محتاجة خبراتكم ومساعدتكم
بنتي اسم الله عليها … الله يخليها ويحفظها لي ان شا ءالله راح تكمل السنة تاريخ 24/1 وبغيت افطمها عن الحليب لاني حامل حاليا في الشهر الرابع ومو عارفة اشلون ابدي معاها الفطام لانها ما تشرب حليب صناعي فقط طبيعي … من جذي كاسرة خاطري ومو عارفة اشلون افطمها… 
للعلم اني ما ابغي اعلمها على الرضاعة لاني مقررة اعطيها في كوب فانتوا اش رايكم بشنو تشورون علي ومن مثلي مرت بهاي التجربة الصعبة؟؟؟
والله يخلي البطة وكل عام والحلوة بخير يارب 
ثانيا اني مريت بهالتجربة مرتين والثالة فطمت الحلو وفي نفس الشهر حملت
وبالنسبة ليي فطمت الحلوات وحدة عمرها سنة والثانية ستة شهور بس عودتهم عالرضاعة لعمر السنتين !!
والمسألة يبغي ليها صبر !!
وان شاء الله كلها فترة بسيطة وبتتعود الحلوة
في البدايه بتقولين صعب وبتكسر خاطرش
بس الفطام في مصلحتكم
اول شي قللي رضعاتها مره او مرتين في اليوم
وبعدين حطي اليها اي شي مر
اني بتي عمرها سنه ونص فطمتها حطيت لصقه وخافت
وبس ولا غربلتني واجد مسكينه بس الالم الي دبحني
اختي س ام ارونه
ترا موووب زين ترضعين طبيعي وانتي حامل لا لك ولا لهااااا ربي يعينك ويعيننا
انتبهي اختي حليبك يعتبر الان سام لها واسئلي اي طبيبة عن هالشي
وافطميها كلها يومين ثلاثة وخلاص تتعود وتصير تاكل اكل مفيد وصحي وعلميها شرب الحليب من الكوب المخصص للاطفال وربي يكون بعونك ان شالله
وراح ارفع لك موضوع يفيدك عن الفطام شوفي بالصفحة الاساسية
لان بنتش بعدها صغيره ولو عطيتينها في كأس حليب
لو قعدت في الليل شلون بتتصرفين وياها
يعني ع الاقل وهي نايمه تشرب رضعتبن حليب
الله يساعدك بس اقترح انه تعطيها الحليب في رضاعه احسن من الكاس بعدها صغيره صعب عليها واستعملي لها حليب المراعي واشربي انتي معاها عشان يكون الوضع عادي عندها في البدايه طبعا
جدامها حطي لها في الرضاعه وانتي بكاس
والله يتمم ليكي على خير إن شاء الله