سنه حلوه عليكم جميعا
يابنات ياليت تعلموني طريقه للعصيده و تكون سهله
ماعمري سويت عصيده و خاطري فيها
ولكم خالص شكري و امتناني
😮
ان شاء الله بنات يقولون لان انا بعد ابي اتعلم
صراحه ماعندي فكره ابدا واول مره اسمع بيها
سميد وماى )كيلو سميد عليه 2 او 3 اكواب ماى
تطبخينهم على النار( مع التقليب المستمر بملعقة خشب ) لحد ما تستوي تقريبا زي الكريمة بس تكون قوامها غليضة شوي طبعا مع قليل من الملح
تاكل مع الزبده والعسل (يمكن تعويض الزبده بزيت الزيتون الرفيع)كفطور صباح
او تؤكل( في باقي الاوقات) مع يخنة اللحم وتكون صلصتها ثقيلة شوى او مع كمونية الكبده
يا رب اكون افدتك ولو بالقليل وان شاء الله احطلك موضوع مخصوص عشانك للعصيده
اذا ممكن يا الغلا تحددين العصيده الي تبنها مع ايش تناكل
لاني اعرف كذا طريه
وما ادري اي عصيده تبين
ام عزيز مشكوره غناتي و اول مره اسمع عصيده با السميد
مشكوره ياقلبي
ام مظلومه
مشكوره يا الغاليه
ابغى طريقة العصيده الي يسونها با الدبس او السكر او التمر
تبون العصيده بس تامرون امر
الطريقه شعبيه
طبعا
اخذلي قدر يكون من القدور الثقيله الاصليه ( الهندي )
اضع فيه السكر حسب الرغبه والكميه واقلبه على النار لحد ما يتحمر وبدون لا يحترق طبعا
وبعد كذا اضيفله الماء تقريبا ست كاسات واغطيه واخليه يغلي
وفي هالاثناء اخذلي اناء متوسط الحجم واضع فيه ماء دافيء تقربا 6 كاسات بعد واضيف له ماعقه صغيره فلفل اسود مطحون وملعقه صغيره ملح ونص بيالة زيت ورشة زنجبيل ورشة قرفه وذرة هيل وزعفران
وطحين بر بالتدريج واظل اخلط وانا احط الطحين باشوي اشوي لحد ماتتكون عندي عجينه لينه نثل عجينة الكيك
تقريبا وبعدماتتجانس مظبوط اقلل النار تحت القدر واصب الكميه كلها على القدر وانا اقلب
واقلبها مضبوط لحد ما تختلط كلها ويصير لونها واحد
خلاص اغطيها بقصدير واضع تحت القدر حاجه معدن صغيره مثل الصاجه حقت الخبز واذا مومتوفره عندك مو مشكله غطاء علبة حليب بودره واتركيها على نار هاديه لمدة نص ساعه ولا تفتحينها كلش
الابعد نص ساعه وقلبيها وغطيها مره ثانيها وخليها بعد عشر دقايق وبعدين خلاص طفيها وقدميها مع الزبده البلدي
والزبده طبعا تكونين مذوبتها على النار لحد ماتتحمر جوانبها وتطلع لك ريحتها الطيبه
ونسيت لاقولكم
انا في اثناء النفاس اضيف لها الحبه السوداء والحلبه واحياناً الثوم البلدي لاعطاء الطاقه والنشاط
ويالله امانتكماللي بتسويها تخبرنا وشصار معاها لاتنسون حبايبي والا ترى ماعاد اعطيكم من خبراتي
>>>>>>>>>> شايفت نفسها المره هههههههههه
الله يعافيك ان شاء الله