خواتي العزيزات شلونكم بخير انشاء الله
عزيزاتي انا اعاني من مشكله وهي تقصف شعري والاحظ انه شعري اللي بالمؤخره انعم من شعري الامامي
وشعري جاف جدا
شنو الحل واللي يعافيكم ويرزقكم اللي تتمنونه ياااااااااااااااارب
شكنومه
اهلا وسهلا بك….
ادخلي قسم العنايه بالشعر….
راح تشوفين خلطات وايده….
راح تفعج بإذن الله ….
شوفي حبيبتي.. أنا كان شعري نوعه يتقصف بسهولة ومنتفة أطرافه.. أول شي لازم تسويه غيري المشط حقك.. إياكي ثم إياكي تستخدمي الأمشاط اللي تكون أسنانها صفة وحدة البلاستيك عرفتيها؟؟؟ استخدمي فــــــــــــــــــرشــــــــــــــاة للشعر وتكون أسنانها خشب وبينهم مسافات مو يكونون جنب بعض كثير.. وثاني شي تسوينه لازم تقصين أطراف شعرك المقصفة عشان ما تطلع لين فوق أكثر وأكثر.. وثالث شي بعد ما تتسبحين حطي بلسم ولا حمام زيت بس على أطراف الشعر وفوق إذا كان شعرك اللي بالمقدمة جاف.. أقول لك هالشي لأن ترى الظاهر انتي نفس شعري.. وبس وسلامتك.. وانشالله يصير شعرك زين بعد فترة..
وترى طبيعي يكون الشعر اللي ورا أنعم وأكثف وأصح سبحان الله.. يمكن لأنه محمي بالشعر اللي فوقه.. مادري والله..
بس ادعي لي بالدعوة اللي قلتي عليها..! 
2
حاملة القرأن جزاااج الله كل خير يا اختي الفاضله ويعطيج الف عافيه ويرزقج ربي الرجل الصالح والذريه الصالحه وانشاء الله تنعمين في سعاده
********************************************
حبيبتي بسة
يعطيج الف عافيه واتمني من الله عز وجل ان يرزقج الرجل الصالح اللي يسعدج طول حياتج ويرزقج الذريه الصالحه انشاء الله
ويسهل طريجج يارب
تحياتي لكم
الحنه مرة بالاسبوعين بتساعد تقوي شعرج
حماماات الزيت وايد بتريح شعرج و بتغذيه
اذا ما تحبين الزيوت عندج امبولات شعر من كريستاس للشعر المتقصف معاهم ماسك الشعر و الشامب والكريم اللي بعد الحمام
اهم شي اهم شي الشامبووووو
لازم يكون على نوع شعرج و لا تاخذين شامبو رخيص يسحتحسن الشامبوات الطبيه
و مؤقتا خففي من السشوار والصبغات
بدد في كريم وايد وايد زين من لوريال Lait Nutri-Sculpt هذا بس تحطينه على شعرج نفسه مو الجذور لانه وايد يدهن حطيه بعد الحمام روووعه
ناطرة الدعاء
بسم الله الرحمن الرحيم
السلام عليكم ورحمة الله وبركاته
هـــــلا أختي
الله يعافيك استخدمي زيت (( اللوز الحلو )) موجود عند العطارين
والعلبه صغيرة الحجم ولون الغطاء أحمــــر .
وأنا داومت على استعماله من قبل ونتايجه مفيده جدا جدا جدا
وبإذن الله بعد استخدامه بيخف التقصف هذا إذا مااختفــــى ..
وبالتوفيــــــــق
.. رذاذ المطر
من كللللللللللللللللللللللللللللللل قلبج …………………
ها دعيتي لي؟؟
بس من قلبج وله أي كلام؟؟؟؟
بعد مره ثانية إدعيييي لييييييييييي
إي جذي زين ….:clap:
ألحين بقول لج شتسوين بشعرج:2
1) قبل أي علاج لازم الشعر المتقصف تقصينه "ماعليه تحملي القص على الأقل 2 سنتميتر بس أهم شي تقصينه".
2) لازم تحطين حق روحج جدول يومي و إسبوعي على الأقل لمدة شهر تواصلين عليه علشان تظهر النتيجة.
