المقادير:
-3 بيضات..
-كوب سكر..
-ملعقة صغيرة فانيليا..
-3 حبات جبن مثلثات أو كيري .. (انا استخدمت كيري)
-ربع كوب زيت..
-نص كوب حليب سائل..
-كوب طحين منخول معاه ملعقة أكل بيكنج باودر..
الصوص:
-ثلاثة أرباع علبة الحليب المركز المحلى .. (انا الصراحة استخدمت العلبة كلها .. الربع الي بيتم شو بسويبه حرام اعقه)
-50 جرام زبدة
-جبن كرافت العلبة الزرقاء الصغيرة ..(انا استخدمت نص العلبة تقريبا وشكلها في الصورة الي فوق)
الطريقة:
-أخفقوا البيض جيداً الواحدة تلو الاخرى..
-ثم ضيفوا الفانيليا..
-ثم ضيفوا السكر واخفقوا جيداً لمدة 3 دقائق تقريباً..
-ثم ضيفوا الزيت وبعده الجبن.. (قبل ما اتحطون الجبن اهرسوه شوي بالشوكة عشان ايكون اهين لكم في الخفق وما يتكتل)
-والان ضيفوا الحليب السائل بالتناوب مع الطحين الي منخول معاه البيكنج باودر واخلطوا جيدا..
-صبوا الخليط في صينية مدهونة أو بايركس والحجم خلوه وسط …(الخليط بيكون سائل لا اتخافون)
-دخلوها الفرن لحد ما تستوي وتتحمر من فوق تقريباً 45 دقيقة على نار هادئة…
في الخمس الدقائق الاخيرة لوجودها في الفرن جهزوا الصوص..
-اخلطوا الحليب المركز والزبدة وخلوها على النار حتى يمتزجون جيدا..
-صبوا الصوص على وجه الكيكة وهي حارة ..(حطوا الصوص كله حتى لو حسيتوا أنه وااااايد)-أبشروا الجبنة على وجه الكيكة وغطوها بالقصدير عشان الجبن ايذوب ..
-وهذا شكلها بعد ما شليت القصدير عنها… (المفروض الجبن ايذوب بس ما ذاب عندي .. مرة ثانية برش الجبن وعقب بصب الصوص وان شاء الله ايذوب كله)
السموحة ما قدرت اصور قطعة منها لاني كنت مسوتنها لبيت خالتي واستحيت اصورها هناك .. بس الطعم خيال .. انصحكم اتجربونها ..
اتمنى اشوف الصوره 
مشكوره ياالغالية
شكلها لذيذ وان شاء الله بجربها
الله يعطيك العافيه
 |
اقتباس |  |
 |
المشاركة الأساسية كتبها ^ السفيرة^  |
 |
 |
|
مشكوره ياالغالية شكلها لذيذ وان شاء الله بجربها الله يعطيك العافيه
|
||
 |
 |
هلا فيج يا سفيرتنا .. انصحج اتجربينها … انا الصراحه يوم سويتها كان يوم ميلاد اخوي الصغير وكانوا امسويله كيكه من برع .. بس الحمدالله كانوا يطلبون كيكتي وما يبون الكيكه الجاهزة ..
|
اقتباس | |
|
المشاركة الأساسية كتبها حليب فانيلا |
|
|
|
|
مشكورة الغلا
|
اقتباس | |
|
المشاركة الأساسية كتبها اغتراب |
|
|
| يسلموووووووووو خيتو
اتمنى اشوف الصوره |
||
|
|
الظاهر انج من السعويدية وللاسف ما يفتح عندكم موقع التحميل … اذا تقدرين تعطيني موقع تحميل يفتح عندكم ايكون احسن .. لاني ما اعرف .. على العموم مشكورة على التعليق ..