اللرجال هالأيام ماتحصلونهم الا بالتفق<مشكله> 2024.

مساء الخير على احلى بنات وررررربي ماسجلت هنا الا من حبي لكم … وعشاني ابي اطلع اللي بقلبي لكم بصراحه … ندخل بالموضوع فيه مقوله او مثل يقول ان اللرجال هالأيام ماحدن يحصلهم الا بالتفق <<< للي مو عارف معنى تفق = بندقيه وايش المقصود بهالكلام ان في هالزمن الوحده ان تقدم لها واحد فالمفروض انها تتمسك فيه بيدينها وأسنانها عشان تتزوجه يقول الله يسلمكم هذا من قلة الرجال وكثرة البنات بس اللي قاهرني وباط كبدي ان المسأله ماهي بقلة اللرجال المسأله هي بقلة عقول اللرجال يعني بربكم بنات البلد جالسين في بيوتهم وش كثرهم واخر شي هالعميان يروحون يتزوجون من الخارج وايش السبب طيب نفسي سبب مقنع عشان يتزوجون من برى المشكله انا اقولكم ليه يتزوجون من برى السبب الاول والرئيسي هو الرخص لانهم ارخاص يعني امهورهم رخيصه وهناك ابدن حمل بالكوم عاااااادي عندهم اللي تتزوج لها واحد مابينه وبين القبر الا شعره بربكم وش ماخذته عليه على سواد عيونه اكيد عشان فوسه وحلاله بس هم طبعا شاطرين يتمصلحون ويخفون جلدهم الاصلي عشان يتمكنون مع تأبرني وياحبيبي ويا ألبي كلها لحسة عقل بكم كلمه وهم يصدقون هالعميان واذا قالولك وقامو يتحججون وش يقولون والله مهور بنات البلد غاليه ومن هالكلام الفاضي والمساكين هالبنات اللي هم احق فيهم يعيشون تحت مسمى عوانس والسبب هم والمشكله بعد يقولون لك ان بنت البلد مشاعرها بارده يعني ماتتعامل بحب وحنان مع الرجال ولا تقوله ياحبيبي وياعمري وهي الله يسلمكم بس تنطق هالكلمات له بتشوفينه يامعطيها ظهرها ولا جالس يتحمد الله عليها وهو يقول بخاطره والله ماهو لايق عليك يعني شوفي النذاله كيف صايره وفوق ذا ترى والله العظيم حنا البنات لاتظنون ان الوحده اذا تقدم فيها العمر تكون مرتاحه هذا نادر جدا يمكن تكون مرتاحه في حاله وهي ان الوسط اللي عايشه فيه يكون مرفه من كل جهه طيب مو الكل بنفس المستوى وحنا بصراحه حتى اذا جلسنا مع المتزوجات قسم بالله ننقهر وبقوه بعد بس الله العالم اننا مانحسدهم بس نتمنى نكون مثلهم مبسوطين وكل وحده تشوفيها مستقره مع زوج وعيال ومتهنيه بطلعتها وروحتها وجيتها وماتنتظر اخوها ولا ابوها لما يتكرم عليها ويطلعها بالعكس هي تكونن مبسوطه عشانها استقرت وصارت مع انسان يحمل تعبها وهمومها ويشوف اللحظات السعيده معاها وغير كذا الأطفال اللي بيملون عليهم البيت فرحه وسعاده وترى كلامي هذا الله العالم انه مو قنوط او غيره لاوالله بس الوحده منا تكون محتاجه لمن يكون معاها ويساعدها ويحسسها انها مثل غيرها ومافيه شي ناقصها لان تمر ببعض البنات اوقات صعبه ممكن البعض ينحرف فيها ويمكن يكون الزواج سبب لنصلاحهم وبذات ان المعروف عندنا كلنا ان الرجال هو اللي يخطب البنت مو البنت هي تخطب الرجال والله هذا انا وحده قدامكم الان وجالسه اكتب لكم معناتنا كابنات يعني تصورو لما البنت تكون في عمر المفروض تكون فيه متزوجه بس المشكله ان مافيه احد تقدم زين شو تسوي البنت تقول لأهلها اكيد بطربقونها على راسها لان هذا ينافي عاداتنا وتقاليدنا ومرات يروح التفكير الى شي ابعد كيف لو تقدم رجال عنده زوجه ثانيه طيب هل بوافق طيب انا مثل غيري من البنات اتمنى اعيش مع زوجي وبس مالنا شريك ولا عشان عمرنا تجاوز السن المتعارف عليه بالزواج نكون لازم نرضى بأي احد يجينا وبعدين تعالو شوفو معي هاللرجال اللي ياخذون من برى بذمتكم هم عارفين اصلهم وفصلهم لاوالله مايعرفون الا اشكالهم وبس متناسين الاهم وهو الاخلاق لانها هي بالنهايه بتكون أم لعياله والمفروض انها تكون محافظه على غيبته وبيته بس والله ثم والله انهم عند الشكل مايفكرون بأي خلق بذات لما بيتزوجون من برى ومن النادر من هالاجانب ماتكون متزوجه لها واحد خليجي عشانه هو لان مافيه وحده اجنبيه تاخذ لها واحد خليجي الا عشان فلوسه وبس واما بنت البلد لاااااااااااا لازم تكون من العائله اللي تناسب عليت هالرجال حتى لو هالبنت مافيه مثل اخلاقها بعيلة هاللي متقدم لها بس لا هي من اهل البلد لازم تدقيق وتمحيص ولا الان بعد طالعين لنا بطلعه جديده والله تبونا ناخذ من بناتكم لازم تخلونا ندخل كل بيت ونشوف واللي نرسي عليها نروح نتقدم لهم رسمي يعني يبون يخلون بنات المسلمين صور يناظرون فيهم ان عجبهم شالو وان ماعجبهم قالو والله الله ماكتب نصيب يعني بربكم وش نسوي بجد احترنا بحالنا وبحال غيرنا الله يكون بالعون وش نسوي عطونا رأيكم بحال بنات هالزمن والحياة اللي قاعدين يعيشونها

