اليوم حبيت أحط لكم ستايل ميك اب جديد علي ,,
وقمت احطه الصبح حق الجامعه اكثر شي ,,لانه ناااعم وسهـــــــــل وحلووو,,
يعطي اشرااق للعين ويخلي ويهج منور من الصبح,,,,,,,
بسم الله نبتدي ,,,
اول شي ,, ارطب عيني بال أي كون من بينفت …
وبعدها ارطب بشرتي بمرطبي من بينفت ,,, بس بما ان بشرتي مختلطه ,,ااحب احط على منطقه الانف لوشن ماك للتحكم بالدهون ,,oil control
وبعدين انطر شوي على ما يجف الكريم ,,تقريبا 10 دقايق , وبهالوقت انا البس هدومي حق الجامعه
وبعدها البس عدساتي العسليه ,,,
سوري ماصورتها نسيت ,,
وعقب احط الكونسيلر من ماك بجفوني من فوق ومن تحت ,,
وبعدها اوزع كريمي الاساس من ميك اب فور ايفر على وجهي كله ماعدا العين,,,
واوزعه باسفنجه مدوره ,,
وبعدها اوزع البودره المضغوطه على ويهي كله ,, وجفوني كلها من فوق ومن تحت !! ضروري الجفون الي فوق تمسحينها ببودره مضغوطه بعد الكونسيلر عشان تمنع الدهون من الجفن عشان ما يخترب مكياج عينج وما يطبع فوق بالجفن مثل حالتي )
انا حاطتلكم بودرتين ,انا قبل كنت استخدم ماك وكنت احبها , بس صارتلي مشكله معاها ,,قامت تخترب فبدلتها ببودرة لوريال بشكل مؤقت الحين 
المهم ,,,
بعد ما وزعت البودره على جفوني وويهي ,,,
ابدي أرسم حواجبي ,,
سوري الصوره مو راضيه تتعدل ,,عيزت بعدلها بس موة راضيه :ss:
وبعدين اوزع الشدو الوردي من شانيل على جفني المتحرك من فوق ,, وبفرشة ماك اوزعه ,,
(شوفو الصوره اللون الي انا حاطه عليه الفرشه على اليسار من تحت )
والحين احط الشدو الوردي نفسه بالزاويه الداخليه للعين ,,اوصل لي ربع العين من داخل ,,
بفرشه ضعييفه الي من ماك ,,
سوري بعد نسيت اصورها 😮
وبعدين آخذ كحل بني من شانيل ,,اينن وما يسيح نهائيا ,,
ارسم خط ضعيف بمحاذاه الرموش ,,وبطريقه خفيفه ,,بعدين اقولكم ليش ,,
ونفس الطريقه احط الكحل هذا تحت عيني بالزاويه الخارجيه (تحت عيني بالجفن يعني مووو داخل عيني ),,بالربع الاخير ,,لي نص العين تقريبا ..بس ما ترسمون العين كلها ,,
وبعدين آخذ كحل سيسلي الي فيه قليتر Glitter لونه فضي غامق deep silver ارسم عيني خط بمحاذاة الرموش فوق الكحل البني وشوي اعرضه بالنهايه بس شوي مو وايد ,,بس عشان يعطي شكل حلو للعين ,,, ونفس الطريقه ارسم الزاويه الخارجيه للجفن السفلي بالكحل الفضي فوق الكحل البني ,,
الكحل عجييييب وثاااااابت وما يروح من الصبح لي الحين العصر وانا حاطته وماتغير ماشاء الله
وفيه منه الوان ,,لون فضي ولون بني ووذهبي وازرق ,كلهم فيهم قلتر ,,انا كنت ابي الازرق او الاخضر بس كانو خالصين ,,
المهم ,,
الحين بقولكم انا ليش حطيت كحل بني وفوقه كحل فضي ,لان الفضي فاتح وراح يبهت العين ,فأنا حبيت اغمجه شوي بحيث انه يقلب لونه للازرق شوي عشان يبرز العين شوي ,,بس ترى هم حلو اذا حطيتوه بروحه بدون كحل بني
بس اذا انتو شريتو من كحل سيسلي الوان الثانيه ,,مثل البني الي فيه قلتر او الازرق الي فيه قلتر ماتحتاجون تغمجون اللون ,,
المهم بعدها نحط الاضااءه تحت الحاجب من ماك ,,ما صورتها آسفه :ss: والي ماعندها اضاءه تحط لون فااتح مثل بيج ,,تحت الحاجب
وبعدين آخذ الكحل الاسود
و اكحل عيني من (داخل) بس الجفن العلوي ,,مو السفلي !!
