المقشر رتن A 2024.

السلاااااااام بنات
من جربت كريم رتن A
المقشر بشرتي فيها أثار حبوب(لون بني)هل ياترى ينفع أو لا
وكيف أستخدمه؟
ولازم الصابونة حقته أو لا
ياليت تستعجلون بالرد..
وشكرا ياحلوووووووووووووووات

السلام عليكم ورحمة الله وبركاته

صحيح أنا ما استخدمت هذا المقشر بس سمعت عنه وخاصه أن بنت عمي استخدمته بوصفه من دكتور الجلديه

واللي اعرفه عنه انج لازم تستخدمينه في الليل لما تبين تنامين ولما تحطينه لازم ماتقعدين امام الكمبيوتر أو أمام أي اضاءه قويه علشان مايضرج بدل ماينفعج ومن تقعدين من النوم تغسلينه وتجنبي أشعة الشمس اذا كنتي حاطه الكريم على وجهج

وهذي توصيات الدكتور طبعا

وهذا كل اللي أعرفه وصدقيني حبيبتي لو عرفت أكثر ماراح أبخل عليج….

انشاء الله البنات يفيدونج………

ولا انا واللة ان شاء اللة
الي تعرف تكولج عنا

قطرات العسل
مشكوووووووووورة حبيبتي أكيد بنتبه لتحذيراتك

الينبوعة..شاكرة مرورك..

الفزعة يــــــــــــــــــــــــــــابنات

يسلمووووو لكن اختي الغاليه رتن a قوي وفعال انا استخدمتها وفادني كثيرررررررر انا استخدمته كثير يداوي الحبوب وراح تتخلصين منها بس راح يتقشر وجهك ويعطيه نظاره لكن بيعورك شوي لأن الجلد راح تكون مشدوده وتتقشر لكن لا تكثرين يوم ورى يوم وهالله هالله بالترطيب لأن بشرتك راح تتقشر نصيحه كريم المرطب لايكون معطر ولا فازلين ولا زيوت اذا عندك كريم اطفال خفيف استخدميه مثل كريم جونسون اهم شي مش مرطب ويارب يفيدك انا ابي استخدمه الحين لكن مو حلو اجلس قدام زوجي وجهي يكون متقشر كأنه بطيخه:yes:

مثل ماقتلج رموووووز لازم الترطيب واهو واايد مفيد بصراحه للي فيهم حبوب وبقع

وانشاءالله تطلع بشرتج حللللوه حيل

اختي انا ما انصحج تستخدمين رتن اي لكامل الوجه من غير استشاره طبيب جلدي مختص ..

لان قد يسبب حساسيه وتهيج لبعض انواع البشرات خاصه الحساس منها .

اختج

روح البحرين

الف شكر لكم
الود شجعتنيني…الف شكرد على نصايحك…ما قصرتي يا أموووووورة
بحور الشوق ولا يهمك حبيبتي .. بس أبي مرطب ينفع مع الكريم..؟؟
روح البحرين عيوني شكراً على حرصك بس بجرب بمكن صغير قبل..إذا يحسس أو لا..

اذا مصممه لاتطولين عليه شهر او شهرين بالكثير

ومو لازم كل يوم

واستخدمي مرطب واقي من الشمس

ونصيحه انا قشرت وجهي فيه وجربته ومليت لاني اخااااااااااااااااااااف

تدرين وش استبدلته به ؟

ملح البحر ملعقتين كبيره
ملح خشن ملعقتين كبيره
زيت زيتون ملعقه كبيره
ليمونه
واخففه بمويه قد لتر
واتحمم ثم احطه على جسمي واخليه ربع ساعه وادعك جسمي
ثم اغسله بمويه
واحط
سكر وزيت للوز
وافرك جسمي واخليه شوي
ثم اخذ دوش ماء فقط

واحط لوشن جونسون

واذا فيك حبووب وتبينها تروح وتنشف

جربي بالاسبوع مرتين
شبه + ملح خشن + سدر ……. كل واحد فنجان
وحطيه بمويه بالبانيوو وخليه على جسمك نص ساعه
ثم تحممي بمويه
^
^
^
بس الي تستخدم كريمات طبيه للحبوب او اي مقشر طبي او ريتين

لاتجـــــــرب طريقتي

ماينفع ابدااا يا جربي اشياء طبيعيه او بكيفك روحي للطبيب جلديه

والليمون مايصلح اذا تستخدمين مقشر طبي انتبهي لبشرتك

لانه تحسين بشوي حراره من كريماتهم
يعني انا جربت ريتين وسويت جلسه تقشير بالفواكه حلووه بس ماارتحت وتركتهم
ونصيحه مني اذا جربتي مقشرات طبيه حاولي تريحين بشرتك ماتحطين ماسك طبيعي
يكون فيه شئ يقشر بيحمررررررر وجهك وبيلتهب
لاني انا جربت احماض الفواكه وكانت اسكر على نفسي بغرفتي وانطط فوق السرير من الحراره 🙁 لان امي تهاوشني تقولي لاتحطين شئ على وجهك والله سمعت كلامها
خخخخخخخ قلت خل كريماتكم لكم معد ابي شئ :angry:

انا قلت ابين لك لاتجمعين بين اشياء مع المقشر الا انك تستخدمين ريتين وواقي من الشمس وروحي للطبيبه واسأليه عن كل شئ احسن لك ياقلبي لاتجربين من كيفك

رمش الغلا مدري وش أقولك
شكرررررررررررررررررررررررررررررررررررررررررررررراً
ردك يبرد الخاطر…بس إحتمال ازعجك بكذا سؤال
انتظريني