النظام اللي بدأت فيه من 4 ايام لبشرتي وجسمي 2024.

شرايكم يالخبيرات بهالنظام واتمنى منكم اذا فيه شي خطأ أو يضر تفهموني بحكم خبرتكم ولكم
الف شكر والدعوات بالجنه
النظام اللي بدأت فيه من 4 ايام لبشرتي وجسمي عموما قولوا ماشاالله خخخخخ ماينخاف منكم
والله

1*
قناع مكون من ( ملعقتين حليب + موية ورد + شوي ليمون) لوجهي ورقبتي واخليه ربع او ثلث
ساعة
(هذا اخذته والشهادة لله على ماقالوا اخواننا المصريين من هنا بعروس وبشرتي عادية واحسه يشد
وجهي وانا حاطته ويجف بالمرة عليها يعني تتشربه البشرة تمام فهل هذا دليل افادته او دليل
ضرر للبشرة ؟؟؟)

2*
بعد مااشيله بكم ساعة اعصر خيار واحطه 10 دقايق حول العينين

3*
امشي كل يوم من 15*الى 20 دقيقة في النهار في هوا طبيعي

4*
اكل تفاحة بعد العشا او بالعصرية

5*
ادهن شعري بزيت سمسم دافي واتركه 3 ساعات مدري ممكن اخليه اكثر او اقل وانا اخترت
هالزيت لانه هو الوحيد اللي تقبلت ريحته شوي فهل له اضرار ؟؟؟)

6*
الله يكرمكم …اقدامي ادهنها بخليط من ( جلسرين+فكس+فازلين+عصيرليمون)واكتمها بشراب الله
يكرمكم بالليل واذا جا النهار اغسلها بمويه دافيه واخلي الشراب عليها عشان تفضل رطبة

7*
احاول وللحين ماقدرت عليها اشرب 8 اكواب مويه باليوم