كيف حالكم !!
– هل رحتي للوالدة يوم تولدين بطفلك البكر ؟؟ وكم الفترة اللي قعدتيها ؟؟
– ونفس السؤال بالنسبة لباقي الابناء رحتي للوالدة او لا وكم الفترة اللي قعدتيها هناك ؟؟
– والى اي مولود تفكرين تروحين للوالدة عقب الولادة ؟؟
بالنسبة لي ::
– اي نعم رحت .. وقعدت 37 يوم لأني صادتني ظروف واخرت تطهير ولدي والاهل وزوجي ما رضوا ارجع شقتي الا بعد ما اطهره ويصير زين ..
– وبولدي الثاني بعد رحت .. وكنت طول فترة الحمل افكر اقعد 10 ايام تقريبا او اسبوعين كأقصى حد لكن يوم ولدت زوجي قرر يسوي تعديلات وتوسيعات في الشقة واضطريت اقعد اكثر ، قعدت هناك 24 يوم بالضبط
اما عن المستقبل مو في بالي احمل مرة ثالثة خخخخ بس اذا الله كتب وصار خاطري بخطط للموضوع بحيث ان اولد في العطلة الصيفية علشان عيالي في المدارس ووقتها بيكون اجازة وبخلي زوجي ياخذ اجازة ويقعد معاي وما بروح عند امي خلاص .. اما اذا لا سمح كانت ظروف ولادتي صعبة وحالتي الصحيه تعبانه فيمكن اروح عندها فترة بسيطة (a)
بانتظار ردودكم !! 😉
وو اذا كانت تعبانة .. ممكن تروح لحد 10 ايام او اسبوعين لحد ما يطيب جرح الولادة وتقدر تقوم تتابع امورها.ز
عن نفسي .. كلش ما افكر بالموضوع.. وقت اللي اولد بالثالث يحلها ألف حلال 
بس زوجي من زمااااااان مصرح انه بالثالث ما راح يخليني اروح عند امي .. اكثر شخص يتعذب هو زوجي لما اروح عند امي واخليه هههههههه
مرحبا امهات
انا يوم اجيب نونو قعدت عند امي شهر بالضبط وبعد بالغصب رجعت الوالدة الله يحفظها ما كانت راضية
اما اذا الله عطاني مرة ثانية افكر اقول ان شاء الله بقعد بس اسبوعين بالكثير اذا ربي مسهل اموري.
وعن الى الى مولود بروح عندها الظاهر اني ما لي غنى عنها دامها فوق راسي الله يخليها ويطل عمرها بظل اروح عندها.
ماما حسوووونن موضوعك حلوو ..
و جا بوقته !
انا لما ولدت قعدت عند امي شهر و رجعت شقتي .. و بعد ما طهرنا الولد اصرت ان ارجع لها و رديت و كملت ال 40 يوم بالضبط !
ان شاء الله هالمرة افكر بال 10 ايام و ارجع ان شاء الله !
انا مع انه الوحده تروح لأمها دائما حتى لو شو
انا رحت لأمي في البيبي الأول و إذا الله اعطاني بعد بروح
وافكر هل اذا جبت الرابع اروح الى امي او لا لكن شكلي بروح
لاني ساكنه في منطقه غير الي ساكنينها اهلي وما يقدرو يجو لي يومي
لازم اضل عندها 10 ايام على الاقل
ولولا الظروووف اللي صارت كااان صكيتها 40
واذا الله رزقني مره ثانيه بعد 40 يووم
بس بعدها اذا طلعت ف بيت بروووحي بقعد ف بيتي
انا لما ولدت بنتي قعدت عند امي الله يحفظها 40 يوم بالتمام خخخخ دلعتني دلع ماخلتني اسوي شي خصوصا ان بنتي اول حفيدة لها
واذا الله عطاني مرة ثانية اكيد بروح لها بعد بس ما ادري كم يوم ابقى
وما افكررر اروح عندها بعدين بالثاني لان زوجي موووو راضي من الحين
اني اروح.. الله ي ديمهم فوق راسي..
أنا اشوف ان الوحده اول مره تحتاج اتم ال40 و بعدين في الثاني ماله سالفه اتم كلش اذا عندها خدامة بس لو ما عندها اتم عند امها بعد 40 يوم