*** المقادير:
4 دريم ويب
4 بودرة كريم كراميل
4 قيمر ( قشطة )
4 ايس كريم اللى فى كوب صغير نكهة الفانيليا.
1 جيلاتين مذاب بشوية ماى ويضاف فى الآخر .
2 كيك كاكاو جاهز ( اللى بعلب قصدير مستطيلة) انا جربت
نوع سارالي كيك.
*** الطريقة:
* اهم شىء تجيبين القالب اللى يكون مفتوح بالنص وتلبسينه
بالقصدير كله دار ما داره وما تغلقينه بالقصدير.
* تفتتين الكيك الجاهز وترشينه بالقالب المبطن بالقصدير وتضغطين
عليه حتى يثبت ويلصق بالقالب كانك لبستى القالب بالكيك وهذى
اهم خطوة ولازم تتاكدين منهاعدل.ولا تنسين تخلين جزء من الكيك
المفتت لتغطية الوجه.
* تخلطين المقادير السابقة كلها واخر شىء تضيفين الجيلاتين
المذاب بشوية ماى( نص بيالة)
* تصبين الخليط داخل القالب ويرش الوجه بباقى الكيك المفتت
وتوضع بالفريزر مدة طويلة واحسن شىء قبلها بيوم.
* عند التقديم تقلبينها وتقصينها راح تشوفين شكل الكيكة اشلون
يطلع غريب. كيك وداخله ايس كريم ! ! ! .
وبالهنا والعافية
اسفة نسيت اقول شىء ممكن تبللين ايدك بالماى اثناء الضغط عالكيكةعلشان تتماسك اكثر.
ملاحظه
((( لقيتها في موقع وجربتها
طلعت لذيذه تجنن
ولكن استبدلت الماء بقطر أطعم ويهبل )))
يعطيكِ الف الف عافية ان شاء الله راح اجربها
واقول لكِ النتيجة
😉
تحياتي :جنة الورود
جربيها ,,,و على ضماانتي
😉
شكله فضيييييييييييييعه
مشكوووره حبيبتي على الوصفه الحلوة وانا جريبيتها وظهرت واايد
لذيذه
تسلمين وان شاءالله انشوووف المزيد من الاكلات الحلوة
يعطيج الف عافيه قلبو والله لايحرمناا الياي انشالله
ثانكس ثانكس