المشط الخشب 2024.

انا قريت فى المنتدى من فترة ان المشط البلاستيك بيقصف الشعر و الاحسن استعمال المشط الخشب او العاج وفعلا ماكدبتش خبر و وقلت اروح اشتريه لان شعرى كله مقصف ومكنتش اعرف انه من المشط البلاستيك علشان لمل كنت اتسرح كنت اسمع الشعر يطقطق وعامل زى الكهربة لكن للاسف ملقيتش المشط خالص وتعبت وقلبت عليه الدنيا لكن مفيش فايدة ياريت اللى تعرف بينباع فين بالضبط فى مصر تيقولى العنوان بالتفصيل الممل عشان انا من ساعة ماعرفت الموضوع ده وانا خايفة اسرحه علشان شعرى مايقصفشى تانى و اللى هتقولى والله هدعيلها من كل قلبى

معقولة مفيش ولا واحدة ردت علية ارجوكم اللى تعرف المشط الخشب بينباع فين تقولى علشان انا محتاجة له ضرورى دة انا كمان من ساعة ماعرفت ان المشط البلاستيك بيقطع الشعر ما بسرحشى شعرى خالص علشان ما يتقطعشى هو اصلا مش ناقص

ربنا يخلى اللى تيقولى وينولها اللى فى بالها

°ˆ~*¤®§(*§*)§®¤*~ˆ°انا عن نفسي ما اعرف عن ها المشط، بس انتظري يا اختي لا تستعجلين على الردود°ˆ~*¤®§(*§*)§®¤*~ˆ°

انا اقولج انا يوم سافرت مصر حصلته عند منتجات الاصالة اللي في اسكندرية مول وممكن تلاقينه في كارفور الاسكندرية عند حاجات الشعر ان شاء الله اكون فدتج

ادعيلي بالزوج الصالح

اختى طلوع الفجر انا مش من الاسكنرية انا مقيمة فى القاهرة وعلى العموم انا متشكرة قوى على مشركتك ويارب ينولك كل اللى فى بالك ويرزقك بالزوج الصالح ويكون بيحبك قووووووووووووووووى ويكون خاتم فى صباعك

حبيبتي تسلمين على الدعاء الحلو ولكِ مثله ان شاء الله بس ممكن تلاقينه في الصيدلايات اللي عندكم في القاهرة ان شاء الله تحصلينه

ان شاء الله حصلتيه
؟
لوكنتي بالسعوديه كان افدتك والله

معقولة مفيش ولا واحدة عارفة بينباع فين ارجوكم اللى تعرف تيقولى على طول انا هتجنن مش عارفة اعمل ايه ارجوكم ساعدونى لان اى حاجة فيها ضرر لشعرى لايمكن استعملها ابدا بالنسبة لكى اختى طلوع الفجر انا فعلا سالت فى الصيدلية بس ما لقيتوش انا عارفة انك عايزة تساعدينى باى طريقة الله يخليكى يا حبيبتى و يسعدلك ايامك ويحققلك كل اللى بتتمنيه

اختي بنت مصر انا لاقيته في كارفور اسكندرية
عند منتجات اصالة
زي ما اختنا طلوع الفجر افادتنا
بس اكيد في اي مول في القاهرة موجود منتجات اصالة
هتلاقي عندهم اكيد ان شاء الله
و كمان جوّا كارفور الماركت هتلاقيه
ربنا يسهلها و تلاقيه بسرعة