اتمنى تفهمون قصدي ,, يعني تمررين الكحل بس على الجفن العلوي من داخل العين عشان يعطي رسمه للعين ويبرزها بدون لا يبين انج حاطه كحل…
و الحين نيي للجفن السفلي ,,انا ما احب الكحل الاسود داخل العين بالجفن السفلي لان بتغمج عيني ,انا احب عيني تكون مشرقه من الصبح وبنفس الوقت تكون بارزه ومرسومه ,,,
عاد شسوي , بس احط كحل بني داخل العين بالزاويه الخارجيه بس,,اكحل عيني من داخل ,,الجفن السفلي بس مو كل الجفن ,,بس الربع الخارجي عشان يكبر العين ,,
وبعدين
نحط الماسكرا فوق على كل الرموش بس اكثر شي نحطها نص العين من الخارج عشان تكبر العين ,, ومن تحت العين نحط نص الزاويه الخارجيه بس ,,, نفس الصوره الي تحت ,,,,
اناا دايم استخدم ماسكرا لوريال وحلوه بس هالمره قاعده استخدم ماسكرا شانيل عطوني ياها دعايه على مشترياتي ولانها جديده بس بصراحه عجبتني واايد ,,لانها تبين الرموش طبيعيه ,, ما تبين اني حاطه مسكرا ,,جنه رموشي اهيا جذي كثيفه وطويله!! مشالله
وبعدين امشط رموشي بمشط ماك حق الماسكرا نفس اصوره فوق,,
وبعدين ,,,
احط البلاشر الوردي الفاتح مال بنفت بس على خدودي وجبهتي وذقني
وحق الي ماعندهم خدود يحطون البلاشر على عظمتي خدودهم بس ,,اهم شي ,,عشان تعطي ايحاء ان عندهم خدود اما الخدود من تحت العظمه يظلون بدون بلاشر ,,
وبعدين ارسم شفايفي بقلم تحديد ماك لونه spice جاي لونه بين البيج والوردي …
وفوقه احط حمرتي المفضله حق الصبح من ماك ,,SATIN ,,بالنهايه يطلع لون الحمره فضيع ,,جاي على بيج ووردي وبرتقالي ماعرف اوصفه ,,بس فظييييييييع
وخصوصا على البشره البرونزيه مثل لوني
وهذي صوره تقريبيه انا رسمتها لكم بس عشان اراويكم شلون الشدو الوردي تحطونه ,,بالزاويه الداخليه للعين ,,
وبالنسبه لللون الاخضر الغامق الي بالصوره ترى خطوات الميك اب مافيها هاللون ,,((((بس)))) هذي رسمه لان ما عندي لون رصاص غير الاخضر ..انتو اعتبرو اللون الاخضر اهوا كحل سيسلي الفضي الي فيه قلتر ,,شوفو انا راسمه من تحت لي نص العين ,, ومن فوق راسمه كل الجفن فيه ,,,
على فكره بالصج والتطبيق وااااااااااااااايد احلى من الصوره ,بس لاني ما اعرف ارسم اعذرووني ,,,,
انشالله يعجبكم اللوك ,,,
والصراحة شجعتيني على قلم سيسلي و شانيل شكري بجرب …
وحطيت عني على بلاشر بنفت ..ويبيله ستن من ماك ..
وواو
ماشاء الله علييج
لوك مرتب ونعوم
تسلم يدج
السلام عليكم ورحمة اللــــــــــــه وبركاتــــه
هــــــــــلا حبيبتـــي..
تسلمين علافاده..
وعجبتني الطريقه واااااااااااااااااااااايد..
سؤال شو الكحل الي استخدمتيه الي لونه وردي اول مره اشوف هالنوعيه..؟؟
ونترقب جديدج والى الامام حبيبتي..
وشكرا..
يسرني مروركم على مواضيعي واضافة الاطلاله فيه
ركن العناية بالشـــــــــــــعر
من افضل الطرق لتطويل الشعر
بدك شعر حرير وبيجنن في نفس الوأت؟!
سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله
أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)
طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال……… مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)
ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ
زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات
قناع الموز 30 دقيقه لشعر صحي وناعم
بلسم طبيعي لشعر
زيت السمسم لشعر لامع
-(أسرار صحه وجمال شعر الأسيويات)- بحث كامل Exclusive الجزء (1)
حمام زيت (تحفه) عن تجربه ممتاز ومتوفر ولا يتفوت+ صورة المنتج
ولوووك حلوو واداوات المكيب تهبل خاصه بلاشر بنفت
هههههه مشاء الله تقعدين قبل الجامعه بكم ساعه
اتذكر انا لما كنت ادرس اقعد قبل بساعه واحط مكيب خفيف
جدااا كريم و بلاشر للخدود وكحل و روج رودي وبسسسس
ماحب البودره من الصبح
ويعطيج العافيه
ماقريت الموضوع كامل خخخخخ بس برجع له مره ثانيه لاني احس اني باستفيد منه
هاااا اشوفج بتصيرين احسن عني لووولز
فديتج والله ننتظر اللوك اليديد منج وربي يوفقج يارب ويسعدج إن شاءالله