لكل العرايس أقول زي منتو عارفين إن الفرش لها أنواع كثيرة
وحدة للايلنر و حدة للدمج وووووالخ
والمهم هنا هو فرشة وضع الشدو
وهي على حسب معلوماتي البسيطة إنها نوعين
واحدة تكون مصنوعة من الشعر زي فرشة ماك
الصور بالمرفقات
والثانية تكون مصنوعة من القطن
بس أنا دائما اقرأ بالمنتديات إن الفرشة الأولى أحلى من الثانية لان الثانية تمتص لون أكثر
وأنا أشوف إن الثانية عملية أكثر لأنها متوفرة بأعداد كثيرة يعني اقدر احدد لكل فرشاة لون معين
بس أنا نفسي أجرب الأولى اللي من ماك بس زي منتو عارفين إنها غالية شوي يعني بس اشتري وحدة . السؤال اللي يطرح نفسه هنا هو:
لو كنت أبغى أحط لونيين أو ثلاثة كيف أضع الألوان بنفس الفرشاة.أكيد راح تتلخبط الألوان مع بعض صح وإلا لا؟
ونفس الوقت صعب إني أضع اللون ثم اغسل الفرشة ثم ارجع والله حوسة
وابغي استفيد من خبراتكم الله لا يحرمكم الأجر
ونفس الشي انا احط فوطه وكاس مااي من اخلص اغمسها في المااي وانظفها
وأغلب الوقت أحط الشدو بصبعي :bigsmile:
وطريقة البنات حلوه بس ممكن انها تأثر على لون الشدو اذا كانت الفرشاه مبلله، يعني ممكن يطلع أغمق من اللي تبينه أو شي جذي، الا اذا انتي تستعملين الماي حق الشدو فهذا شي ثاني
امممم وترى مب لازم تاخذين الفرشاه من ماك، في وايد ماركات عندها فرش حلوه وأرخص مثل سيفورا وانجلوت وريد ايرث، وانا عني استعمل ريد ايرث والحين أفكر آخذ لي من سيفورا
والاسفنجه تنفع أكثر في حالة اذا كان الشدو بودرة، لان الفرشاه تبعثر الشدو ومايمسك فيها عدل فتضطرين تحطين كذا طبقة فوق بعض
فانا استعمل الاصبع او فرشاة الاسفنجه أكثر مع الشدو البودره
وبسسس هذا رايي المتواضع