شخباركم يا احلى عضوآت يا اللي كل ماادخل منتداكم
اتذكر كل الذكريات القديمة الحلوة يوم كنت مراهقة
واحين صرت جامعية ماشاء الله << اخلصي ;p
المهم انا حبيت افيدكم بتجآربي للشعر اللي اغلبها اخذتها من هالمنتدى الرائع
طبعاً شعري كان خفيف والاهم قصير مآيطول
كآن مشيير تحت اذني والحين الحمد لله وصل لظهري ^_*
طبعاً استخدمت اشياء وايد وماتذكر المدة كم
بس من أهم الأشياء اللي استخدمتها وفادتني
زيت ترآشوب
أكثر شي طول شعري بس مالاحظت كثافة
المهم قررت بعدها استخدم زيت النارجيل من كثر ماسمعت عنه
حته امي تمدحه وتقول أن في وحدة زمان كانت تعرفها أيام أنا بيبي
كآن شعرها يهبل تبارك الرحمن وعند ركبها ولما سألتها
قالتلها عن النارجيل الأخضر جآن تروح أمي تشتريه وتستخدمه
ومن اول مرة مرضت من الريحة القوية وقطته ههههههههههههـ
ولافكرت ترد تستخدمه لا لشعرها ولا لشعورنا حنا بناتها 
المهم قررت اشتريه وطرشت أخوي الفالح يجيبه بس مآبرد قلبي جآب لي
زيت النارجيل مو اللي علبته خضرة،جاب واحد علبته صفرة ومآفيه ريحة
المهم خذيته وحطيته بغرشة ماي وحطيت معآه 3 فصوص ثوم
وصارلي 5 مرات تقريباً من استخدمته ولاحظت أن التسآقط اختفى ماشاء الله
وأحس الشعرة صارت اقوى بس في شي أبي اتأكد منه
الزيت صارت ريحته معفنة حدهآ ، هل لأني منقعة في فصوص الثوم
فكلما له تزيد الريحة الخايسة وهاي شي طبيعي
أو الثوم عفن ولازم اشيله أو اقط الزيت بكبره ..؟؟
أنتظر تفاعلكم يآ حلوات =)
انه بعد استخدم زيت النارجيل بس من باراشوت
نصحتني فيه وحدة هندية و ما شاء الله شعرها لي الركب
و بخصوص الثوم انه الي سمعته انه تنقعينه في الزيت
مدة اسبوع او عشرة ايام و بعدين بس خلاص اتشيلين الثوم
بس للامانه ما ادري إذا كانت الريحة طبيعية او لا و إذا
انتي منقعة الثوم مدة اطووويلة فيكمن من جذي طلعت
للزيت ريحة و ان شاء الله بعد الاخوات يفيدونج
اعملي زيت جديد و شيلي الثوم منه يا عسل
و يالله فرصة عشان تجيبي ابو علبة خضرا حديد
اولا :اول مره ادري ان النرجيل فــْْ♡ـْْـي انواع ۶ـلےِْ بالي بَـكأŠـسّ العلبه الخضراء أنا شريته وخلطته بالسابله والباقي تعرفونه اكيد توني باديه فيه
ﻣ̲ﻥ كثر ماشوف بالنت المدح توكلت ۶ـلےِْ آلُـُله وسويتها بس المشكله الريحه اوففففف اقوى شيء وانا وحده متزوجه ومدري متى ببداء فيها <<فيس مستحي >>هههههاي