السلام عليكم ورحمة الله
دائماً اسمع عن المرة بس عمري ماعرفت اش هي!!!
اللي لونه بني يطلعونه من شجرة الصبار ولاغير ؟
انا سويت بحث وطلع لي هذي هي صورة المرة!
صح ولاغلط؟
لان مبين انه لبان الي يستخدم بتبخير البيوت
اهلاً اهلاً اهلاً 
لول بصراحه انا ماستخدمتها بس خليني اقولج شنو سمعت وشفت عنها << ناويه تسوولف ويااج 
اسمعي اولاً اللي حطيتيها اي هذي المره ! بس ترى ريحتها yuck ! 
يعني جد الله يعينج .. انا ماستخدمتها بس كنت اشوف جدتي تستخدمها وتحطها ببطل ماي وتنقعها فيييه
خليني اقولج يدتي شنو كانت تسوووي 
كانت تاخذ قطعتين او 3 حباات مره بس حاولي تخلين حجمها متووسط المهم
وتنقعهم بطل مااي صحه الصغير وتخليهم 
بصراااحه بصراااااحه مادري شحقه تسوي جذي 
بس الحين اكتشفت انه جدتي مو هينه 
ماشاء الله عليها ..
لانه اولاً سمعت انه يوخر حب الشباب ثانياً يشدد البشررره واااااايد سمعت من بناات يشد يشد يشد وبعد سمعت انه يشد بشرة الجسمم 
ثالثاً وهذا اللي خلاني احطه بلستت مشترواتي لشهر مارس << اوله مارس واحنا بأول السنه :042:خليني اقولج ليش 
لانه انا اغير منتجاتي كل شهرين ف بما انه بهالشهر اللي اهوا واحد << ماتعرف شنو ينقال له بالانجليزي 
المهم شريت كل مشترياتي فبعد شهرين راح اغير واجدد
انزين اقولج شنو ثالثاً وسبب اللي خلاني بشتريه !
لانه يعتبر البدييل الافضل للاسكينووول 
بصراحه هذي قريتها من تجربتة وحده بس اللي قايل لها العطااار ومدحه حييييييل لهاا 
تبين تعرفين شلون تسويه بالضبط بالضبط ارجعي لطريقة جدتي شلون نقعة المره بالبطل وخلته ليووم كامل منقووع عرفت الحين ليش جدتي مو هينه 
بصراحه انا ناويه استخدمه لأنه ريحة الاسكينوول تعور راسي حييييل ! 
اني وي
سمحيني ع القرقه
وشكراً
من فترة سمعت انه يوحد لون البشرة وزيييين للحبوب .. وهالمعلومة قرأتها اهني في المنتدى
فرحت ركييييض لأمي مسكينه اللي تمللت مني <<<< هههههههههههه
وسألتها اذا عندنا او لآ .. وقالت بلى فيه
وقمت خذيت جم حبه متوسطه .. ونقعتهم في ماي ورد .. وتقريبا امسح ويهي فيه
في اليوم من مرتين لثلاث
وحالياً صار لي اسبوع استخدمه .. واحس بشوي تحسن في لون البقع الخفيفه
وان شاء الله بوآآصل … بس ترى وآآآآآيد يمدحوونه في المنتدى 
انه يوحد لون البشرة .. ويشيل الحبوب .. ويشد
وجفت وحدة كتبت انه يزيد الشعر في الويه وبصرآآحه مادري هالشي صج او لآ
هذا اللي ادري عنه .. وان شاء الله الباقي يفيدونج
اي ياقلبي هذي هي
واهي موبس للبشره مفيده
لكل شئ
واهي تعتبر مضاد حيوي