شلونكم خواتي
بنات أنا أهم شي عندي السفر بصراحه و سافرت وايد بس ولا مره رحت دوله أوربيه و هذا الموضوع أنا قبل ما أسافر لازم أسوي بحث عن الدوله اللي بروح لها بالانترنت و بصراحه ناويه أروح دوله أوربيه بس مولندن غيرها و ماني عارفه أي دوله وياليت الخوات اللي عندهم خبره بالموضوع يساعدوني 😮
أبي الدوله تكون حلوه وفيها تسوق أهم شي عند المرأه التسوق
2
وتكون فيها رحلات 
والفنادق ماتكون غاليه وايد يعني متوسط السعر
وياليت تقولون لي عن المطاعم
واذا الدوله فيها سينما أهم شي عند ي وعند زوجي 🙂
أدري غثيتكم بالاسأله بس تكفون أبي مساعدتكم
انا الصراحه ما رحت غير لندن صراحه عجيبه من ناحية التسوق والمطاعم بس غالية…..
انا سمعت ان المانيا حلوه ومن المانيا تقدرين تسيرين بقطار الى النمسا وبلجيكا ما اخذ وقت وايد وبالنسبه للسوق كل الدول الاوروبية سوقها حلو وبالنسبة للسينما مستحيل ما تحصلين سينما بس بغيت اقولج ان اوروبا اسعارها ارتفعت وايد عن قبل لان اليورو مرتفع.. انا تراني متغربة في اوروبا وان تيون وتستانسون ….بس حاولوا تنظمون حجز الفنادق من الانترنت وايد ارخص….
بس الأحسن انكم تكلمون احد في السفاره هناك عشان يرتبولكم السكن والسياحه .. يعني ايون ياخذونكم من المطار .. ويجولونكم كل يوم … والسايق يكون عربي .. راح يعلمكم على الأماكن وتاريخ كل منطقه …
وفيها سنمات في الشانز وبعد فيها مطاعم عربيه وهنديه إلى جانب الماكدونلدز .. وغيره وغيره …
فيها كوفيات على كيف كيفج … بس انصحج انج تيلسين في فوكت كافيه … لانه يكون متروس خليجيين من الساعه تسع المسا …
وشو بعد هممممممممم …. ايواه العطور .. إذا حبيتي تاخذين عطور .. لا تشترين من سافورا او اكوا إلي في الشانز .. ترى ما يسون خصومات عدله .. جربي العطور عندهم .. بس قولي للسايق يوديج لزينه واشتري من هناك العطور لانها ارخص بوايد عن اسعار سافورا او الأسعار إلي عندنا …
وبعد لا تنسين اتروحين اليورو دزني … تقدرين اتمين فيها يومين على الأقل
ومن بعدها اتروحين على بلجيكا بالقطار … وطبعا بلجيكا سوقها ارخص .. إلى جانب انج تقدرين اتروحين فيها رحلات .. يعني اتروحين هولندا من الصبح وتردين المسا … وبعد يودونج رحلات داخليه تقدرين تطلبينها من الكونسيرج إلي في الفندق .. وهم يتكفلون بالرحله …
والله هذا كل إلي عندي واتمنى اني اكون ساعدتج
اورفوار
لــــــــــورا
لورا حبيت أسألج اذا بسوي سيرج على باريس اي منطقه بالتحديد في باريس ابحث عنها؟؟؟؟؟؟؟؟؟؟؟؟؟ واذا عندج خبره بالفنادق ؟؟؟؟؟؟
وتراها بتكلفكم كثيير
بس اذا انتوا مقتدرين حلوو :cool2:
لازم تسألون عنها وعن اسعارها
وبهاي الفلوس اللي بتخسرينها في أوروبا ع الفاضي…بتستفيدين منها أكثر في دول شرق آسيا وفي فندق 5 نجوم مثل ماليزيا…والتسوق فيها أروع وأروع….
تحياتي
ريناد أنا عارفه أنها غاليه عشان جذي ما أبي أقط فلوسي بمكان مايعجبني أبي أروح مكان حلو و في شغلات حلوه نشتريها بعني سياحه وتسوق :cool2:
goldendune أنا مليت من شرق أسيا عشان جذي بغير حفظت شرق أسيا عدل وماليزيا بصراحه ما عجبتني وايد التسوق فيها لج علي أنا عجبتني تايلند أكثر
حلوة بكل معنى الكلمة و رخيصة و محلاتها ما تنتهي و المطاعم فيها رخيصة و بعد هي مشهورة بالكريستال
اذا حبيتي معلومات اكثر اساليني و انا اجاوبك