لهدرجه مشكلتنا ماهي مهمه عندكم عموما شكرا للي شاركو بالقراءه واعتذر على الازعاج

هلا اختي مقهوره والله لا يقهرك ولا يقهرنا
مشكوره على الموضوع وفعلا حاجه لازم اننا نلتفت لهاا لان لايام هذي كثير ما تشوفين بنات ما تزوجو ومهم في سن الزواج واذا سالتي واستفسرتي من الشباب قالو غلاء المهور مع ان الدوله ما قصرت في المشاريع في المساعده على الزواج بس على قولتك مافيه رجال تتحمل المسؤليه اهم ما على الواحد انه يتوظف عشان يشتري سياره ويكشخ وانا والله مره تقدملي واحد قالو عنه معه سيااره مررره كشخه ويوم سالت عن الشهاده ولا شي…وانا اعتقد فيه كثير بنات ممكن تتنازل عن اشياء كثيره عشان تلاقي اللى يصونهاا بس هم الشباب اللى ما يتنزلون عن شي يبون بنت جمال ودلال واخلاق ومن عائله معروفه لا وبعد تكون مدرسه عشان تصرف على نفسهاا ولا يتنازلون عن شي واذا طالعتي في حاله…..لا تعليق
اما اللى يتزوجون من برى فعلا ما يهمهم الا الشكل ولا يفكرون في الاخلاق والعائله المعروفه وفي هذي الحاله يدورون لانفسهم المشاكلوانا ما اظلم بنات الناس يمكن يلاقون بنت حلوه واخلاق بس نادر ولان عادتهم تختلف عن عاداتنا وتقاليدناا
وبصراحه من ناحية اذا تقدم واحد متزوج اعتقد ما فيهاا شي اذا كان فعلا كفو ولا ينعااب ابد ما فيهااا شيوالاى يقول فيها مشاكل كل حياة زوجيه فيهاا مشاكل بس البنت الذكيه اللى تقدر تحلهاا من غير ما تأثر على حياتهااممكن صعبه شوى تعيشين مع ذره بس اللى تقدر تاقلم نفسهاا راح تقدر ولانه حاجه شرعها الله وحلالهاا
بس وين الكفو اللى يستهلك ويستااهلني ويستااهل البنات ونستااهله والله يوفق الجميع ويرزق كل بنت بالزوج الصاله اللى يسعدهاا في دينها ودنياها عاااااااجل غير اجل ياااااربي 😮

روعة الحب مشكوره على الرد وعلى تجاوبك مع المشكله

أختي مقهورة .. و الله كلامك صحيح .
و الأخت روعة الحب ماذكرتي حاجة باذكرها ـ بعد إذنك ـ إنه إذا كان للبنت قريب و لو من بعيد كان في وقت من عمره طايش .. يعني يسهر و لا يهتم بدراسته و يلاحق البنات بالأسواق 😮 راح تطيح على راس البنت ، حتى لو كانت هي كاملة و الكمال لله وحده .
و المشكلة أن الولد بعدين يعقل و يتزوج عادي من أحسن بنت بينما المسكينة من أحد يسأل عنها قالوا : لا هذي قريبة فلان 😡 إنزين إذا كان هوة يسوي الغلط هوة ينسون و عادي مو مشكلة بس البنت تبقى ببيت أهلها مو عشان أخلاقها او سيرتها لا سمح الله . بس عشان الناس تنسى للولد و البنت لا
:rolleyes: طولت ها ؟
آسفة .. و دمتم

السلام عليكم ورحمة الله وبركاته ..
يا هلا فيك عزيزتي /مقهوره

لك مني جزيل الشكر على مشاركتك في ركن الأسرة
والظاهر انك أخذت نصيب من اسمك المستعار الله لايقهرك موضوع واقعي
وفعلا ظاهره ملحوظة زواج الرجال من خارج البلد وذلك يرجع لأسباب وأحياناً تكون من أجل المهر وأحياناً رغبة شخصية للرجل كاتحمل المرأة في تقصير الرجل بالنسبة للمعيشة والصبر على شظف العيش وعلى أخلاقيات الرجل عكس بنت البلد هذا الظاهر والمعروف ، لكن ليس معنى ذلك ان البنت البلد لاتوجد فيها هذه الصفات . وأحياناً طلب الرجل صفات معينة غالباً تتوفر في الأجنبيات أو فضول الرجل للتغير من بلد أخرى لمعرفة الجديد وهذا بالنسبة لبعض المتزوجين . وكلمة الأجنبية لاينبغي ان تطلق على المسلمين
عموماً عزيزتي .. اهم شيء الرضا بقضاء الله عزو جل والزاج قسمة ونصيب
والخير فيما أختاره الله ( وعسى أن تكرهوا شيئاً وهو خيرٌ لكم وعسى أن تحبوا شيئا وهو شراً لكم والله يعلم وأنتم لاتعلمون )

أسأل الله ان يرزق كل فتاة الزوج الصالح يُعينها على أمر دينها ودنياها

لك تحياتي

سراب

(u):confused: