شلونكم يا امهات عروس؟؟؟؟؟؟؟ بمناسبة العودة للمدارس تبدا معاناتي لتحضير وجبة المدرسة لذا فكرت انزل هالموضوع لمساعدتي لتحضير قائمة اسبوعية صحية بمشاركتم لي في الافكار ونصيحتي
ودمتم سالمين وعجل فرجهم ياكريم وفرجنا بهم
فالبيت قبل لا يروحون المدرسه يوم كورن فلكس و يوم جبن و يوم بيض و مرات ياكلون بسكوت مع شاي حليب لذذذذذذذذيذ و و يوم كيك مع شاي حليب انا بعد احبه و ياخذون
و ياخذون معهم السندويشات كل يوم شي
نقانق
بيض
جبن
زعتر
لبنه بالزعتر
و ايب لهم من المخبز فطائر صغيره مثل البيتزا و لبنه و مرات كرواسون
و طبعا ماي و عصير و اي نوع من الفاكهه
و ان شاء الله نستفيد من بقية الاخوات
ومنكم نستفيد
وبانتظار البقيه
وعصير لو حليب وشبس وفاكهة ومرات كاكو
كل يوم اسوي لهم سندويجة وانواع ، يوم جبن يوم بيض وجبن، يوم نجتس اذا الروضة يسمحون لأن بعض الروضات مايسمحون باللحوم
ونوع من الفاكهة ، يوم تفاحة او كمثرى، او فراولة، على حسب اللي يحبونه والموجود
وعصير، بشرط اما يكون نكتار او حليب ابيض المبستر او حليب فراولة او موز
زبادي، بس اذا تحسون الياهل يوصخ ثيابه ومايعرف ياكل بسهولة، اعطيه الزبادي او الروب بالعود اسهل وانظف
واحيانا اعطيهم قطعة كيك بس مو دائما