شخباركم وشو مسووين 
طبعا انا صار لي فترة اخذ دروس مكياج 
ولانه ها المنتدى وايد عزيز على قلبي ولاني احبكم وايد وايد 
قلت احط لكم اليوم درس من الدروس النظرية الي خذتها وحسيتها بتنفعكم
طبعا اول مرة اكتب ها الجملة ما احلل نقل الموضوع ابدا بدون ذكر اسم المنتدى او اسم العضوة الي هي انا 
يلا بسم الله
اول شي انواع المكياج وكلنا نعرفه
مكياج النهار …..
لازم ايكون الايشدو مات
والبودرة مات
ونختار يا بنات من اللون الي حابين انحطه الدرجات الفاتحة
اني حق مكياج السهرة …..
طبعا العكس الايشدو لازم يكون لماع
والبودرة بعد لماعة
ونختار من درجات الالوان لي بنستخدمها اغمجها
واخيرا مكياج العروس ….
مكياج العروس يا بنات نشتغل على الويه نفسه قبل المكياج …
تقسيم الويه من تنحيف تمتين وهاي السوالف
وطبعا مع العروس مسموح انه الايشدو يطلع برع الحاجب بخلاف المكياج الي قبل ذكرناهم
اني يا بنات للأضاءة
الاضاءة البيضا
لها نقطة ايجابية الي هي راحت الماكيرة الي تشتغل اتكون اكثر با الاضاءة البيضا
ونقطتين سلبيات لها وهي اول شي تاخذ من الالوان الي انحطها …. بتقولون لي كيف قمقومة
بقولكم يعني بعني لما اي احط لون احمر في الاضاءة البيضا احط واحط واحط واقول لا مو واضح لانه الاضاءة البيضة اتحسسني جي ولما اطله الاقي حاطة كيلوين احمر :066:
ثاني شي تعطي شحوب للويه واتحسسج انه ويهج رمادي
اما الاضاءة الصفرا
لها نقطة سلبية وهي انها متعبة للماكيرة بس مريحة للزبونة
والنقاط الايجابية اتكونين على طبيعتج
وتعطي حياة للبشرة
انزين يا قمقومة يعني شو الحل
الحل هو ندمج الاضاءتين يعني في الغرفة الي انكون فيها نتمكيج لازم اتكون في اضاءة بيضة واضاءة صفرا
ويكون كا التالي
للمكياج النهار ….. انقوي الاضاءة الصفرا وانخفف الاضاؤة البيضا
ومكياج السهرة والعرايس العكس …. انقوي البيضا وانخفف الصفرا
محد ايرد يا بنات برجع لكم اكمل 
طبعا اول شي البشرة العادية ….. وهي افضل انواع البشرة
وتندرج تحتها البشرة المختلطة الي هي اصلا كانت عادية بس بعوامل الطقس صارت مختلطة
ثانبا البشرة الجافة
ثالثا البشرة الدهنية
وهاييل البشرات اتولد مشاكل
واخيرا البشرة الحساسة
اني الحين حق الالترا بيس كريم
للبشرة العادية والجافة والمختلطة …… نستخدم البيس الابيض
اما الدهنية والحساسة ….. نستخدم البس الاخضر وهاي صورة منتج له
ويفضل نتركه من 10 الين 15 دقيقة
الحين الكومفلاج والي نحنا انقول عنه كونسيلر الكومفلاج هاي صورته
ونستخدمه حق البقع
غامجة …. مثل وحمة
او كلف…. وانغطيها با اللون الاحمر
وبقع فاتحة مثل …. البهاق
او بعد وحمة
ونغطيها بلون اغمج عن البشرة بدرجة
والبقع الحمرا ….مثل الحرووق انغطيها با اللون الاخضر
اني الحين اذا تبغين لون بشرتج او انج اتسمرينها طبعا تختارين لون بشرتج او اغمج عنها
لكن اني حق السمرا الي نبا انبيضها ليش اتصير رمادية
لازم انحط لها كومفلاج احمر من اول لون على اليمين من الباليتة الاولى على كامل الويه
وبعدين كريم الاساس الس افتح عنها
وبسسسسسسسسسسسسسس خلصنا
انريوني في معلومات ياية
اتمنى اكون فدتكم
اسمحولي على التظليل التعيس اول مرة اظلل
اذا حبيتو موضوعي لاتنسون اتقيموني
سلم لم
وجااااااااااااااااااري التقيييم لعيونك ياعسل
ميرسى على الموضوع يا قمر
تسلمى
عندي سؤال بعد اذنك: بالنسبة للبودرة حق الوجه المات ،،ما ينفع نستخدم مات للمناسبات؟؟؟اصا انا افضلها لا اللي بلمعو احسها تبين العيوب و تبين البشرة الدهنية. ايش رأيك؟
و بالنسبة للكنسيلر: ايش افضل شي للنمش و الهالات ؟ بدرجة كريم الاساس و لا اغمق؟
احب اشكرك على الموضوع و النصايح المهمة و الاساسية و في انتظار جديدك
 |
اقتباس |  |
 |
المشاركة الأساسية كتبها i miss u dad  |
 |
 |
| موضوع رائع مثل صاحبته،
عندي سؤال بعد اذنك: بالنسبة للبودرة حق الوجه المات ،،ما ينفع نستخدم مات للمناسبات؟؟؟اصا انا افضلها لا اللي بلمعو احسها تبين العيوب و تبين البشرة الدهنية. ايش رأيك؟ و بالنسبة للكنسيلر: ايش افضل شي للنمش و الهالات ؟ بدرجة كريم الاساس و لا اغمق؟ احب اشكرك على الموضوع و النصايح المهمة و الاساسية و في انتظار جديدك |
||
 |
 |
حبيبتي ممكن اتحطين للمناسبات بودرة مات وحطي شوي قليتر ويا اليلاشر
وبا النسبة للنمش والهالات اتحطين من الكمفلاج الاحمر واتغطينه بلون بشرتج
مروركم اسعدني حبيبات قلبي
ومشكورين
تسلمى
تسلم يمينك يالغلااا