اشحالكم …كلكم بخير
حتى انا
موقف بالمستشفى :
صراخ الممرضة الانجليزية بشششششششدة ( نووووووووووو ماما )
وتحاول تنزع وبرواية تشيل الطفل من يد امه وتضعه على السرير وتفككه
راحت تفك الخيط الملفوف حول الطفل الذي اصبح كدودة
الدكتورة هدأت الممرضة وااضحت لها انه شيء طبيعي جدا بهذا البلد!
والكثير الان من بنات اليوم يرفضن فكرة لف الطفل بخيط حتى يكون شكله مثل دودة مستقيمة.. ويتعللن ان هذا خرافات الاولين وانه ما منه صحة ولا فائدة ..
وياما اشوف امي تلف اخوي بالقماط وبعدها تجيب الخيط وتلفه عليه حتى لا يتفكك..بسهولة والابتسامة ترتسم على محياه والهدوء والسكينة !!
وقتما سألت ليه يا امه تربطينه جيه.. شحقه ما تخليه بالهدا (سرير الطفل) شكله روعة وهو بدون القمّاط
عاد يدتي الله يهديها سمعت السؤال ..
<–يدتها تجساس عليهم
بس عاد كل عيوز له شغلة ويدتي شغلتها الاساسية معرفة ما يجري في الاسرة وفي خارجها
اقولكم موقف طريف عنها
مره سمعت يدتي بالراديو .. الاخبار بوش رااح بوش وبوش… وهي تلقط كلمتين…بوش وحرب
وكنت توني صاحية ويالسة اتقهوى عندها قالت…) وشدخل البوش بالحرب
عاد بالامارات يسمون الأبل=بُوش
ضحكت حتىوصل صوتي لقصرانا (جيرانا)
بعدين فهمتها السالفة ان بوش .. كذا وكذا ..
<—حال يدتي
** المهم**
نعود لجواب يدتي على سؤالي اللي وارد اعلاه
قالت اولا : انه يصلب الفرخ
بمعنى ( يجعل عوده مستقيم )
وثانيا- حتى ما يي افيح
بمعنى (اذا مشى تكون مشيته زينه وهب ريل بمكان وريل بمكان
ريل= رجل
ثالثا:تبعد عنه حالات القفزة والصياح
بمعنى الهلع فاذا كان مفكك .. اي بدون قماط ..راح يفزع ان سمع صوت
يفزع لادنى شيء…. بعكس وهو مربط تشعره انه بحضن امه
**واشتغل مخي انا … بالتفكير باجابات يدتي ودعمها عقليا والاسباب اللي تدعو الاولين يصّرون على القماط ولف الطفل بخيط…
لانهم .. كانوا يتركون اطفالهم بروحهم(ماعندهم احد)
ويروحون يخلصون بعض الاشغال السريعة.. والقماط يشعرهم انهم بحضن الام لانه ملفوف بخيط…. كضمة ام **
وتكمل يتدي الاجابة بهمّة عالية:
الياهل يكون مثل "لحمة" لينة فلا يصح احد يشيله هو مفكوك,,,بدون قماط لانه قد يأذيه
والاولين اذا كانوا بمكان وسمعو الطفل يبكي ..ارسلوا احد ابنائهم الصغار حتى ياتيبه..لانهم معتمدين على القماط الذي لاف الطفل وعلى الخيط ..فليس على الطفل غير حمله دون النظر الى رجليه او يديه او راسه ..(مدري فهمتوا والا لا)
.. بمعنى جعل الطفل كتلة متراصة (a)
*
*
*
اذا ماحد فهم شيء …تراه عادي راجع لعوامل المنطقة واللهجة والعادات (6)
حي الله من يانا وتعنا لنا
وانتي الصادجة القماااط زين يصلب اليهال ويخلي عودهوشوحلااته
تسلمين يا الشششيخة:o:o:o
صدقت والله ما يصلب الياهل ويريحه غير القماط
وبصراحة لولا الترجمة اللي بين الاقواس ما كان فهمت وانا اختك :p
بس انتي تداركت الموضوع وشرحتيلنا المفردات الصعبة 😮
تدري والله سواليفك مررررررررررة حلوووووووووة تذكرني بسوالف جدتي 😉
الله لايحرمنا منها ولو اني عندي استفسار يدور بهالمخيخ
ليش الاجاااااااانب رغم انهم ما يعرفووووون هالشي بس ما يصير في عيالهم مثلنا :confused:
وهل هي مهمة فعلا الى الان ولا بس اول يوم كانت الظروف مختلفة مثل ما وضحتي ؟؟ 😮
على العموووووم يازينك زينااااااااااه
هلا والله وغلا
ومليون مسهلا
ومليار مرحبا
صدقتي ما يصلب الياهل الا القماط..ويخليه عوده صلب ويريحه على الرقاد
سلمتي يالششيخة على الحضور
اقول يا العروس الهاربة …وين شااارده
يوزر روووووعة خخخخخخخخ
