الى الغاليه والعزيزه بنت عذاري 2024.

اشحالج بنت عذاري ان شاء الله بخير انا وايد احبج وانتي ما شاء الله عليج ما اتقصرين ويا البنات

كفيتي ووفيتي ويعيبني اسلوبج وبالذات ردج عل البنات فديتج والله,,,,,,,,,,

المهم يالغاليه اباج تساعديني بالاعتناء اف بشرتي,,,,,,,,

انا بشرتي مختلطه وحساسه شوي والحمد لله ما فيها حب بس بقع بنيه وفيني مسامات بخدودي

وخشمي وويهي مب مشدود,,,,,,,لأني من زمان كنت اسوي بخار بويهي في البيت وما كنت

اسوي ماسكات ولا اغسل ويهي بماي بارد بس بخار,,,,,وعقب لاحظت ان المسامات انفتحت

وغير هذا ما كنت اغط على عيوني شي ما كنت اعرف وتحت عيني نقط بيضه جنه خط تحت عيوني

وسرت عياده جلديه وعطاني دوا تحت العين اسمه glytoon وما منه فايده طبعا هالرمسه من زمان

وعقب طنشت,,,,,,,وانا وايد اشوفج تنصحين البنات بزيت اللوز الحلو للويه بس ابا اعرف شو

فايدته؟؟؟؟اناسرت حق العطار وقلتله عطني زيت اللوز الحلو قالي بعطيج زيت اللوز المر

ووايد زين للويه قالي استخدميه وبعد 3 ايام شوفي بشرتج بتصير حلوه,,,قلتله لا زيت اللوز

الحلو للويه قالي لا زيت اللوز المر,,,,,,,فطنشته وما خذيت منه شي قلت بتأكد منج,,,,,,

حاليا استخدم خلطة الاخت طلوله السدر ويا الحليب البودره حسيت بنعومه بس خايفه انه يزيد الشعر

بويهي حتى اني وايد اجيك على ويهي بالمنظره اشوفه زاد ولا لأ,,,,وسواسيه,,,,,,,,,,,,

ومن يفضل آخذ زيت اللوز من العطار ولا الصيدليه,,,ووزيت اللوز ما يزيد الشعر,,,,,البنات

قالولي لا بس حبيت اتاكد منج اكثر,,,,,,,