حابة أعرف طريقة المسقعة على أصولها لأني بموت في شي اسمه باذنجان ولو تسمحي كمان طريقة الفول بزيت الزيتون.
وتسلمي يارب
اولا المسقعه: المقادير
2 حبه بطاطس وتقطعيهم صوابع وتحمريهم
+2 حبه بطنجان الصغير البلدى مش الرومى وقطعيه شرائح واقليه فى الزيت
+ 4 حبات فلفل اخضر بارد وقطعيه وقليه
بعد كدة بتجيبى نص راس توم وتفرميهم ومعاهم حبه فلفل صغيرة
تحمريهم فى السمن او الزبدة وتحطى عليهم طماطم متسبكه وتضيفى الملح والفلفل والكامون والكسبرة ناشفين بس ممنوع اضافه اى توابل اخرى
لما تحسى ان الطماطم اتسبكت مع الثوم حطى كوب ونصف ميه او شوربه ولما تقلب اسقطى فيها البطاطس والبطنجان والفلفل المحمرين ومش تسيبيهم كتير على النار همما يدوبك يقلبو قلبتين اطفى لان المكونات مستويه
ملحوظه يمكن اضافه لحمه مفرومه او لحمه قطع او اى لحوم حسب الرغبه لكن انا افضلها كدة من غير لحوم بس حسبى تتخنى لانك هتاكلى عيش كتير لانها معرفه من الاكلات اللى بتفتح النفس وياسلام لو حطيطلها شويه شطه صغيرين اممممممممممممم تجنن وبلهنا والشفا
لو هتشتريه وانتى هتوضبيه
هتجيبى طبق الفول وتحطيه على النار وبعدين لما يدفا حطى عليه ربع ملعقه كمون فقط وملح واهرسيه بقعر كوبايه ورجعيه على النار تانى
بعديها ضيفى اليمون وسيبيهم يغلو على النار كويس خمس دقايق يعنى عشان ياخد طعم المكونات
وبعدين ضيفى زيت الزيتون وسيبيه ياخد قلبتين واطفى واغرفيه وبلهنا والشفا واى سؤال تانى انا حاضرة بس طالبا منكو الدعاء انى ربنا يرجعلى خطيبى بلسلامه ويتملنا بخير
بتجيبى بصله متوسطه وتقطعيها وتحمريها فى زبدة او سمنه لغايه ما يكون لونها دهبى فى ناس تعملها نى * نى من غير تحمير بس الطعم مش بيكون كدة وبعدين بتجيبى الطماطم المتسبكه يفضل تسبيكها قبل وضعها على البصل يعنى مش تضربيها فى الخلاط وتحطيها على طول لا سبيكيها برة وبعد كدة حطى التوابل ملح وفلفل وكمون وكسبرة بس كترى الفلفل الاسمر شويه ومكعب مرقه دجاج وسيبيهم خمس دقايق على نار هاديه بعد كدة بتجيبى الخضرة بتكون بمقدا 2 بقدونس و2 شبت و1 كزبرةوكلما زادت الكميه هتزودى الخضرة
هتقطعيهم صغير جدا وهتحطى نصهم بس على الطماطم على النار ويقلبو قلبتين اطفى عليهم
الرز ياريت مش تنقعيه يعنى اغسليه وحطيه على الطماطم على طول من غير ما تنقعى وتقلبى وبعد كدة ضيفى باقى الخضرة عشان يكون الطعم لسه موجود وظاهر اكتر
هاتى بصله صغيرة وقطعيها صغير وادعكيها بشويه ملح وفلفل وقلبيها على الخلطه
الخلطه دى بيتعمل بيها كل المحاشى ورق عنب او كرنب او كوسه او بطنجان فلفل اى حاجه ما عدا الممبار ليه خلطه تانيه وبلهنا والشفاء
اهم حاجه فى الكرنب والورق العنب سلق الاوراق مظبوطه وتقطيعها لانها لو استوت اوى هتتهرى منك وكذالك العنب فحاولى فى السلق لما الميه تغلى جامد حطى فيها شويه ملح وبعدين نزلى فيها الورقه عشر ثوانى واقلبيها الناحيه التانيه ثوانى برضو وتلعيها عشان ما تتهريش ومتعرفيش تقطعيها او تحشيها
مشكورة علي الموضوع
ويهنيكم ببعض وتهنيه بأكلات الطعمة
)