بالبركه عليكم شهر الصيام والطاعه والله يعوده علينا وعليكم :shy:
عندي استفسار بسيط (اتمنى يكون بسيط)
انا وايد قريت عن الكفرديرم والديرماكول بس مش عارفه افرق بين الاثنين؟
هل هم ينخلطون مع الليكود فاونديشين بكميات بسيطه ولا كيف :shy:
اتمنى التوصيح لو سمحتوا ويزاكم الله خير مقدما
اختكم
حاشمه نفسي
راح ارد عليج عن خبرة معلومات مو خبرة تجربة ….. :shy:
لاني ما جربته بصراحة بس من خبرات البنوتات الله يجيزهم الف خيرر
انه له مقام ثقيل لذا يخلط مع الليكويد بكمية بسيطة وتنشريه او توزعيه على بشرتج وشوفي الفرق
وصدقيني تجربة بعد تجربه راح تقدرين تحديين الكمية المناسبة بس مو كثير هي نقطة او نقطيتن فقط لتثقيل مقامه فقط
اتمني اني افدتج الله يوفقك
يزاج الله خير عالرد السريع وعالطريقه وعلى فكره نك نيمج حلو وايد
حب القلوب:
شكرا اختي عالمعلومه وعالمرور يزاج الله خير
انا عن نفسي استخدم الكفر ديرم.. بس ما استخدمت الديرما كول.. بس من النتيجه الي حصلتها اكتشفت انهم يعطون نفس التغطيه.. و ترى الكفر ديرم فيه منه نوعين: نوع مثل معصار ( وهو الاخف) و نوع يكون في علبه دائريه ( وهذا غليييييييظ و اعتقد ان هذا الي هو مثل الديرما كول)
في الحالتين انا اخلط معاه: كريم اساس اغمق من الدرجه الي عندي + كريم اضاءه ( انا استخدم كريم الاضاءه البرونزي من بينيفيت) وبعدين احط عليهم بودره مضغوطه من فور ايفر ويعطيني تغطيه روووعه و يدوم فتره طويله خصوصا في الحر وفي الاعراس.. وترى انا ويهي فيه شويه حبوب و ما شالله الكفر ديرم يغطيها ..
وبالنسبه للاخت الي سالت عن الكفر ديرم والديرما كول..
اختيه هذيلا كريم اساس بس ثقيييييل يعني اثقل من الي تحصلينه عند الماركات المعروفه .. و يستخدم حق التغطيه الثقيله و للمناسبات.. و فيهم صفتين ممتازات:
اول شي انه طبي.. يعني ممتااااااااز للبشره و مايضرها
وثاني شي: الثبات والتغطيه الروعه..
بالنسبه للكفر ديرم لبنات دبي انا حصلته في صيدليه ميركاتو ..
السموحه على الاطاله وان شالله اكون افدتكم..
درب الوله (f)
الفرق بين الديرماكول والكفرديرم ,,
إن الكفرديرم أثقل من الديرماكول ,, وألوانه أغمج ,,
والحلوووو في الكفرديرم إنه عندهم لاين كامل ,, كريمات للجسم والرجل والوجه وللعين ,,
وممكن تحطينهم بروحهم طبقة أولية بعد البيس ,, وممكن تخلطينهم مع الأساس ,
ما قصرتن ويزاكن الله خير