شحالكم ياعرايس وشحال الكتاكيت الحلوويين؟؟
اليوم اكمل ثامن يوم من ولادتي لولدي … والاول لا تسالووون متعبني واااااايد …
حبيت اعرف كيف تتصرفون ويا المولود الاول ويا تصرفاته وتغير سلوكه ؟؟ وكيف توفقون بين نوووومهم؟؟؟
لانه الحين ولدي الاول ينام مع ابوه بالغرفة الثانية.. ويوم ينام الاول يصحى الثاني والعكس صحيح :confused:
والله تعبت … كيف اعود ولدي الاول على النوم وصراااااخ اخوه في كل مكان .. من يسمع صووته
داااااااااااااداااااااااااااااااااااااااه ويركض صوبه …. دخييييييييييييييييييلكم يا امهات اللي عندها اثنين وثلاثه تخبرني عن خبرتها وتجاربها ويا عيالها …
الله يحفظ لكم عيالكم ويخليهم يارررررب
اختكم
انا بصراحة قاعدة انطر هالشي يصير لي :confused: .. بنتي بتكمل السنة مع ولادة اختها ان شالله
حملت عليها بسرعة مسكينة..
الله يعينج .. ويعييني معاج
بانتظار البنات اللي مروا بهالتجربة شلون تصرفوا ..وان شالله نستفيد
بالعكس خليكم كلكم في مكان واحد لا تعودين الكبير في غرفة مع ابوه والصغير وياش في غرفة
وعن النوم ترى الصغير بعد ماتقدرين تنظمين نومه ،، بس ان شاء الله لما يصير عمره أشهر انتين راح تنظمي نومهم
وعن تغير السلوك والغيرة هذا شي لازم يصير ولابد منه !! مهما سوتي وعدلتي بين الطفلين ،، وعلى فكرة الغيرة صيرة حتى لو ماكان الطفلين في سن واحد
قصدي حتى لو كان الفرق بينهم فوق الخمس سنوات !! بعد بصير نفس الشي
ادري مرحلة صعبة ( مريت بها )) بس حبيبتي اشوي اشوي وبصير لش كل شي طبيعي وبعدين ياحليهم لما يلعبون مع بعض بنسونش كل هم في الدنيا
الله يحفظهم لش يارب
أختي الوضع وايد صعب أكيد بس كلها كم شهر ويكبر الثاني وينتظم نومه ويتعدل.
أنا ولدي عمره خمس وأخته 5 شهور وبعدني أعاني من النوم المقطع ومن حجرة لحجرة
الحمدلله ع السلامة والله يخليهم ويتربون بعزج
اني وضعت مولودي الثاني وكان عمر ولدي الأكبر ، سنة وعشرة أشهر
يعني بعده ينام على رجولي ، ومستحيل ينام مع ابوه .
المولود الجديد اجهزة الى النوم واعطيه ابوه مع المرضعة .
الولد الأكبر يكون عندي ، واحاول اجهزهم اثنينهم في نفس الوقت ،
حتى وقت ما اني انيم الكبير يكون الصغير يشرب المرضعه ، وينيمه البابا
وبهذي الطريقة ، اقلل من نسبة الغيرة بينه وبين اخوه ، ولانه حتى هذه اللحظة مايقدر ينام الا على رجلي .
المهم ظلينا على هالحال لمدة 6 أشهر الأولى ، والحين المولود الثاني بدأ يفهم ومايقبل في البابا يعطيه المرضعه ، فأضطر اعطيها اياه اني وفي نفس الوقت ، ارفع الصوت ع الكبير حتى ينام عندي ، ويكون واحد فوق وواحد تحت يعني اثنينهم مرة وحده حاملتنهم :confused: حتى اكسب الوقت في نومتهم ولا واحد ينام والثاني يقعد .
المسألة يبي اليها صبر (y) وحزم (y) وقوة(y) وتشجيع من الزوج:wink:
ويعطيش الصحة والعافية
 |
اقتباس |  |
 |
المشاركة الأساسية كتبها أم حمادي  |
 |
 |
| مرحبا الحمدلله ع السلامة والله يخليهم ويتربون بعزج اني وضعت مولودي الثاني وكان عمر ولدي الأكبر ، سنة وعشرة أشهر المولود الجديد اجهزة الى النوم واعطيه ابوه مع المرضعة . الولد الأكبر يكون عندي ، واحاول اجهزهم اثنينهم في نفس الوقت ، المسألة يبي اليها صبر (y) وحزم (y) وقوة(y) وتشجيع من الزوج:wink: ويعطيش الصحة والعافية |
||
 |
 |
اللهم صلي على محمد وآل محمد
احنا بعد نسوي هالطريقة ،، وفي عايلتنا طلعنا ليها اسم ( طابقين ) خخخ:tongue:
و يتربوون الحلوووين بعزكم
و في البداااية لاازم بصير تعب بس لماا يكبروون اشووي
و بالذااات الصغير لماا يكمل 6 شهووور بينتظم نوومه
و الله يساااعدج و يخليهم لج
يعطيكن العافية ياربيه اكيد وايد تعب عليج وياالعيال
الله يصبرج
يعني عن نفسي من كنت حامل ببنتي الثانيه كنت اهىء الوضع مع بنتي الكبيره
ومن عمرها ثمان شهور خليتها تنام بروحها في غرفه لأن الحين صعبه تنامون كلكم مع بعض
لأن ولدج لصغير كل شوي بيقعد واحتمال يقعد اخوه ويغار من اهتمامج بولدج لصغير
فنصيحه حاولي تعودين طفلج لكبير ينام بروحه .. وطبعاً حاولي قد ماتقدرين تحببين طفلج الكبير
في اخوه وكثري من اهتمامج فيه عشان مايحس بالفرق لأن الياهل مايغار الا اذا تغير عليه الوضع
وخلي ريلج يساعدج ويطلع ولدج لكبير معاه بعض الاحيان عشان ترتاحين شوي ..
هذي النقاط اللي في بالي والله يعينج على تربيتهم ويخليهم لج