امهات البحرين وباقي الامهات 2024.

بنت اختي عمرها 3 سنوات ونص صار ليها 10 ايام وحالها مو طبيعي ماعندها توازن في المشي تقوم وتطيح وعلى طول ترتجف ومن تجود شي يطيح من ايدها وديناها السلمانيه قالوا مافيها شي برغم كل الفحوصات والاشعه اخذو عينات من دمها وودوها اشعة مقطعية يقولون ما شافو شي مو طبيعي وكانوا يبون يرقدونها بس اختي خافت لا يخترعون فيها ويحطون امراض مو فيها بعدين وديناها حق الدكتور محمد الساعي قال عندها التهاب بسيط في المخيخ وهو مسبب لها هاي الحاله ووصف لها مضاد للالتهاب تاخذه كل ثمان ساعات واليوم لها ثاني من اخذت الدواء وما شفنا اي تحسن ولما خبرنا الدكتور قال السالفة يبي لها وقت واحنه خايفين وعلى اعصابنا ومو عارفين شنو نسوي
ابي منكم كلكم اللي يعرف عن هالمرض او احد صاده يعطيني معلومة ولو بسيطة وامانة في رقبتكم كلكم حتى لو ما رديتون على الموضوع انكم تدعون ليها ان الله يشافيها
اني ما ابي الموضوع توصل صفحاته العشر والا العشرين وما يهمني عدد الردود كل اللي ابيه منكم دعوة من قلب اني عندي ثقة كبيرة ان المؤمنين اذا دعو حق اخوهم المؤمن دعوة صادقة من قلب الله يستجيب وان شاء الله ما راح يخيب دعائنا هذي امانة امنتكم اياها ولا تخيبوني

الله يشافيها ويفرج عنها ما تشوف شر

الله يشفيها ان شالله

وبعدين انتي تقولين يومين اخذت مضاد

و مضاد يبيله فتره اسبوع اقل شي

ان شالله الله يشافيها

اقرا عليها شربوها ماي مقري تصدقوا والله يشافيها يارب

السلام عليكم ورحمة الله وبركاته..
تسوي بحث في قوقل عن اسم المرض وبيعطش التفاصيل والعلاج بعد..
ربي يفرج همكم ويسر اموركم .. ويشافيها يارب

الله يفرج عنها ان شاء الله

وماتشوف شر وترجع لكم مثل اول واحسن يارب العالمين

الله يشافيها ويسلمها استمروا على المضاد للمدة اللي حددها الطبيب وان شاء الله تتحسن يارب

الله يشافيها و يعافيها

خلي مفعول الدوا ياخذ وقته و وراها سولها اشعة و اتاكدوا انها ما فيها شي

و حاولوا تعرفون سبب التهاب المخيخ

مشكورين حبايبي على دعواتكم والله لا يراويكم مكروه في احبابكم ويخلي لكم اولادكم. وماعليكم امر اذا سمعتو عن هالمرض او اعراض مشابهه له تطمنوني ولكم خالص دعواتي.