دايما احاول اعلمه بعض الكلمات بس ما اقدر عليه يقولهن
يعني مثلا هو يحب الكورة ودايما اعلمه يقول كوره بس مب راضي يقول بس اذا قلت له روح هات الكورة يروح ايجيبها فديته
ساعدوومني كبف اقدر اعلمه يرمس مع اني دوم ارمسه؟؟؟؟
بس انتي دائماا اتكلمي معااه وعيدي عليه الكلمه اكثر من مره
كثير من الاطفال يتأخرون في النطق …!!
لا تخافين .. الحمدلله مادام ولدك ما فيه الا العافيه .. ويسمع زين .. ويفهم عليك زين .. خلاص …!! ليش مستعجله ع الكلام ؟!!!
انا ولدي الحين عمره فوق سنتين .. للآن ما يتكلم الا القليل من الكلمات ……!!! وما ينطقها زين بعد .. نص الحروف ياكلها …!!
واخوي الصغير ما تكلم الا بآخر الثلاث سنوات .. وماشاءالله .. الحين مزعجنا بكثر القرق ههههههههههه 
جم شهر بس وبيعور راسج من القرقة اللي ما تخلص والاسئلة اللي مالها معنى
صبري عليه وبتشوفينه يسولف ويغني وكل شي بيقوله ولا تحاتين ترا هالشي عادي
سبلونه انتي في نعمه .. ولاتستعيلين على الياهل
مادام يقول كلمات حتى لو أقل من عشر يعني طبيعي وقدرات الاطفال في الكلام تختلف
اني ولدي علووي لما كمل السنة والنص الحمد لله كان يتكلم أكيد مو مفهووم كلش بس يقول كلمات وجمل من كلمتين
والحين طبعا كمل السنتين الحمد لله يتكلم ويقول جمل مع بلع بعض الحروف
ولكن بنتي الحين عمرها سنة ماااااااااتتكلم ماتقول الا أربع كلمات ماما – بابا – امبوا يعني ماي – ابي يعني أبغي وتقول بعد لا
يعني كل طفل غير عن الثاني
و ضع ولدش كلش طبيعي لاتحاتين
و مدام فديته يفهم الى كلامش
و اذا اتقولين هات الكوره خلاص
هني يجي دورش انتين
هذا تجربتي مع حسون و لدي
من عمر السنه اخذت له كتب
فيها صور الحيوانات و انتي بكرامه
الفواكه
الاشكال
وكل مره اطلع مكان لازم اخذ له كتاب في سنه
و خبرش حبيبتي كتب الاطفال اتكون حلوه
الوانها و اشكالها كلش حلوووه
و ابدي علميه
على الحيوانات
و بعدها انتي اسئليه وين هذا و ينه هذا
و بعدها حاولي اتكررين الكلمه له اكثر من مره
و حاولى اتقولين له اناشيد عن الشكل
و اترردينها له بين فتره و فتره
ولا تحاتين غناتي
الله يخليه و يحفظه ليش يارب