وبعدين انا كنت حطيت موضوع قبل كده عن الشعروحكيت تجربتي في علاج شعري لانه كان منتهي الصلاحيه والحمد لله دلوقتي مش قادره اوصف لكم قد ايه انا فخوره بيه و بأدعي للي عرفني علي السورسير اللي انا استعملته وهوه سبق ذكره علي المنتدي
بعدين فكرت ليه ما اساعدش كل البنات اللي في المنتدي من مصر اللي بيدوروا عن منتجات للتجربه ومش بيلاقوها او بتكون غاليه نااااااااار:sad: 🙁 🙁 انهم يحصلوا علي اللي عاوزينه وبسعر معقوووووووول :shy:
بحكم انها عندي هنا في بورسعيد متوفره وبسعر كويس
:
اولا :اني زعلت اوي اني لما حبيت افيد البنات بموضوعي ….فيه عروسه طلبت مني اسأل لها عن خدمه التوصيل للقاهره وما لقيتش فأنا زعلت جدا انها عاوزه تستفيد وانا ما قدرتش اساعدها
تاني حاجه :ان صاحب المحل قالي لما سألته عن التوصيل ان فيه شركه بتاخد المنتج فعلا وبتبيعه لحسابها في القاهره باكتر من ضعف تمنه يعني سرقه واستغلااااااااااال
فانا بصراحه فكرت اني اعمل مشروع صغير
المشروع عباره عن توصيل المنتجات اللي تطلبوها وموجوده عندنا هنا في بورسعيد ليكوا من خلال الشحن والعروسه اللي عاوزه المنتج تدفع تمنه والشحن ونسبه ربح 10% مش اكتر لاني عاوزه المنتج يوصل بسعر كويس لكل البنات
كمان فيه حاجه اني ان شاء الله ناويه احط قايمه بكل المنتجات اللي موجوده وخصوصا اللي بتهتم بالشعر والبشره واسعارها تعتبر اقتصاديه كمان قياسا بأنها منتجات اجنبيه وماركات عالميه
فأنا يا عرايس بعد اذنكوا كنت عاوزه اخد رأيكوا الاول في فكرتي وهل لعرايس مصر رغبه في التجربه لمنتجات عروس اللي همه عاوزينها من خلال التواصل معايه
ياللا طولت عليكم …..مستنيه ردودكم عليه
بنات بليز اللي تدخل تشاركني الرأي:salam:
me too i wanna ask about anoob oil
وانا اول زبونه معاكي ههههههههههه وربنا يخليكي لينا انتي وفتفوته يا رب
وان شاء الله في اقرب وقت هاحط لكم الاسعار بتاعه المنتجات والمنتجات الموجوده عندي بالتفصيل
مش هاتأخر عليكم بإذن الله
[move=down]دايما في حفظ الله [/move]
المنتج الاول اللي انا هاتكلم عنه ان شاء الله النهارده هوه منتج ياباني
اسمه سورسير
طيب ايه حكايه المنتج ده
انا كنت حكيت عنه قبل كده بس عشان خاطركم احكي تاني
انا اصلا كان شعري كثيف جدا وانا صغيره بس احنا عندنا في عيلتي الصلع مزمن اوكي المهم انا كمان اتحجبت صغيره جدا والاسوء من السببين دول كمان انا البنت الوحيده ووالدتي مش ليها في مواضيع الاهتمام والعنايه وخلافه ……………..بمعني ادق كوكتيل اسباب مش ممكن تلقوه عند اي حد علشان يفضل عنده شعر :confused: :confused: :confused:
وده فعلا اللي حصل معايه
مفضلش عندي شعر …….كان خفيف جدا لدرجه اني لما بدأت ادرس واشتغل في وقت واحد واصبح وقتي مش ملكلي تقريبا تقريبا بقيت قرعه والله ما باهزر :qaq:
عاوزه اقول لكم اني عندي 24 سنه ومع ذلك انا شعري اللي في مقدمه راسي ما كنش بيغطي بس الفروه كمنظر …………من الاخر ربنا ما يوري حد
المهم انا اتعرفت ع اللوشن ده وقلت وماله مفيش مانع من التجربه خصوصا واني عرفت انه بيعالج الصلع المزمن [/COLOR][/COLOR]
المهم انا قلت مفيش مانع من التجربه …….واتشجعت وجبت اول علبه ومش ممكن اوصف لكم بعد كده حصل ايه
بجد والله يا بنات ده مش عرض تسويقي دي تجربتي للامانه انا باحكيها يمكن تكون واحده حالها من حالي وعاوزه تعرف حل لمشكلتها
المهم اني من اول مره حطيته عجبني انه بيخلي الشعر انسيابي وكمان ريحته حلوه كأنه بارفان بس تاني يوم اتسرح بالمشط الشعر اللي بيقع قل جد وبعد 3 ايام بالظبط لاحظت شعر صغير بيطلع والله يا بنات في اخر الشهر لقيت الفروه اللي كانت باينه وكانت بتخليني ما وريش شعري لحد اتغطت بقيت لما الم شعري ما حدش يعرف اني قرعه …………اقصد سابقا الحمد لله :shy:
بس المهم انه حتي اثر في سمك الشعرايه نفسها وفي نفسيتي قبل قطر الشعرايه ………..
بس اهم حاجه اني عرفت اني اخيرا لقيت حل لشعري اللي كنت استحاااااااااااااااااله اوريه لحد
وما بقتش مشكله عندي لو اتقدم لي عريس اقوله ايه
علي فكره انا حكايتي معاه لسه ما انتهتش
لو عاوزيني اكمل قولوا كملي
:yes: يا اللا سلام اه بالمناسبه ده اول منتج ان شاء الله هتلوقوه في مجموعه التسويق بتاعتي
بالمناسبه كمان ما زال البحث مستمر عن زيت انوب
يا ريت اعرف اللسيون ده ايه بالظبط
كل اللى تكتبيه تراعى فيه الامانه علشان متعشميناش بحاجه وتطلع غير اللى قولتيه خالص يعنى لو شايفه فى الحاجه دى فايده قولى عليها وياريت تكتبى السعر كمان معاه وتنزلى صور منتجاتك انا مستنيه ردك الوااااااااااافى بقى واهم حاجه كثافه الشعر علشان عرسى قرب
نتكلم بعدين لاني اتأخرت
سلاااام