الله ريحة القسم عطور اشحالكم يا حلوات واشحال اهلكم و فريجكم ان شاء الله بخير
طبعا كلنا نحب العطور ولا نستغنى عنها
اليوم يابتلكم موضوع غير شكل طبعا افكاري الجهنميه لاحظت انكم تسؤلون وايد عن العطور والروايح الثابته وغيرها و ميزت العطر قلت بغير اليوم ولا بسأل عن العطر الفلاني والعلاني
قلت احطلكم موضوع والي هو كيف تزينين طاوله التسريحه او كيف تزينين عطورج على الطاولتج الي دوم تتعطرين وتتمكيجين عليها ( ما نستغنى عنها وعن المنظره )
ما بطول عليكم يا حلوات عندي كذا فكره وان شاء الله تنال على اعجابكم ..
بسم الله توكلنا على الله
طاوله التسريحه اكيد عليها سواء عطور او مكياج او مجوهراتج الخاصه بيج
اول فكره هي :
تحطين العطور في صينيه طبعا مزينه بشرشف حلو و ورود على طرف الطاوله و حتى تنفع حق الضيوف بعد ما تضيفينهم تعطرينهم
الفكره الثانيه يا حلوات
تحطين العطور في طبق او صحن مرتفع شوي من الجوانب مع شرايط زينه او دانتيل ( انتي وحركاتج )
الفكره الثالثه وهي:
تحطين عطورج على التسريحه مع اكسسوارات زينه او مجوهراتج ( اذا ما عندج خدامات)
الفكره الرابعه وهي:
تحطين مع عطورج نبتات طبيعيه او صناعيه على حسب رغبتج او اي زينه عندج
ننتقل للفكره الخامسه ولي هي :
تزينين عطورج مع ورود سواء طبيعيه في فازه او تنثرين ورود على الطاوله شي الصراحه رومنسي
هي الورود وايد تنفع
http://go.3roos.com/3QmR8wYwekn
الفكره التاليه وهي:تغلفين او تلفين عطورج بتور على حسب لون غرفتج مثل الي في الصوره الي تحت الصراحه شي
http://go.3roos.com/0yVwlMOrwaW
الفكره السابعه وهي :
تزينين عطورج مع شموع حلوه و اوراق او ورد مجفف عشان الريحه تكتمل
http://go.3roos.com/sAnGEIBv26C
http://go.3roos.com/fMBUmxyNbyC
الفكره الثامنه وهي
لا ترمين او تعقين كراتين عطورج اليديده غلفيها بجلاد حلو وشرايط وصفيها مع العطور على شكل هدايا
http://go.3roos.com/ylpB3YyTwjV
http://go.3roos.com/aqakrOdoSB2
الفكره التاسعه وهي
تزينين عطورج مع فراشات او احجار الزينه طبعا متوفره في اي محلات الزينه
http://go.3roos.com/TVdHMrkBvZo
http://go.3roos.com/ccj4T4p7QIm
و اخر فكره لعشاق الشوكلاته و السويت تحطين علب شوكلاته او اي نوع سويت تحبينه مع عطورج عشان كل ما تتعطرين
خواتي الحلوات ان شاء الله الافكار تنال على اعجابكم انا طبقت الطرق كلها مره وحده على طاولة التسريحه يعني خبصه بس والله النتيجه روعه
منقول
(w)(f)
ما قصرتي يالغالية
مشكورة عيوني على هالموضوع الحلو
الواحد يحتاج بجد يجدد شكل التسريحة والعطور ..
شجعتيني اسوي واغير جد ..
نقل موفق حبيبتي ..
وانتظر جديدك
….
تحياتي القلبية لك
موضوعك حلو وفكرتك لذيذة وجديدة(f)
