تحملي يخم ترى ان خم بتتغربلين لين ما تروح الريحة …
خلااااااااااااص بجدي بتشوفين ان شعر الطفل صار عال العال و على سنقه عشرة :biggrin:
و مع الاستخدام المتكرر الى هاذي الطريقة بتلاحظين الفرق اكثر و اكثر .. ولا تنسين تدعي لي ….
نصيحة اخيرة .. استخدمي هذا الكريم حق المرات الجاية في تمشيط الشعر , كريم خفيف و حلو للاستخدام ( اهم شي تكون الكمية بسيطة عند الاستخدام )
* الموضوع مجهود شخصي و حصري لحبيبة الغاليين , حبيبتي اذا بتنقليه لا تنسين تذكرين المصدر
و اللي تحب موضوعي و تحس انها استفادت منه لا تنسى الميزان :$:
و كلمه شكر او تشجيع تخليني اعطي اكثر و اكثر .. فلا تحرموني منها
مع احلى تحية معتادة
بنتي عمرها سنتين واني استخدم ليها زيت الثوم خفيف ومافيه ريحة اخدته من الحواج اعطهه ليها في النهار عقب ما اسخنه اشوي في الماي الساخن عشان تمتصه فروة الرأس مع التدليك عقب نص ساعه اغسله واحطه مرة في الاسبوع
واربطه على فوق شعرها اخلي الربطة تقريبا في قمة راسها اللين اجف وأفتحه يصير تموجاته ناعمه
وان شاء الله اجرب بالمرز لاني كنت استخدمه لي قبل بس تركته وبعد في نوع ابيض غير الاصفر
واخدته ليها قطرات زيت الحية احطه والشعر رطب واااااااااااااجد احليو ما يخلي الشعر مدهن بس ما يخليه يكشخ من خلص ما اخدته غيره بس هالمرة ان شاء الله
تسلمين على الموضوع القيم و المفيد
بانتظار جديدك المفيد و الرائع
بالنسبه لشامبو جونسون للأطفال اللي لونه اصفر هو اللي يجفف الشعر ..
لكن جربي شامبو جونسون للأطفال اللي لونه وردي .. رووووووعة .. ناعم وخفيف ع الشعر وما يجففه وريحته نفس ريحة الحناء …!!!
وعندي سؤال .. بالنسبه لمنتجات هيمالايا هذي هل الاقيها في السعودية ؟ ووين بالضبط ؟ صيدلية ولا عطار ولا ايش ؟
وشكراً لك ِ
تم التقييم