الفرني بالكريم كراميل اختراعي وطلع يم يم شهي ولذيذ 2024.

هلااااااااا وغلا

اليوم كان خاطريه في فرني وفي نفس الوقت كريم كراميل فقلت ليش مااخلطهن رباعه واضرب عصفورين بحجر :2_106:

فقمت واخترعت حلى الفرني بالكريم كراميل ..صدق لي قال الحايه ام الاختراع :2_106::2_22:

نيي للمهم الا وهو اختراعي اللذيذ عروس _smil1:

اولا طريقة الفرني (الطبقه الاولى )

نطحن العيش الابيض (رز ) بس مانسويه بودره لا انتبهن نخليه مطحون وسط مثل الحبوب ..

المقادير :

ناخذ مقدار 1 كوب رز مطحون
2ونص كوب حليب
21 كوب سكر
ملعقة كبيره فانيليا

الطريقه:

نسخن الحليب ونضيف له السكر وبعدها نضيف الفانيلا والرز ونحركه شوي وعقب نخليه لين يستوي الرز زين وبنلاحظ ان الخليط كثف ..وبعدها نوزعه في القوالب الخاصه بالحلى البارد للنصف مانترسهن ..ونخليه شوي يبرد وعقب نحطه بالثلاجه..

وهذا بعد ماطلعناه من الثلاجه

الحين نبدا نشتغل في الطبقه الثانيه

نييب لوز ونحمصه عشان نكهته وهو محمص لذيذه .. او تييبينه محمص جاهز ..ونطحنه شوي ..
ونضيفه على الفرني بعد مابرد

ونصب عليه شوية صوص شوكلاته هرشي ..

الطبقه الثالثه والاخيره :
2 كريم كراميل
2ظرف دريم ويب
2 قيمر (قشطه) كاي دي دي العلب الصغار
21 كوب حليب

الطريقه

نخلط الحليب+الدريم ويب في الخلاط لين تكثف الكريمه
نضيف باقي المقادير ونخلطها زيم مازين

واخيرا نوزع الخلطه على كل القوالب

ونزينها بالطريقه اللي تعيبنا
انا زينتها بشوكولاته هيرشي ..

ونصيييحه لطعم الذ واحلى خلنها تبررررد وايد يعني عالاقل 4 ل5 ساعات في الثلاجه واذا زادت المده احسسن بتطلع روعه وهيه بارده ..:B_wink:

اتمنى ان اختراعي عيبكن عروس _smil1:

تحياتي للجميع