اليوم جايبلكم طريقة عمل الفاصوليا البيضا مع اللحمه والارز
المقادير
(طبعا في الصوره مش كامله );)
فاصوليا
لحمه عجل
صلصةبندوره
بهارات (فلفل اسود ,ملح ,ماجي ,هيل ,ورق غار )
بصلة
ثوم
هلا اول شي بنغسل الفاصوليا
بنحطها بطنجره وبنرفعها عالغاز تغلى غلوه
بعد ما تغلى الفاصوليا بنزلها من عالغاز وبنتركها تنقع يفضل نقعها قبل بيوم انا ماكان موجود عندي فنقعتها بس ساعتين
بنترك الفاصوليا تنقع ووبنلش باللحمه
طبعا هلا نسيت اقلكم انا ما باكل لحمه فطبخت الفاصوليا على ماجي ووطبخت اللحمه لحالها لزوجي
اول شي بنغسل اللحمه بالطريقه المعتاده
بنحطها بطنجره وبنضيفها عليها الماء وبنرفعها عالغاز (نسيت اصور )
بس تغلي اللحمه رح تكون رغوه عالوجه بنشيلها اول باول
بنترك اللحمه تغلى شويه وبنرفعها عن الغاز
بنصفي اللحمه وبنغسلها وبنتركها على جنب شويه
هلا بنقطع بصله وبنحطها بطنجره من شويه زيت وبنقلبها
بنرجع نضيف اللحمه الي غليناها غلوه مسبقا
وبنقلبها شويه مع البصل
بنضيف الهيل وورق الغار والفلفل الاسود
بنقلب اللحمه مع البهارات والبصل وبنضيفلها ماء (الماء يكون ساخن لانه سبق غلينا اللحمه لو ضفنا ماء بارد رح تشد اللحمه فالافضل نضيف ماء ساخن )
وبنترك اللحمه لحتى تنضج
بنرجع للفاصوليا
بنصفيه من الماء وبنغسلها
وبنحطها بطنجره وبنضيفلها ماء جديد وبنرفعها عالغاز
بنترك الفاصوليا تغلى وبنضيفلها فلفل اسود ومعلقه زيت زيتون
وقت سلق الفاصوليا بيعتمد على مدة النقع
لما تنضج الفاصوليا بنضيفلها صلصله بندوره
وبنتركها تغلى
بنجهز تقليه تومه
ثوم مفروم مع شويه زيت وبنقليه حتى ياخد اللون الدهبي
وبنضع التقليه على الفاصوليا
وبنتركها تغلى غلوه
هيك الفاصوليا صارت جاهزه
انا قسمت الفاصوليا قسمين قسم الي من غير لحمه
وقسم ضفت عليه اللحمه وغليتها غلوه صغيره
وهي الشكل النهائي
تقدم مع الارز بالشعيريه
طبعا ما عرفت اصورلكم السفره النهائيه لانه زوجي كان مستعجل بده ياكل
ماشاء الله شكلها بيشهي مررة
تسلم يدك
بسم الله ماشاء الله طريقه رائعه وشكلها بتشهي
تسلم ايديك ياقمر
((اسيره الغربه )) سابقا
يسلموووو ايديك
بموت بهاي الأكلة وانت بتعمليها متل طريقتي بس أنا متلك مابحب اللحمة بعملها على دجاج
بالف هنا وشفا حبيبتي
والله يعطيكِ العافية
تسلم الايادي غاليتي علي هذا الطبق الذيذ ..
من يد ما نعدمها ..
دومتي بخير ..
وطالعه من يدات اكليل الورد رووووووووعه
عاشت لايادي يارب
وربي يعطيكي الف عافية