السلام عليكم ورحمه الله وبركاته
برزت فى منتدانا الرائع مواضيع وافكاره حلوه عن
الحركات والمفاجآت للزوج وهى امور نسويها كل
فتره لكسر الروتين بالحياه الزوجيه ولان العالم
يحتوى على مغريات وبنات بالخارج الله يستر بس
فلازم ندلع ازواجنا ولو كل فتره يا جماعه
هذه النوعيه من المواضيع فقط للحريم اللى حابات
يبذلون جهد للحفاظ على ازواجهم وحتى نكون
حريم ننافس اللى برى وننتصر عليهن كمان
اشكر كل الاخوات اللى امتعونا بمواضيعهم وافكارهم
ملاحظه هامه
افكارى تتركز اكثر حول اضفاء المرح على الحياه الزوجيه
طريقه لايقاظه من النوم
تجلسين جنبه وتمطرينه قبلات خفيفه على وجهه
طبعا بيتنح نح وبينتبه لكن ما بيقوم
فزيدي قوه القبلات حتى يتضايق ويقوم
ههههه قولى له احمد الله ان لك حرمه تصحيك
بالبوسات فى حريم يصحون رياييلهم بالكفوف
حفله رقص !!
خخخخخ هدوا اللعب
الادوات:-
– قوطى نيدو فاضى او ما يشابهه
-اى لبس مخلع ههههه ويا حبذا ينزل منه
خراخيش وايد
-مكياج صارخ
الطريقه
عطى زوجك القوطى الفاضى وخليه يطقطق لك
وانتى ارقصى لك وحتى لو ما تعرفى خرفى
الا هو هز الوسط والاكتاف والسلام
صدقينى بتموتون من الضحك وهنا الهدف
المرح
صحيح احنا محتشمات والحمدلله
لكن هذا ما يمنع اننا نكون انيقات
الله يحب المؤمن الجميل النظيف
فكيف نكون اانيقات وجميلات ومحتشمات بنفس الوقت؟؟؟!!
هنا
اولا نلبس جلابيه او تنوره وقميص محتشمات وحلوات بنفس الوقت
نلبس نعال وشنطه بنفس اللون ويكون متناسق مع اللبس
ما انصح بالشنط الصارخه او اللى فيها خراخيش ولافته للنظر
لانها مقرفه ومنظرها بشع
دائما البسيط انيق *
هممم شو كمان
المكياج سوى مكياج بالاماكن اللى ما تظهر للناس
مثلا النقاب يبرز العيون
فلا تسوى على عيونك مول شي
بس سوى روج وبلاشر للخدود
بتقولون ليش ؟؟
بقولوكم حتى لو فتحتوا النقاب بمطعم مصكر او بالسياره مثلا
يشوفك زوجك حلوه ومهتمه بنفسك
وعلى فكره هالنقطه علمنى ياها اخوى
اللى قالى ان الحرمه لازم تهتم بنفسها حتى يشوفها
زوجها دوم انيقه بس بما لا يخالف الدين
الدلع :-
1-
صوتك بالكلام معاه لازم يكون كله دلع لما تكلمينه مثلا
مطى بصوتك شوى عطيه كم بوسه اثناء الكلام مفاجأه
على ارنبه انفه مثلا
2-
لما هو يتكلم معاج خليج قريبه منه وايد
عيونج بعيونه وايدك تلعب بشعره
3-
لما تطالعون تلفزيون الصقى فيه انسي سالفه هو بكرسي
وانتى بكرسي
الصقى فيه باى طريقه
4-
عوديه تكونين دايما معاه
لما ينام نامى معاه حتى لو ماكان فيج نوم
احضنيه لما ينام على الاقل
عوديه انه قبل النوم تقولون لبعض
تصبح على خير واحبك
5-
خليه يتعود على وجودك معاه
مثلا هو بالحمام
اجلسي عند الباب وسولفى معاه
لما يتسبح فركى له جسمه مثلا
وبعدين جيبي له ملابسه للحمام
وجيبي له المنشفه لعنده
وخليها عاده عندج مو مره وحده بس
6-
لما تطلبين منه شي دايما خلى كلمات الحب
قبل كلمات الطلب
مثلا
الله يخليك حبيبي اريد اشترى …..
