حبيباتي ابغي اروح عند دكتور جلدي لعلاج الحبوب:pain: وقالولي عن المستشفي الأيراني اللي بدبي بليييييييييييز بنات بليز اللي عندها اي معلومه عنه اذا كان اوكي ولا مب اوكي تقولي قبل لا اروح انا بروح يوم السبت ان شاءالله بليييز لا طنشوني انا احب اخذ رايكم قبل لا اجازف وان شاءالله استفيد من خبرتكم
وعندي سؤال ثاني بالنسبه للبنات اللي راحوه الدكتور اللي بالمستشفي يتكلم ايراني ولا عربي ؟؟ واذا ايراني فيه مترجم ولا لزم اتشحت مترجم قبل لروح ؟؟؟
حبيبتي المنتهى ..
توكلي على الله وروحيلهم ..
لأن الأدوية مالهم أوكي معظمها من صنع ايران ..
ولا تخافين ..كل دكتور عنده مترجمة تترجم عربي..
يزاج الله خير ملكة النحل ماقصرتي الغاليه وعسا ربي يسرلج الخير ان شاءالله
اما عن كلداري.. بيشفط بيزاتج ولاكن دون فايده.. نادرين اللي استفادو منه
سيري مستشفى راشد عند دكتور عراقي
ممتاز جدا نص اهلي تعالجوا عنده والحبوب انتهت نهائيا منهم والحمدلله
اسمه حميد او محمود حامد ما ادري في اسمه حرف الحااااء
ههههههههه
واسلوبه وايد روعه ،،، طيب جدا وله طولة بااااااااال
المستشفى الايراني علاجهم وايد زين
انا كذا مره رحت عندهم والحمد لله شفت ان علاجهم وادويتهم ممتازه
وكل دكتور عنده مترجم
وعن كلداري اختي كانت تتعالج عنده والصراحه مافدها وايد وبعد ما عرست راحت الحبوب عنها يعني مب من علاجه
وعن مستشفي الراشد 
ماقدر انا مب في تيم هل دكتور .. انا في تيم فاطمة مدني ومستحيل يحولوني ..
وان شاءالله اروح مستشفي الأيراني يوم السبت بس حبيت استفيد من خبراتكم الأنه نصحوني اروح عندهم يقولون ادويتهم غير مش موجوده عندنا من ايران ايبونها وايد ناس استفادو عسب جي قالت اجرب لعت جبدي من الحبوب اللي تطلع وان شاءالله ياااااارب استفيد
وفى بعد الدكتورة مينال باتوردان هندية الجنسية لكنها شاطرة ومشهورة موجودة بامارة الشارقة واسعارها زينة
وبعد يمدحون الدكتورة سعاد لطفى عندها عيادة فى بر دبى عند مصطفوى للمفروشات والعيادة جديدة فأكيد أسعارها زينة
أما فى مستشفى الايرانى هناك دكتورة تمدحها عمتى وايد اسمها الاحمدى جى ينادونها