انا عارفه ان به ناس ما تعرف وايد اللهجة الاماراتية حالنا حالكم وانا اختس
يالله يالله اننا نعرف وشتقلون:confused:
والحمد الله… الحين اعرف احجي سعودي (6)
تقوليلي الله يسلمج
(( ليش الاجاااااااانب رغم انهم ما يعرفووووون هالشي بس ما يصير في عيالهم مثلنا ))
اقــولج يا حلوة يا الشاردة… هو ان الافضل …ان تصلين الفروض الخمس
والافضلالافضل ان تتدومين على صلوات النوافل والافضل الافضل الافضل الصيام الايام الزيمة مثل الاثنين والخميس… بس ماعليج اثم اذا ما صمتي ولا عليج اثم اذا تركتي النوافل..ولكنها الافضل الافضل والاحلى هو ان تضيفها …الى حياتج
ومثل هذا الافضل الافضل… ان تلفي الوليد…. وتحكميه ..حتى يشعر هو بالراحة…والامن والامان..وكأنه بين يدي امه…ومستحيل تشيلي طفلج 24
فهناك مطبخ/ دراسة/ ربيعات/
القماط…يندرج تحت بند الافضل..واذا ما سؤؤيته مب مشكلة…
ولكن العرب الاولين…يحبون يكون ولدهم عوده صلب وريوله مب فيح
وهذا وتقبلي اعذب تحية
مني ومن شكرة المحدودة للقماط(6)
دمتي خير
تسلمين على هذه المشاركه الجميله.. ربي يعطيك الف عافيه,, و لا تحرمينا من كل ما هو جديد بحوزتك.. متمنيه لك دوام الصحه و العافيه.
احلى تحيه لك.. و نورتينا بهالمشاركه المميزه
القماط غير مضر و مفيد جدا للطفل في ايامه الاولى,, لهذا فأنا شخصياً أظن أنه مهم في أول شهرين عند حمل الطفل أو نومه فقط (حتى لا يتحرك ويخاف او يؤذي نفسه) ، و لازم تكون اللفه خفيفه و بسيطه جدا بدون شدها بقوه!!
و أعجب ممن يستعمل القماط طول النهار والليل فيصبح كأنه قطعة خشب!!!:rolleyes::mad:
اذا الطفل صار عمره اكثر من 3 اشهر (( و بعدنا نقمطه و بشده ,, مثل ناس اعرفهم )) :sممكن انه يعيق نمو جسم الطفل 😡 ((تشوهات وإعوجاج في أطرافه وضعفها ))
اختكم ام نوره
مــرحبا بج بذمتي
ومنورة المنوضوع ومشرفه صاحبته بحلاة حضورج
((القماط غير مضر و مفيد جدا للطفل في ايامه الاولى,, لهذا فأنا شخصياً أظن أنه مهم في أول شهرين عند حمل الطفل أو نومه فقط (حتى لا يتحرك ويخاف او يؤذي نفسه) ، و لازم تكون اللفه خفيفه و بسيطه جدا بدون شدها بقوه!! ))
غاليتي وقتما تحطي الطفل في وسط القماط/او المهاد
وتلفينه باحكام…
هالخيط…تاخذي وتلفينه من بداية الصدر وتظليييين تحوسسين عليه لحد ما توصلي ريوله (فديته )
بعدين غاليتيى فيه طريقه جنان مرّه(a)
عندما تفرشين المهاد وعبارة عن مهدين/قماطين ..حتى الخيط لا يعور الياهل(6)
قبل اللف… تسؤي امي حركة حلوووة
تاخذ غترة الوالد .. وتحطه فيصير بعد اللف كغترة على الراس.. ويصح توضعي اي شيء بدل منه بس يكون على شكل غترة (الغترة=الشماغ )
وتقدرين تروحي تجيبي عروسه من المحل وجربي عليها <—لاازم بروفة قبل ما تجربي على كائن حي صعنتووتي
****
بعض الامهات يفضلن لخمسة اشهر…لانالطفل يتعود عليه ..ويشعر بالامن والامان فيه اكثر … ويطول نومه وياخذ راحته ..بعكس لوتركتيه ..
وتعرفين الواحد انتعود عليه ششؤيش يتركه
وبعض الاطفال يحبونه فهوكضمةام لولدها ..
ويحافظ عليها لا يجر اللحاف بريوله على وجهه فتستوي مأسأة
وانا معاج ببنقطة… الشد بقوة…حرام حتى يعوره..
بالخفيق ان كان توه رضيع
واذا وصل اربع اشهر اوخمس … فلا بأس ان يطلع يده من المهاد..
اعتقد هذاوالله اعلم
شكرا لاضافتج
دمتي بكل خير وعافية
ولو اني مو عارفة وش معناة الشاااااااردة 
مدري هي مدحة ولا مذمة بس على العموووووم اللي يجي منك حلووووووو
ولك تحياتي ولكل اهل الامارات الاجاووووووويد
الشاااااردة=الهاربة
الغزال الشاارد
الغزال الهارب
ربي يسلمج ويحفظج لغاليج ومغلينج