كيفكم يا بنات ان شاء الله بخير و عافيه
و الله انا مستعجلة بس حبيت افيدكم بشي فعلا خطييييييير..
و هو معلوووومه من اهميتها قلت بقول لكم عليها الحين قبل لا يفوت الفوت..
و هي :
ان المشروبات الغازيه الدايت و لايت و هالانواع مو زينه صدق بسبب:
ان الماده اللي فيها (بديله السكر) تضعف الذاكره
انا عارفه الحين هاللحظه انكم تقولون من قال يا حب الناس للخرابيط
و تهويل الامور
لكن هالمعلومه مو ايميل منتشر و لا اشاعه هاذي للاسف حقيقه واقعه
و مجررربه للاسف نعم انا و زميلتي و راح تلقون كثيرررات بيكتشفون صحه
هالمعلومه بعد فوات الاوان
انا كانت ذاكرتي قويه و كانوا يرجعون لي اهلي ويسألوني زماان
و الحين ذاكرتي ضعييييفه لابعد حد بشكل فضيييع لدرجة اني مره
هاوشت ولدي ليش ياخذ بطاقه الصراف حقتي , الا قالت لي شغالتي
مدام انتي توك جبتيها بيدك و حطيتيها على الطاوله!
و السبب اني من زمااان من حوالي سبع سنوات و انا يزيد وزني شوي
و اسوي ريجيم و انحف و اسمن و انحف و اسمن والخخخخخخخخ
و وقت الريجيم اشرب بيبسي وسفن اب دايت (مع انه مو يوميا و لا بشكل مبالغ فيه)
المهم انا دايما افكر ليش انا صرت كذا و اقول يمكن الحمل و الولاده و هموم الحياة
لكن قبل اسبوع و نص كذا وحده معاي بالعمل (ما شاء الله جدا مثقفه) و هي سبق
و عانت من مشاكل بالوزن و عارفه الوضع قالت ان الماده البديله بالسكر تسبب اضعاف
الذاكره … و قالت بعد انها زمان كانت ذاكرتها قويه و الحين الله بالخير.. و انها متأكده من
هالمعلومه و انها مثبته علميا………………..
الصراحه انا انصدمت و قعدت افكر…
اصير دبدوبه بس صاحيه…
و الا اخسر وزن و اصير مفهية و مضيعه…..
و اخر شي قررت اني ما عاد بشرب دايت لانه ما يسوى علينا من زين صحتنا
شوفوا انا مو مثاليه الا بعيييده جدا يعني لو مره ودي ببيبسي راح اشرب العادي و لا الدايت
بس عموما انا قاعده احاول استبدله بعصائر و حاليا انا و عيالي طايحين بداناوالاخضر خخخخخ
المهم حبيت انبهكم و الله انه شي سيئ ان ذاكرتك تتعب… و الله يوفقكم و ينحفكم من غير شر..
بالنسبه لي الخطه العبقريه الخمسيه هي اني ابغا باذن الله اخفف عن طريق اني اروح نادي
3 ايام بالاسبوع بعد رمضان ان شاء الله و احاول ما اكل اكثر من وجبه وحده دسمه باليوم
و صدقوني ان شاء الله راح ينفع لاننا دايما يا اما حبا و الا برك يا نبغا ننحف و نذبح انفسنا يا
نخرررب كل شي..
دعواتكم لنا جميعا بالرشاقه و الصحه و العافيه…………
الله يكفينا من شر هالرجيمات
على العموم مو مشكله انا وصلت المعلومه للجميع مب لازم ردود ..
و اليوم زرت خالتي ام زوجي و قالت انها ضايق صدرها لانها سمعت ان
سكر الذره بديل السكر العادي اللي تستخدمه عشان عندها سكر يسبب النسيان
فلقيت ان على كذا هاذي الماده سواء في كاندريل او البيبسي دايت اذن تسبب ضعف الذاكره
من جد ضايق صدري لانه شي فعلا اعاني منه مب اشاعه منتشره
و الله يعيين
خففوا بس مهب لازم سكر بديل ايه والله نصير مليانات وصاحين ولا نصير نحيفات ومفهين ……………..
وشكرااااااا
انتي الوحيده اللي وافقتيني الراي
و الله يكتب لنا اللي فيه الخير
السلام عليكم ورحمة الله وبركاته
اشكرك أختي الغالية
موضوع جدا قيِم
فعلا المشروبات الغازية أضرارها كثيرة
ويعتقد البعض أن الدايت منها لا يضر
والدايت رغم مكوناتها الضارة فهي تحتوي ايضا كما ذكرت غاليتنا على
الماده البديله بالسكر التي تضعف الذاكرة
جزاك الله كل خير وبارك الله فيك
:9_33:
بس ازيدك من الشعر بيت وايضا تسبب العمى وهدا كلام دكتورة طلعت في التلفزيون وقالتة
ولو كانت كذابة او تتقول لكان الدكاترة الباقين هاجموها
لكن للاسف هم يعرفون بس مايقولون الحقيقة كاملة