وفوق كل هذا ماتنظف زين عدمت لي المنطقه وصارت المسام مره واسعه
ابي حل تكفوون وش اللي يقفلها ويخليها مثل قبل
ووش افضل طريقه لتنظيف الانف من الرؤؤس السوداء ؟
اكيد البنات مابيقصرون
المهم دايم اسوي اقنعة لوجهي بالبيت واغسل وجهي بغسول جونسون كل يوم وتروح بس لو اهمل نفسي ترجع
احين راجعة لي وبقوة ونسبة الدهون بانفي زايدة ومطفشتني
فمقررة باذن الله اسوي تنظيف لوجهي وبما فية انفي ..
انتي روحي لمشغل حلو وشغلهم حلو او مستشفى وسوي تنظيف بشرة وبعد التنظيف استخدمي غسول للحبوب السوداء..
ادهني وجهك بالعسل واتركيه شوية
بعدين طبطبي على بشرتك بسرعة على كامل الوجه
كأنك تشيلي العسل بيدك وترجعيه
بهذي الطريقة تسوي نزع للدهون من البشرة عن طريق الطبطبة وتساعدي الزيوان يتحلحل من المسام ويطلع بسهولة
استمري خمس دقايق بهذي العملية وبعدين خذي ليمونة اعصري مقدار ملعقة صغيرة
وادهني فوق العسل اللي على وجهك وخليه عشر دقايق وغسليه بمويه باردة
ان شاء الله فهمتي عليا ؟
كمان سوي ماسكات طبيعية احلى شي لتنظيف البشرة مرة في الاسبوع او مرتين
و أكيد دائما ابعدي عن محيط العيون في اي ماسك تسويه .. شريحة خيار أو بطاطس اثناء الماسك مع الاسترخاء تعطي نتائج روعة :032:
عندك ماسك السدر
مكوناته :
ملعقة صغيرة سدر + ملعقة صغيرة عسل + ربع ملعقة كركم + رشة بسيطة ملح ( الملح معقم للبشرة ممتاز)
اخلطيهم مع 3 ملاعق صغيرة زبادي واذا تحبي تضيفي عليها شوية موية ورد
حطيه على وجهك طبقة سميكة عشان ماتنشف بسرعة
اتركيه اكثر وقت ممكن من نص ساعة لساعة اذا تقدري
استخدمي بخاخ مويه كل ماحسيتيه نشف رشي وجهك بالمويه عشان تتخلصي من الشد اللي يضاااااايق
رشات خفيفة اللي ترطبة مو تبخي كثير وتسيحي الدنيا تلاقي نفسك غرقانة بالسدر 
العسل والزبادي احلى شي للتنظيف العميق والسدر مايحتاج امدحه طبعا :032:
وياريت قبلها تعرضي وجهك لبخار خفيف من بعيد لا تطويلي على البخار كثير
بس عشان تتفتح المسام المقفلة على الزيوان ويتمكن الماسك من التنظيف
وسوي سكراب بالسكر
خذي شوية سكر في يدك وافركي وجهك بنعومة قبل مايذوب
وممكن تحطيه مع غسول منظف يسهل لك العملية
وبعدها حطي الماسك
واذا جيتي تنظفيه خذي فوطة مبلولة مويه دافية مايلة للسخونة اكثر
امسحي بشرتك من الماسك
وبعدين غسلي بمويه باردة بدون ماتستعملي اي غسول او صابون
عندك كمان ماسك الطماطم مع الشوفان
حبة طماطم وسط حاولي تقشريها وتخلطيها مع ملعقة شوفان في الخلاط
اذا حسيتيها سايلة اتركيها شوية لان الشوفان بعد شوية يشرب موية الطماطم وينشف الخليط
اذا شفتيه ناشف زيدي عليه شوية مويه
الكمية اللي تخلي قوامه زي الكريم سهل الفرد على البشرة
بس انتبهي لشي مهم …. الطماطم لازم تسوي اختبار حساسية قبل ماتستعمليه
لانه مو كل البشرات تستحمله زي حالتي انا مررررررة مايناسبني
خذي قطعة وجربي افركيها على بشرتك تكون نظيفة طبعا
بعد ربع ساعة اذا ماحسيتي فيها احمرار وحكة معناته ماعندك مشكلة وتقدري تسويه
الطماطم رووووعة للرؤوس السوداء لانه مضاد للأكسدة
الرؤس السودا هي عبارة عن دهون تأكسدت في المسام بسبب تلوث الهواء والماكياج وكل العوامل الخارجية طبعا
مع تكرار الماسكات هذي وعنايتك اليومية بتتخلصي من المشكلة ان شاء الله
لو تستعملي صابون عادي ابعدي عنه وغيري لغسول مناسب زي جونسون مثلا او نيتروجينا
استعملي بعد تنظيف بشرتك يوميها تونك قابض
التونك الناس ماتهتم له بس مرة مهم فوق مانتصور
وظيفته يقفل المسام ويوازن الدهون في البشرة
بالتالي ماتتجمع الدهون في المسام ويجي الهواء الملوث يمر من فوق المسام ومع الوقت ياكسد ويجمّع ويصير نقط سودا مزعجة
ودايما بعد ماتاخذي دوش اوقفي عند المراية حاولي تطلعي الزيوان بكلينكس ولاتضغطي عليها كثير
اللي تقدري تطلعيها طلعيها واللي تحسيها صعبة اتركيها للمرة الجاية
ليش اقولك بعد ماتاخذي الدوش؟؟
لانه بخار الحمام واستحمامك بموية دافية بتكون بشرتك مرتاحة والمسام مفتوحة وتنظيفها سهل
ونصيحة اضافية جربيها وبتدعي لي ان شاء الله
كل يوم الصباح امسحي وجهك بمويه ورد بكمية تخليه مبلول
بس حرام كذا نص موية الورد بتروح في القطنه
لقيت طريقة احلى بكثيرررر
حطيها في بخاخ وخليه في الثلاجة
وبخي منه على بشرتك الصباح واتركيه رطب لاتمسحيه زي ماقلت لك :032:
وسلامتك ياقمر 