تحت غساله ونشاف وفوق مجفف حراري
وانا شريتها عشان المجفف بالذات ولاني ماقدراشتري مجفف لوحدة وغساله لوحدها
لضييق المكان بحكم اني ساكنه بشقه
فاللي عندها خبره باستخدامها او استخدام المجفف بالاخص ياليت تفيدني عن الطريقه الصحيحه والعمليه لاستخدامه
للمعلوميه غسالتي كالفينيتر ايطاليه
ولكم جزييييل ودي
للرفع
v
F:
بس عندي شركة تانية
بالنسبة للغساله حسب الازارير وتعليماتها يختلف كل نوع وموديل بالازرار
لكن عاده تكون فيها زر تشغيل مقسم لملابس تقيله او دعك قوي
ملابس خفيفه او دعك خفيف
وتنقيع او نقع الملابس هنا يملى الغساله وتجلس الملابس فيها بدون دعك وبعدما تنتهي المده المقررة اتوماتيكيا راح تنكب المويا وتنعصرلك الملابس
جزء للملابس الناعمة او اللانجري او دعك باليد او غسل باليد
تقريبا هادي المسميات اغلبها الي كتبتها فوق : )
ويكون عندك زر لمقاسات الموياو
يكون عندك زر كمان لنوع المويا حاره وبارده بارده وبارده حاره وحاره علي اساس انتي تحددي كيف درجه حرارة المويا بالنسبة لغسلتك
ويكون عندك زر للنشافة ومقسم حرارة عاليه وسط وخفيفه وفلف(بالانقلش بالعربي معرف اسمو
الفلف عباره عن هوا بارد لنفخ القطن واللحف والمخدات بعدما تتنشف عالحرارة عشان تصحصح وتكون منفخه وكويسة
وللجكتات المبطنه كمان 
وزر لتشغيل النشافه
لو حابه اعلمك اكتر صوريلي ازاريرك وانا اعلمك لاني متعوده علي انواع كتير : ) كل اهلي نستخدمتها وانا الان لمن تزوجت
بالنسبة للغساله تغسلي فيها عادي بس دايما خلي منسوب المويا اكتر من الملابس
يعني المويا القليلة خلي فيها كم قطعه ملابس بالعدد
المقاس الوسط فيلو مثلا 10 قطع او اقل
المقاس الكبير فوق الـ 10 قطع
واللحف او البطانيات المفرده تقدري تغسليها المزدوجه نصيحه بلاش خليها برة افضل
لانو حتخرب غسالتك مع الايام من كترة التقل وقتها
ممكن تغسلي المزدوجه في حاله كانت خفيفه جدا زي اللحف الصينيه الي طالعه او الي تجي خفيفه بصفه عامه مو تقيله
المخدات ممكن تغسليها بس كل مرة مخده وحده من الكبار اما الصغار حبتين او تلاته حسب المكان
طبعا بعدما تنشفيها بالنشافه عالحار اهم نقطه خليها عـ الفلف اير عشان تنتفخ ويرجع القطن كويس
بعض الغسالات فيها نظام ازا كان الغطاء مفتوح ماتكب المويا وبعضها لا مافيها
فـ هنا ممكن تستغلي النقطه دي عشان تخليها تعيد الدعك لو حابه لفه تانية والملابس مبقعه كتير
او تبدلي الملابس في حاله نظيفة وحابه تغسلي شي تاني بالصابون نفسه بدل ماينكب
ف غساللات نظامها له زر صغير عشان المويا وقت الشطف يخليها مرتين لانو بالعاده هيا مرة وحده
علي اساس تنظف الملابس كويس من الصابون بس ماشفت الزر دا الا في نوع واحد من الغسالات
ولو انتي حابه تخليها تشطف مرتين يسير عليكي تراقبي اولما تشطف الغسيل وتخلص ارجعي لفي الزر عالشطف تاني وحتشطفلك تاني وتكمل من جديد
لاتخلي المويا تمتلي عالاخر وتخلي الملابس مليانه كتير مرة بالغساله لحد الانفجار خخخخ لانها تخرب مع الزمن
يعني اعتمدي اكتر كميه تكون ماليه الغساله تلات ارباع : )
بالنسبة للنشافه او المجفف علي قولتك
استخدامها سهل جدا
تحددي الحرارة كيف عاليه ولالا حسب القطعه الي معاكي
لو مناشف ولحف يبغالها وومخدات و جينز يبغاله حرارة عاليه
غير كدا عالعاديه
طبعا اولما تنتهي الغساله تماما من دورتها الكامله والملابس انعصرت تماما مافيها ولا نقطه
هنا تشوفي كل قطعه
الي فيها طباعة واستكرات ماتدخل النشافه
الي ممكن تنكمش ماتدخل النشافة
الملابس الي فيها فصوص او خرز او حركات كدا تدخليها بشرط تكون مقلوبة عشان ماتخرب ولا تخربلك النشافة وتخدشها
الملابس قسميها علي حسب الحرارة ودخليها النشافه وافتحي عليها الزر وانتهي
بعض الانواع زي الي عندي ماتوقف من حالها مدري ليه لازم انا اوقفها
