بنات رجاء ردو بدون تجريح
و إلي ما تبي تفيد الله يجزاها الخير لاترد
أنا متأخرة عن الحمل
أنا دورتي ممكن تيجي هاليومين و زوجي قال خلينا نسويه الشهر الجاي
أنا حيييييييل متضايقة
و الله حاولت كثير مافي فايدة
شريت ملح المغطس من تاجرة و هو معطر و ريحته حلوة بس ما تضل الريحة و سبب التهابات
جربت الملح
بس ماجاني إلا التهابات و المشكلة الي عندي ( في ريحة )
لما أقعد نفس جلسة الي بيروح الحمام – الله يكرمكم – عشان أشيل الشعر
أنا أشم الريحة
أجل أكيد زوجي بيشمها
حنا كنا معتمدين عالطريقة التقليدية لكن الحين زوجي خلاص قرر يتخد هالوضع بعد كلام الدكتور
هالشي لاحظته قبل الزواج و طلبت امي تشوفلي حل وقالت مو ناقصنا مشاكل و إنتي ببيت زوجك دوري حل أهم شي تروحي سليمة 
حتى شيل الشعر كان ممنوع لدرجة إني ما عرفت إن المنطقة فيها سمار إلا يوم العرس !!
السمار و قلنا ماشي و حاولت فيه بخلطات و بعد مافيه حل
أبي حل للرائحة
أقرأ كثيييييييير عن المسك وودي أجربه لكن ما لقيت تفاصيل عنه بالنت
و مكتوب بالنت إنه من عند عبد الصمد القرشي لكن ما أتوقع موجود عندنا
عندنا العربية للعود موجود فيه ؟؟
رجاء ابي حل
و دعواتكم
ثاني شي لاززم النظافه الشخصيه مهمه ازاله الشعر باستمرار واستخدام غسول طبي خاص للمنطقه اسمه سيباميد
واكثري من شرب الماي المخلوط بماي الورد
وعصير البرتقال وشاي الزنجبييل
وشاي النعناع حتى تصير ريحه الافرزات غيير
البس شورت قطني وخلي المنطقه تتتهوى بالليل ولا تلبسي ملابس داخليه ورطبي المنطقه بزبده الكاكاو او اي مرطب تحبينه وممكن زيت الوز المر تدهنين فيه
اما عن المسك عندج المسسك الاسود من عبد الصمد القرشي وتراه غالي يمكن 800 ريال نص توله
ربي يشفيك ياقلبي ويبشرك بالحمل قريباَ
اذا بهالحاله انا انصحك تغسلي بمغلي البابونج والحبه السوداء اغليهم وصفيهم ببطل ماي وحطيه بالثلاجه وشطفي منه . . والافضل طبعاً تشوفين دكتوره اذا عندك التهابات . .
المهم الحين لا ماعندي التهابات بس الريحة إلي ملاحظتها مثل ماقلتلكم لما أجلس بهذي الطريقة أنا أشمها
و ما ألاحظ إفرازات
أتوقع من الخلف 😮
و بالنسبة للمسك أختي إيش يعني التولة ؟
لأن سعره مرررة غغالي
و شكرا لكل من ردت و لكل من ساعدتني على الخاص
و أما الذكر إلي أرسل لي رفع ضغطي لأن الموضوع ما يخصه 8o| و هذا منتدى بنات !
اول شي زيت اللوز المر ممكن أعرف فائدته ؟؟
تاني شي الحبة السودا قصدك حبة البركة ؟
و أحطها هي و لا زيتها ؟
و هل هي للرائحة أم الالتهابات و شكرا
تقدري تعطرين المنطقه باستخدام غسول طبي مثل سيباميد وفيم فرش وكير فري
وعندج الماي الدافي والملح
وغسول البانونج
وتبديل الملابس 3 مرات عالاقل باليوم
وانتبهي لللاكل لا تحطين وايد بهارات وثوم وبصل
وكثري من الفواكه زي ماقلت لج والعصاير زي الليمون والبرتقال وشاي النعناع والزنجبيل
اما بخصوص المسك الاسود هو للطهار تستخدمينه بعد ماتطهرين من الدوره تحطين منه بعود اذن داخل المنطقه بتحسين بحراره لانه الاصلي يحر شوي بس سبحان الله تتغير ريحته وجمييل جدا
وزيت اللوز المر للترطيب الجسم والتفتييح
حبه البركه هي نفسها حبه السوداء فايدتها تطهر الجسسم ومذكوره بالطب النبوي لفوايدها الغير معدوده لللاكل والجسسم والشعر
أعرف ناس يستخدمو المرة مع موية ..
بتقطع الرائحة ،،
وفعلاً لو تسألي طبيبة أحسن لك،،
الله يطمنك ويوفقك ويخليك ملاك بعيون زوجك