صراحة يا بنات الامارات ترانا على طول نشتري كل شي بس الاهم ان نتعلم فن المكياج لانه فن مثل غيره من الفنون و انا عندي مثل هاى المجلات والكاتلوجات الكثير لكن يعتمد اول و اخر شي على الفن و تناسق الالوان لا زم ايكون عندج ذوق لان دمج الالوان عملية هب سهله يبالها ابداع و لازم الوحدة اتكون مبدعة في تحديد شكل الوجه اولا و من ثم شكل
العين لان في اشياء اتكون دارجه في هذا الصيف غير الصيف الماضي صح بس انا لازم انتابع الموضه و نتعلم فن المكياج او ايكون تعلم ذاتي مثل حالتي ……… و الا االوان الماركات تراها وايد حلوه حتى ماركة كريولان انا استخدمها بس هب اي حد يقدر يستخدم الالوان لانه فيه نوع من الفن في دمج الالوان للاي شادو او حتى للبشرة و تراها ساعات اتكون مائية مضغوطه و هي صعبه في الرسم لنوع ما خاصة في تحديد الجفون العليا و بعدين لازم اتكون عندك فراشى جيده للاستخدام و هذه غالية لنوع ما لانها مثل ما يقولون من الشعر الطبيعي و انا لفيت عشان الفراشي بو سعر معقول و ما حصلت لانها لازم اتكون نوعية يابسه بس دبرت عمري و حصلت لي حل بسيط و سهل.. المهم نرجع ان المكياج فن و ذوق