فديتك خاطرى اروح اتمشى اليوم
7-
دايما خلى المسجات بينج وبينه
والاتصالات دايما
8-
اشكريه على كل شي زين يسويه لج
بشكل حميم احضنيه وحبيه على راسه وقولى له مشكور حبيبي ما تقصر وهالكلام
9-
عامليه كطفل اثناء اكلكم مع بعض
اكليه بايديك او بالملعقه
امسكى قطعه اكل مثلا بفمك وناوليه القطعه كده بعنى
خليه ياكلها ههههههه هههه قويه لا بس وايد رومانسيه
المهم اثناء الاكل احب تاكلون من صحن واحد
وتشربون من كوب واحد
10-
الملابس اقل انواع الدلع على فكره
لان كل اللى ذكرته لج هو الاهم
البسي له كل انواع الموضه
من بناطلين ومشلحات
وشورتات وكل البلاوى
اللى يلبسونها اللى برع
حتى يشوفها عليك انتى
11- وهى الاهم
وهى انه لما يجي البيت استقبليه عند الباب
بالوجه البشوش واحضنيه ووووو
ولما بيطلع من البيت عوديه على انه
يسلم عليج ويحضنك وانتى تدعي له بالتوفيق
وبالسلامه
حاولى تسوى اللى اقولك عليه
وانتى واثقه ممن نفسك
اذا قالك مثلا انتى تتصنعين هالحركات او شي
طنشي وغيري السالفه
حسسيه ان هالحركات جزء منك
قولى له انا كده اصلا
بس كنت استحى منك
لان لو عرف ان هالاشياء مو فيكي
اساسا ما بتعجبه
وبيعتبرها تمثيل
بعنوان
هديه غير متوقعه
وهى انج تقولى له انج تبين تشترين هدي رجاليه
بيقولج لمين قولى لابوى او اخوى او ما شابه
المهم روحوا سوى وخليه يختار كل شي
على ذوقه وخليه طول الوقت يفكر انها
لحد غيره
هههه غلفوها سوا او راويه التغليفه وكل
شي
عطيه البطاقه اللى كتبتى عليها مسبقا
ان هالهديه له
وشوفى وقع المفاجاه الحلوه على وجهه
اذا الوحده منا عرفت انها حامل
وحابه انها تفاجىء زوجها بالخبر
تجيب ورقه وتكتب عليها فى بيبي هنا
وتلصقها على مكان بطنها
ولما يجي الزوج ويشوفها
بنشوف كيف بتكون رده فعله
هههه اريد احمل عشان اسويها
ساعات هالحركات ابلغ واحلى من الكلام
UmSaif
تسلمين يالغالية وتسلم لنا أفكارج الجهنمية
وحركة البيبي أنا سويتها فعلاً
مع انه كان طاير من الفرحة
بس رد وقال
وليه .. يعني الواحد ما يقدر يختلي بزوجته !!
او اللى يروح للدوام لفتره اسبوع واكثر ويبات هناك مثلا
جهزى له شنطه السفر بكل ما يحتاجه
جيبي بطاقات صغيره واكتبي عليها كلمات
مثل اشتقت لك هل اشتقت لى ؟؟
او
امواااااح وتطبعى بالروج على البطاقه بوسه
او
دعوات بالتوفيق والعوده بالسلامه
ووزعيها داخل شنطته بحيث كل ما يتفش شي
يلاقى وحده ويتذكرك ويبتسم
صدقونى حلوه وما فى اسهل من كذا
مشكورة عزيزتي على الرد