3) راح أقترح عليج بعض الأمور إللي تسوينها يوميا و بعض الأمور الإسبوعية:
العناية اليومية:
لازم كل يوم قبل ما تغسلين شعرج تحطين فيه مايونيز <<<تقولين لي ريحته خايسه بس باقول لج مفعوله عجيب>>>> و بعدين تختارين شامبو فيه بيض و أهم شي ما تستخدمين شامبو مخلوط مع بلسم لأن البلسم يضر الفروة, و بعد إستخدام الشامبو عندج بلسم إلفف وايد زين إللي قرشته صفره "للشعر المتقصف" حطيه على شعرج طبعا مو على فروة راسج و دعكي شعرج فيه و بخفه علشان يتغلغل في أعماق الشعره و خليه على راسج دقيقتين , و بعدبن غسليه زييييييييييييييييييييييييين بالماي, عقب ما تطلعين من الحمام"الله يعزج" في كريم جديد منزلينه من صانسلك عاجبني وايد لأن ما يدهن الشعر بس يخليه حلو و مفرفش حطيه في شعرج قبل ما تمشطينه و بعدين لا تستخدمين مشط بلاستك إستخدمي بروش "فرشاة" خشب أحسن….. هذي العناية اليومية.
العناية الإسبوعية:
هذي العناية وايد مهمة لأنها بتغذي شعرج و راح تحسين بالنتيجة مع إستمرار إستخدام هذه الخلطة:
بيضة كامله+ملعقة عسل+ملعقة زيت الخروع+ملعقة زيت السمسم…. تخلطينهم بخلاط الكيك لما يصير الخليط مثل الكريمه السايحة و تحطينه على شعرج مع دعك الفروة و الأطراف لمده ساعدين و لازم تغطين راسج بورق سيلوفان أو الشاور كاب علشان يتغلغل الخليط في الفروة و في الشعر…
أتمنى إني أفدتج ..
يله شكنومه إدعي لي أشوف…. يا ويلج لو محد طق باب بيتنا هلإسبوع :cool2: """"" ترى أتغشمر مو تزعلين"""""
يعطيج الف عافيه حبيبتي حنوووووونه وماقصرتي علي هالمعلومه وانشاء الله راح اجرب هالشي والله يوفقج ويرزقج الرجل الصالح ويكبر حظج ويرزقج الذريه الصالحه يارب
************************************************** ************
Manary
يعطيج الف عافيه حبيبتي علي هالمعلومات الرائعه والله يجزيج احسن الجزاء ويرزقج الرجل الصالح والذريه الصالحه ويسير أمرج
************************************************** *************
رذاذ المطر
مشكوره حبيبتي علي زيت اللوز بس حبيت اسألج انتي استخدمتيه ونفع معاج ؟
ومشكوره مره ثانيه علي هالمعلومه والله يوفقج ويرزقج الرجل الصالح اللي يسعدج والذريه الصالحه
مع تحياتي
اختكم
شكنومه
أخرررر العنقوووووووود
انشاااااااااااااااااااااااااااااااااااااء الله
أنشـــــــــــــــــــــــاء اللــــــــــــــــــــــــــــــــــه
أنشـــــــــــــــــــــــــــــــــــــــــاء اللـــــــــــــــــــــــــــــــــــــــــــــــ ــــــه
مايــــــــــــــــــــــــــــمــــــــــــــــــ ـر هالشهر الا وانتي مخطوووووبه وبعد اسبوع الملجه = الزواج
والله ياحبيبتي ادعي لكم من كل اعماق قلبي انه ربي يرزقكم الرجل الصالح ذو الاخلاق العاليه ويكبر بختكم ويرزقكم الذريه الصالحه أنشاء الله
ويااااااااااااااااااارب يا أخرررررررررررررررررر العنقوووووود
ربي يرزقج بدرزن عيااااااااااااااااال
مشكوره حبيبتي علي هالمعلومه عن المايونيز بس المايونيز حامض اخاف يأثر علي شعري وفروة راسي انتي جربتي هالطريقه؟
ناطره منج رد يا عزيزتي
مع تحياتي
شكنومه