اللي نجحت معاها الرياضة في انقاص وزنها تتفضل هني 2024.

السلام عليكم

بنات انا اعاني من زيادة في الوزن بعد الحمل والولاده .. والحين عندي مناسبتين بعد شهر تقريبا وحابة ان انقص من وزني ..

انا من ولدت من 8 اشهر وانا مخففة اكل وهالشي حتى مأثر على الحليب فاضطريت ادخل الرضاعةالصناعية الى جانب الرضاعة الطبيعية ..

ومن 3 ايام قدرت اوفر لي جهاز رياضي في البيت اضافة الى تخفيف الاكل ومشتغله على روحي هاليومين ..

وبديت احس ان في مناطق في جسمي صار فيها ليونة بالذات منطقة الذراعين وفي ليونة بعد في القدمين ..

هل هالليونة هي بداية لانقاص الوزن .. يعني هي تعني ان وزني راح ينزل ؟؟

وابغي من نجحوا في انقاص وزنهم يخبروني عن التغيرات اللي صادفتهم اول بأول الى ان نزل وزنهم ..

يعني شنو اول الاشياء اللي حسوا بتغييرات فيها ؟؟ والمفروض استمر على نفس التايم ولا المفروض ازيد ؟؟ مع العلم اني العب على الجهاز حوالي نص ساعه – ساعة الا ربع يوميا مع تخفيف في الاكل + الرضاعة الطبيعية ..

وهذه صورة للجهاز اللي العب عليه

" الجهاز اللي في يمين الصورة "

شكرا :9_33: واتمنى التفاعل :9_28:

الرياضة تساعد على تخفيف الوزن .. بس أهم شي الصرار و العزيمة

أنا مربية صار لي 8 شهور … و وزني زاد ما يقارب 65 و زيادة

عملت رجيم و خففت من أكلي و ابتعدت عن أكل الحلويات تماما و الدهون و الزيوت

و كان أكلي خفيف لين ما نزلت 3 كيلو .. تقريبا في ظرف شهر و قف الوزن على هذا الحد
على الرغم من اني مازلت أعمل رجيم … وشفت إن الرجيم وحده مش كفاية .. فصرت ألعب رياضة
و أهم الرياضات ضغط البطن ، و المشي و غيرها
و الحمدلله صار وزني الآن 60
و أنا بعدني ملزمة ومصرة إني أنزل كمان و كمان

فأنصحك بالرياضة مع الرجيم و الإبتعاد كليا عن أكل الدهون و السكريات

مرحباا اختي
انا مع الاخت أميرره لازم اول شي تبتعدين عن السكريااات بجميع انواعها والمشروبات الغازيه والفاستفود والمقليات
يعني خلي اكلج كله يستوي في الفرن وكثري من السلطات والفواكه والمشي واااااااااااايد زين حتى لو مشي تقريبن نص سااعه بعد زين وحاولي انج تلعبين في البيت اروبيكس بعد المشي عشان عظلاتج تشد
وبتشوفين اول شي بسرعه ينزل وزنج وبعدين بيثبت هاي شي عادي لان اول اسبوعين او حتى ثلاثه الماي اهو اللي ينزل من الجسم وبعدين يصير الجد فخلي عندج عزيمه ولا تيأسين
وبالتوفيق يالغاليه

اشكركم خواتي o0oريانهo0o + أميرة عنابة على ردودكم ..

المهم الحين عندي استفسارين اتمنى ان حد يجابوني اذا كان يعرف ::

– كل وحده كانت سمينة وبعدين نحفت ،، شنو اول تغيير صار في جسمك ؟؟ يعني وين اول منطقة في جسمك تأثرت ؟؟ وشنو كان هالتأثير؟؟

-انا حطيت صورة للجهاز اللي استخدمه في البيت .. هل فيكم وحده ممكن تفيدني بمعلومات تخص هذا الجهاز من ناحية الفائدة اللي يعطيها للجسم من خلال الممارسة اليومية عليه ولمدة لا تقل عن نصف ساعة يوميا ؟؟

وشكرا :9_28:

انا سويت رياضة من فترة و نزل وزني اربعة كيلو الحمد لله …
اكل صحي + رياضة = رشاااااااااااااااااااااااااااااااااااااااااااااقة

انا نزلت 9كيلوا في شهر ونص كنت امشي عالسير نص ساعه كل يوم واسوي التمارين اللي عرضتها لنا ام سعيده وفعلا لها مفعول رائع واهم شي انك ماتستمرين على نوع رياضه معين فتره طويله لازم تغيري كل اسبوع وتضيفي رياضه جديده مشي بعدها تمارين البطن والستيب وممكن اي حركات راقصه سريعه والقرص كل هذا حينزل الوزن طبعا الى جانب الرجيم

شوفي اختي انا اخوي قبل شهر كان وزنه 90 والحين تخيلي صار وزنه 81 يعني في شهر نقص 9 كيلو

والرجيم الي هو مسويه انا ماخذته من وحده اعرفها كانت متيييييييييييييينه صار الحين وزنها 59 والله العظيم

اذا انك تبغين الرجيم اعطيك اياه وهو ماهو صعب واجد وبنسبه لسؤالك عن الرياضه انا الصراحه اخوي كان يسوي

رياضه كل يوم لمده 3 ساعات ساعه على السير وساعتين رياضات سويديه هي صح مده طويله بس احسن لك عشان جسمك ينشد ومايترهل

ايه صح نسيت اقولك استخدمي كريم لوريال لشد الجسم لانه رهيييييييييييييب البنت الي نحفت يوم سالتها كيف جسمك ماترهل قالت كنت اسوي في اليوم 4ساعات رياضه وادهن جسمي بكريم لوريال لشد الجسم

وآسفه اختي على الاطاله

اختي فراوله ياليت تعطيني الرجيم وكون لك شاكره

مشكورين بنات على ردودكم ..

اختي فراولة ممكن تطرشيلي الريجيم !!!

:9_28: