ممكن تقوللي الفرق بين القهوة التركية والفهوة الفرنسية من حيث الطعم والتركيب والكمية والفناجين وهل للقهوتين نفس القوام الثقيل ام ان احدهما اخف من الاخرى نسبة السكر وكميته بالنسبة للقهوة؟
واريد طريقة عمل القهوة التركية والقهوة الفرنسية؟
اول شي اختي انا من اقرا اسمج ابتسم لانه يبعث في نفسي روح الامل والتفاؤل…فخليج دومج معانا و لا تقطعينا بمشاركاتج
بالنسبة لسؤالج أختي هو فيه اختلاف بيت القهوتين …لانه القهوة التركية عزيزتي تكون ثجيلة و تتكون فقط من بن و ماء و السكر حسب الرغبة
أما القهوة الفرنسية فهي على نكهات و تنباع بالكيلو في المحامص الراقية فيه بنكهة الفراولة و البندق او الكاكاو و هاي احلى بس تضيفين عليها ماي حار و السكر حسب الرغبة …….مممممم و تشربيها ساخنه و صدقيني بعدين ادمان عليها لانها خطيرة
ان شاء الله اكون افدتج و اذا احتجتي شرح الطريقة بالتفصيل خبريني …
والله يعطيك العافية على الرد
واذا ممكن ما عليك امر اكتبي لي طريقتها لاني ناوية ادمن عليها وانا مدمنة قهوة تركية وابغى الحين اغير نوع الادمان او اوسع ادماني
مشكورة
الاكواب هي نفس اكواب القهوة العادية او لها اكواب اخرى في الاسواق
مثلا اكبر من الفنجان العادي ؟؟؟
, و لا يهمج الغالية بس عاد لا تدمنين عليها وايد ….و تقولين صوغة السبب :p ….حبيبتي طريقتها نفس طريقة القهوة التركيه يعني بتغلين الماي بنفس مقدار الكوب او الفنجان الي بتشربين منه فإذا مثلا سخنتي كوب ماء حار أضيفي ملعقتين صغار من القهوة الفرنسية و ملعقة صغيرة سكر او نصف ملعقة …و تخلين القهوة لين تغلي لمدة خمس دقايق و صبيها في كوب و اشربيها ….و و الله يهنيج فيها……..و خبريني بالنتيجة
والله ما قصرتي
نردها لك في الافراح ان شاء الله
:clap:
:z_thanks:
المقادير
كأسين قهوة حارة ومحضّرة على النار ( كأسين ماء + 4 ملاعق قهوه تركيه )
1/4 كأس قهوة مخلوطه بالبندق (قهوة فرنسية مخلوطة بالبندق تلاقونها عند محمصة الرفاعي)
1 ملعقة شاي قرفة
1 ملعقة شاي كاكاو بودره
ملعقتي شاي سكر
كريمه مخفوقة (إختياري)
رذاذ من الكاكاو البودره للتزين
الطريقه
نخلط القهوة بالبندق مع القهوة التركية المحضرة مسبقاً، والسكّر والقرفة في إبريق ونحركهم. نصبهم في كوبين كبيرين . نزينهم بالكريمه المخفوقه ورذاذ من الكاكاو البودره .
وصحتين 🙂
تسلم يدك
:z_thanks:
العفو حبيبتي ….انتي اطلبي و نحن في الشوفة و بإذن الله ما بنقصر