المرة دي جاية افيدكم بحاجتين مهمين ملهمش علاقة ببعض اصلاً
بس اهو افادة وخلاص
اول حاجة :
في فرق بين التنعيم والتمليس
بمعنى :
النعومة يا عروسة ان فتلة شعرك تكون ناعمة متكونش مكسرة ومليانة مطبات
لكن التمليس معناه ان فتلة شعرك تكون خالية من التموجات ومفرودة
لأ طبعا .. يعني مثلا لما تكوني عاملة فرد لشعرك وهو اصلا خشن اوي
بيبان جدا انه مفرود وانه مش طبيعي
فمش شرط
وبرضه العكس
مش معنى ان ان شعرك ناعم وصحي انه يكون ليس ومفرود ولو مش كده تروحي تقولي ده خشن
وانا شفت فتوكات كتير بتخلط ما بين الاتنين
لالالا ده هو ناعم بس مموج وبتختلف درجة التمويجة من واحدة للتانية
يعني ممكن واحدة شعرها كيرلي اوي وممكن واحدة تانية درجة التمويجة لا تكاد تذكر فيه
واوعي شعرك الناعم المموج ده مش يعجبك وتقولي هفرده
كده بجد تبقي بتتبطري ع النعمة اللي فإيدك وبترفصيها برجلك لأن الفرد بيدمر الشعر
لو عايزة تفردي التمويجة اللي فيه وتغذيه يبقى تشوفي وصفات طبيعية
وغالبا ما بيكون مفعول الوصفات الطبيعية ع الشعر الناعم اسرع واقوى من مفعولها على الشعر الخشن
تاني حاجة بقى
بخصوص نبات الأملج اللي مغلبكو ومحيركو وكل واحدة ليها رأي مختلف تماما عن التانية فيه
في الاول هعرفكم بيه للي ميعرفوش
دي عشبة بتجيبها خام او مطحونة او زيت من عند العطار وغالبا ما بتستخدم لفرد الشعر بطريقة طبيعية
واختلفت الاقاويل اوي عليه
في عرايس قالت وحشة وبينشف الشعر اكتر ما هو ناشف وفي عرايس قالت بيفرد وبيغذي ومدحت فيه
هقولوكوا على اختبار بسيط تشوفيه هيناسب طبيعة شعرك ولا لا
اكيد طبعا معظمنا يعرف زيت دابر املا وفي مننا كتير جربوه
جربي الزيت !!!
ليه بقى
لأن زيت دابر املا فيه نسبة من زيت الاملج اللي بتفرد الشعر وبتغذيه
فلو مشي مع طبيعة شعرك يبقى تستخدمي الاملج وانتي مطمنة
ولو ممشيش مع شعرك يبقى بلاش من الاملج احسن
بس كده
انا كده خلصت الحاجتين اللي كانوا زانقيني وعايزة اقولهم
ادعولي بقى ربنا يرزقني باللي بحبه و يجمعنا في بيت واحد ياااااااااااااا رب
ولو عجبك الموضوع متنسيش التقييم لان بعد كده حضرب 
[/COLOR]
يسلموو على النقل اختي 
:يسلموووووووووووووووووووووووووووووووووووووووو