لكن غالبيه الانواع الي عند اهلي شفتها كلها توقف بعدما تنتهي دروتها الي احخترتيها بنفسك
زي الغساله ويسير تاخدي الملابس علي طول احسن شي وعالدولاب الا القليل منها تحسيه يحتاج كوي
الثياب نصيحه لاتخليها في النشافة علي طول اكويها ترتاحي وتكون اسهلك بعد العصر في الغساله
لانو النشافة تطلعها حارة ناشفة بالتالي صعبة الكوي شوي
تقريبا هادا كل يلي عندي وسوري لو طولت عليكي بس حبيت اعطييكي الي عندي وانتي تشوفي
وازا احتجتي شي تاني اساليني 
<<< ارسلي خاص لو مانتهبت مرات كتيرة انسي المواضيع
ما قصرت وموفقه حبوبه
شرحك كافي ووافي
بس حبيت استفسر عن كل خامه قماش على كم درجه حرارة احطها
مثل الجينزات والملابس الشتويه الثقيله على اي درجه حرارة ضبطها وكم الزمن المناسب لها وكذالك الملابس القطنيه والكتان
والاسترتش وثياب زوجي وملابسه الداخليه
وبالنسبه للغساله اذاكنت بتاعتك من فوق ام عامود وين احط الصابون لاني اتبعت الارشادات اللي بالصور وكانت تقول انو نحط الصابون بوسط العامود وسويتها وكانت ماتخذ الا كميه بسيطه من الصابون فحبيت اسألك عادي لو كبيت الصابون على الملابس على طول يعني مش ظروري بالعامود
وسري طولت عليك ادري هذرتي واجدة لاكن اسمحيلي مظطرةة
والله يجزاكي ويجزاهم كل خير امين امين
وانتظر ردك على استفساراتي <<<<<<<<<شكلي يبيلي ركن لحالي انا وغسالتي
:pواذاااا أزعجتكم ســـــــــــــــــــــــــــوري :-#
[COLOR="rgb(0, 255, 255)"]النشافه بتكون مدمجه مع الغساله أى انو بعد الغسيل [COLOR="rgb(0, 255, 255)"]والتنشيف[/COLOR] بتنحط بالمجفف وهو بدورة بيجففها من الرطووبه
وبيطلعها لك جافه مرة وعلى طول عالدولاب وترتاحي من هم التنشير على الحبل او المنشرة
المهم حبيبتي سالتي عن طريقه استخدامها انا بقولك على عندي
لما بحط الملابس فيها أراعي انها تكون من نفس الخامه عشان ما تتجعد الملابس
بعدين فيه ازارير فر واحد للزمن:clock: احطه على 70 والثاني لنوعيه التجفيف بيكون عليها كتابات بالانقلش طبعاَ ماعرفت اترجمها وبحط هنا على regular high heat بعدين راح يكون فيه زر اخر لبدء التجفيف انا اللي عندي كبس اكبس عليه وتبداء دورة التجفيف ولما تنتهي الدورة والملابس مو جافه مرة تقدري تعيدي
وعلي فكرة بعض الملابس وفي الغالب بيحطوها على زمن :clock: اقل تكفيها والغالب بيستخدمو 40 —50 —-30 على حسب نوعيه الملابس اللي بتجففيها
انا اللي عندي جديدة وماعندي خبرة فيها ومن شرح بعض الاخوات الله يجزاهم خير ومن الطقطه فيها بديت اعرفلها كويس وشوي شوي بكون خبيرة فيها[/COLOR] :study:
واي استفسااااار^o) انا انا حاظرة بالشوفه:study: :!!:هع هع <<<<<<صدقت البنت نفسها انها خبيره انا ابي من يعلمني فيها اكثر فياااااااليت اي وحدة عندها خبرة تفيدنا
سوري تاخرت بس انشغلت
ماعرف عن العمود الي تكلمتي عنه
عني نفسي اكب الاومو عالملابس مباشره وتمشي حالها
سواء في غسالتي ولا غساله امي او اخواتي وكل وحده فينا شركتها وموديلها غير عن التانيه تماما
بالنسبة للنشافه ( هيا مجفف حراري صحيح بس اسمها نشافه ترا المهندس والشركة كلهم يسموها كدا وغالبيه الناس )
لانو الي بالغساله ااساسا اسمها عصاره لانها تعصر المويا الزايده م نالملابس ^^ ماتنشفها وتخليها جافه
المهم
بالنسبة للنشافه الي عندي مختلفه
هيا زر واحد فيلو درجات الحراره اما عاليه او وسط او 60 و 40 والخ
واشغلها بالكبس اون و اوف وانتهي
وبالنسبة لمويا الغسيل انا عندي مويا عاديه
ما استخدم الحاره الا لو ابغي انقع ملابس وسخه جدا وفيها زفر ولا زيت
او ابغي اغسل مناشف المطبخ
والمناشف عشان تتعقم
وهادا نادر جدا
دايما استخدم درجه الحراره العاديه يعني مويا باردة