السلام عليكم ورخمة الله وبركاته
كيفكم يابنات عروس هذه أول مشاركةلي في منتداكم وأنا داخلة على ثم عليكم
طلبتكم تكفون ساعدوني أنا زواجي بعد أقل من شهر وأنا في حوسة وحالتي حالة
المشكلة عندي واللي متعبتني أن سيقاني تفشل مرة مشوهة مليانه آثار لجروح قديمة
هذا غير الحبوب وسواد الكعبين والركبتين والله إني متفشلة منها وماني عارفة كيف بألبس قصيرأمام زوج المستقبل بصراحة لي فترة أجمع خلطات وآخذ كريمات ومارأيت أي نتايج مرضية
وقلت مالي إلا الله ثم هذا المنتدى أبي شيء يزيل هالأثار بسرعة سواء خلطات أو كريمات بس تكون مضمونة ومجربة ومالها آثارجانبية أبي شيء يبين النتيجة في وقت قصير لأن ماعد عندي وقت وزواجي قرب تكفووون أعطوني حل حتى لوكان غالي ومكلف
وإذاكان في مواضيع نزلتوها بخصوص هذا الموضوع أدرجوها لي لأن ماعندي وقت أتصفح المنتدى
تكفووووون ياأهل النشامى واللي بتساعدني بدعيلها من كل قلبي أن ربي يحقق كل أمنياتها ويسعدها في الدارين
.
حبيبتي مسحي ريلج كل يوم بمنقوع المره ( ماي منقعه فيه مره)
وبعدين لما ينشف رشي عليها ماي ورد
المره وماي الورد يوخرون الحبوب ويشيلون آثارها
وفي كريم يبيعونه بالصيدليات اسمه سودو
وايد زين هم يشيل آثار الحبوب
امممم وبعد شنووو ؟؟
اي
اذا تسبحتي
فركي ريلج بملح الحليب وركبتج
ينعم ويبيض
بس مو اتفركين حيل
بحركه دائريه برقة الانوثه لوول
عشان لا اتصير النتيجه عكسيه
وفي صابونة مزيونه وشقره بمنتدى كويتيات
وااايد زينه
جربيها ..
انا شخصيا ما استغني عنها سويتها مرتين وخلصت وتوني سويت المره الثالثه
اقولج طريقتها :
اتييبين من الحواي
صابونة البابايا + صابة الكركم + صابونة الغار + الصابونه السحريه وتبشرينهم كلهم
بجدر صغير اتحطين نص كوبماي ورد واتخلينه لما يصير حار شوي بعدين اتضيفين عليه ملعقة ملح خشن + ملعقة كركم جسم + ملعقتين سفيد اب مطحون
بعدين اتضيفين الصابون اللي بشرتيه كله
واتحركينه لما يذووب كله
بعدين اتضيفين ملعقة نشا او ثنتين عادي
واتشيلينه من النار واتحركينه عدل
بعدين صبي بقالب نضيف وغطيه
وهالصابونه ما يضرها شي لو تقعد سنه
هذي خليها صابونة استحمامج الدائمه
ويمدحون بعد كريم ماجيك بس ما جربته للامانه
هذا كل اللي ببالي الحين
اذا تذكرت شي بقولج
وموفقه ياقلبي والله يتمم عليج
والفال لي 
بس يارب تجيب معاي نتيجة وأنا باستخدمها ولو جابت نتايج حلوة ببشرك
وإذا عندك أشياء غيرها عطيني إياها الله يوفقك وينورك ويحقق كل أمنياتك
وباقي الأخوات اللي بالمنتدى اللي عندها حلول أخرى لاتبخل علي بها الله يسعدكم.
المرة هل هي اللي تجي مثل الحصى الصغير لونها بني ياليت إذا عندك صورة لها نزليها
وكمان ملح الحليب وصابونة البابايا وصابونة الكركم وصابونة الغار والصابونة السحرية والسفيد آب
وكريم سودو
إذا عندك صور لها نزليها وإذا ماعندك حاولي توصفينها لي الله ينور لك و فين تنباع أنا في السعودية وهل نتايجها سريعة يعني كم يبغالها مدة عشان تظهر النتايج؟؟؟
عارفة تعبتك وثقلت عليك بكثر الأسئلة بس تأكدي ماراح أنساك من دعواتي لأنك بتقدمين لي جميل ماراح أنساه طول عمري
الله يوفقك ويزوجك الزوج الصالح إذا منتي متزوجة وإذا متزوجة الله يخليلك زوجك ولايشوف أحلى منك بها الدنيا..
