بنتي عمرها سنه إلا أسبوعين .. بديت أفطمها عن اللهاية من 3 أيام ..
للعلم بنتي ما ترضع طبيعي وتصحى ترضع رضعه وحده بالليل .. وأحياناً رضعتين
المهم من يومين قررت أفطمها من اللهاية تشجعت وبديت أخفيتها تماماً لكن بنتي كانت ما تنام إلا فيها وتصحى أكثر من مره تحطها بفمها وتنام !!
مشكلتي مع بنتني من أول يوم في المستشفى من ولدها كثيرة البكاء لدرجة أن أمي كانت تقولي بنتك مو طبيعية , الحمدللة تحسنت وبعد معارك معها دامت 6 شهور صارت تنام لوحدها بالسرير .. وهذا احسن شي صار في حياتي , لأني ضد أني أنيمها أو تنام معي في سرير ..
المهم حالياً اليوم الثالث على فطامها من اللهاية صارت تبكي وتزن وتسهر, أول يوم سهرت لل5 الفجر وبكت لين رجعت (استفرغت ).. اليوم نفس الشي وطبعا ما تنام غير بهز ومشي وألفلف بالبيت . وصرت اوقت المنبة كل 3 او 4 ساعات علشان أرضعها قبل لا تصحى .. لكن المشكلة أنها أهزها وأنيمها جنبي ( وأنا ضد أنها تنام معي بالسرير لأنها قبل كانت تنام في سريرها لوحدها ) وثانياً أنها كل يوم تصحى مرتين أو ثلاث تصيح وطبعاً نعيد الموال الهز والمشي ….
أعطوني حل ..
هل راح تتغير بعد أسبوع تقريباً ولا راح تستمر كل ما تصحى تبكي لين أشيلها وأهزها ؟؟
وهل لازم أنيمها ؟؟ وكيف ممكن ترجع تنام بسريرها ولوحدها من غير ما أنيمها ؟؟
وحالياً هل كل ما صحيت أقوم أشلها وأهزها وأنيمها في سريرها ولا انيمها جنبي ؟؟
أفيدوني جزاكم الله خير .. أنا قرأت يمكن 20 موضوع عن هالشي وأبي حل ما أبي أرج لللهاية
أختكم في الله
๏°๏°๏๏°
اكيد صعب عليها لانها متعودة عليها وبعدها صغيييرة !!!
لا تستعجلي عليها .. اذا فهمت شوي اقطعي الحلمة او لونيها بصبغ اظافر وقولي ليها اح وبتخاف منها
اني بنتي الاولى عطيها في الشهر الثالث ومن وصلت 6اشهر تركتها
بس بعد اعطيها حدها لعشرة اشهر وخلاص ماتقرب صوبها
استغربت انها ماتبيها وقطعت الحلمة قلت يمكن تصيح عليها بس هي استانست وقالت كاكا ورمتها !!!
بنتي الثانية اخذت اليها كل الانواع مارغبت فيهم
๏°๏°๏ ๏° ๏°๏°๏ ๏° ๏°๏°๏
وبعدين بنتي ما تعرف الخوف أو هذا حار وهذا بارد ما تفهم أن هالون غريب او انه يخوف ؟؟
خايفة تشوفها وترجع لها ؟؟
يمكن لأنج قطعتيها عنها مره وحده صايره تقعد بالليل وتصيح وتستفرغ
المفروض تبدأي معاها شوي شوي
الله يسلمج ولدي كان مرقد بالمستشفى من بعد ما جبته لأنه كان عنده أبو صفار
وكنت أروح له وقت الرضعه وذاك اليوم رحت إلا واللهايه وياه بالحضانه
ولما سألتهم قالوا لي وايد يزنزن ,, وتعود عليها حتى اذا شبعان يبيها
وحتى لما رخصوه ,,
بس لما كمل 3 شهور خفت يتعود عليها وايد فقمت شوي شوي اخف منها
صح عور راسي من الصياح والتزنزن ,, بس افتك منها وهو صغير أحسن
السالفه متعبه , ويبي لها مزاج وسهرررر
الله يساعدج وتقطعها بنتج بسرعه
ماقط مرة استخدمتها مع عيالي
حتى كتكوتي الصغيرة وااااااااااااااااجد زنانة ( بالخط العريض ) كل تصيح وتزن
بس مافكرت مرة اعطيها السهاية واعلمها على شي بعدين اتغربل اشلون اقطعها عنها!!
الله يعنيش اختي ومثل ماقالوا لج الاخوات قطيعها عنها بالتدريج والله يساعدج خيو
وموفقين
ومصاصه في حلجج شلنها شويه شويه خالها تصيح او حطي فيها ملح بتكرهها