قبل بليله دهني ركبك بزيت زيتون ونامي
في الصباح خذي دوش وركزي على الركب بمقشر الجسم
بحركات دائريه بماء دافئ ودعكي جيدا وبستمرار
هنا الخطوه الذهبيه
بعد طلوعك من الحمام وركبك نديه
دهنيها بفازلين و
إدعكيها بمبرد الاقدام (مزيل الجلد الميت )
الجهه الناعمه منه بحركات دائريه متعاكسه وكل ماخلص الفازلين حطي وإدعكي
حتى تتخلصي من كل السواد
والنتيجه
ركب بيضاء وناعمه
ملاحظه الي ماتحصل على نتيجه من أول ستخدام تكررها
على ثلاث ايام وتشوف النتيجه الرائعه
بس لازم الترطيب بعد البرنامج
خلطة الجلسرين مع الليمون وماء الورد مرة حلوة
ادهني جسمك يوميا بالليل زيت جوز الهند حلو ويوحداللون
هذا الي يحضرني واذا ذكرت شي بارجعلك
الله يوفقك
والله يبارك في عمرك ويسعدك
بس حبيت أسأل هل هناك نوع معين لمقشر الجسم ولاأي نوع؟؟
وإيش المقشر اللي أشتخدمتيه؟؟
وكمان مبرد القدم من فين أشتريه وكيف شكله
الله يعينكم علي وعلى أسئلتي وحدة ماهي فاهمة شيء في العناية بالبشرة!!!
اسمعي يالغاليه اذا تبين خلطات مفيده ونتايجها مضمونه ادخلي على ركن بنت عذارى
وهاذ رابط بمواضيعها
http://www.3roos.com/forums/205/t180262.html
وشوفي انتي شو محتاجه واخذي الطريقه منها انا من فترة طويله مسويه هالشي اي خلطه احس نفسي محتاجه لها على طول اسجلها بدفتر خاص واجربها والــله ان خلطاتها جدا مفيده ونتايجها رهيبه بقولك على الي جريته وحسيته مفيد علشان اسهل عليك ..
لآثار الحبوب ولي بقعه غامقه بالجسم استخدمي مخفف خل التفاح " 3_4 خل التفاح +كوبين ماء الورد"تستخدم مرتين باليوم صباحا ومساء ..
للتبيض " الركب والابط والاكواع " استخدم مجموعه كريمات اخذتها من الصيدلي طلبت منه انه يعمل لي وصفه آمنه للتبيض ..
واعملي قناع النشا وماء الورد لبشره وجهك بعد عمل حمام بخار مرة واحده بالاسبوع …
وللسيقان الحلوه >>طبعا ارفع معنوياتنا والله ان سيقاني احسها ميه لون ولون وبقع وشعر تحت الجلد الله يعين بس المهم صرت استخدم البيكنج صودا تحصلينه بالصيدليه قولي لهم ابي بيكربونات الصوديوم وهم بيعطونك اياه هذا استخدميه مرتين بالاسبوع وبعده استخدمي وصفه بنت عذارى هاذ رابط الموضوع تفضلي ..
http://www.3roos.com/forums/13/t181334.html#post2345764
واذا بغيت اي شي ثاني قولي لي ..
في امان الله ..
 |
اقتباس |  |
 |
المشاركة الأساسية كتبها شامخة@  |
 |
 |
| أختي عايشة حياتي بغيت أسألك عدة أسئلة بس تحمليني شوي
المرة هل هي اللي تجي مثل الحصى الصغير لونها بني ياليت إذا عندك صورة لها نزليها الله يوفقك ويزوجك الزوج الصالح إذا منتي متزوجة وإذا متزوجة الله يخليلك زوجك ولايشوف أحلى منك بها الدنيا..
|
||
 |
 |
حبيبتي انتي ما سويت الا الواجب
واحنا خوات مافي بينا كلافه
بالنسبه للمره ما عندي صورتها بس اهي اللي قلتلي عنها اللي زي الحصا لونها بني صح
وموجوده عند العطارين (الحواج)
وكل الصابونات اللي ذكرتهم موجودين عند الحواج انتي قوليله اسم الصابونه وهو يعطيج
والسفيد اب هم عند الحواج يكون شكله مثل الصخره ابيض لونه انتي طحنيه او ساعات يكون عند الحواج مطحون وجاهز
ملح الحليب انا شايفته بسوق بن داوود بمكه
وهو موجود عند الحاوج كمان
وممكن اتحصلينه بالسوبر ماركت
وراح ادورلج صورته
وكريم سودو من الصيدليه اهو يستخدم للاطفال وايضا لعلاج حب الشباب
انا بصراحه اخلطه مع نشا وزيت اللوز الحلو واستخدمه للمنطقه الحساسه 😮
الحين ادورلج صور لهم واحطهم لج ولا يهمج ياقلبي
وان شاء الله بالتوفيق
وهذا ملح الحليب
جدول العروس