اخواتي الغاليات نقلت لكم تجربة احدى الاخوات مع اطفالها في الجداول.. و ماشاء الله تحسن سلوكهم كثيرا..
اتركم مع تجربتها:
———————————–
اخواتي حبيبات قلبى
انا عارفه ان فكره جدول المهمات اللى بنعمله لاولادنا مش جديده عليكم
بس اناحبيت انقلكم فكرة تطبيقى للجدول وكمان تشفوا شكل الجدول اللى انا عملته
انا عندى اربعه اطفال قولوا الله اكبر ما شاء الله ربنا يحميهم واعمارهم
9
7
4
2
واكتر المشاكل طبعا من الاتنين الكبار
اكرم وروان
واكيد كمان لانهم ولد وبنت كمان المشاكل اكتر
بصراحه كان فى حفله هتتعمل فى مكان عام للاطفال والحاجات دى مش بتتكر عندنا كتير وفكرت اوديهم بس قولت ازاى احفزهم انهم يحسنوا سلوكهم علشان الحفله تكون مكافئه ليهم
وافتكرت موضوع الجدول وكنت قريت عنه قبل كده
وقولت لهم انى هعمل جدول لك واحد ماعدا اخر العنقود لانه لسه مش مدرك الموضوع كويس
وهكتب فيه مثلا الصلاه – المذاكره – السلوك مع ماما …. وغيرها
وكل يوم قبل ماننام هاجيب الالوان وارسم وش فرحان
مثلا فى مكان الصلاه للى انجز كل الفروض فى ميعادها واللى كان متعب مع ماما ارسمله وش زعلان
بالاخضر مثلا… وهكذا
بالاضافه انى جبت استكيرز نجوم علشان كل واحد يحط لنفسه نجمه لما يؤدى سلوك حسن
وقلت انه فى نهايه الاسبوع فى مفاجأه حلوه للعنده استيكرز كتير ووشوش فرحانه وكان قصدى على الحفله
وده شكل الجدول علشان يكون اوضح
ده كان جدول بنوتى
وده جدول ابنى
وبجد الفضل لله طبعا فى هدايته لينا ان سلوكهم اتحسن جدا وانا بطلت ازعق كتير وبقيت اهددهم انى هعمل وش زعلان وكان الموضوع ده بيضايقهم خالص
كمان بقى فى منافسه بينهم ويقعدوا يعدوا الاستيكرز كل يوم ويشوفوا مين عنده اكتر
كمان بقى يعملولى مفاجأت ……
ماما غمضى عينك وتعالى والاقيهم وضبوا الاوضه من غير ما اقولهم
كمان كنت بكتب لهم ملاحظات فى اخر اليوم وفيوم روان زعلتنى قوى وانا كتبتلها انى زعلانه ورسمتلها وش بيعيط وفاجئتنى انها كتبالى انا اسفه جنب كلامى وكانت بتعيط
انا طولت عليكم قوى
بس انا حبيت انقل لكم التجربه بحذفيرها لانى كنت فى منتهى اليأس من شقاوتهم
اللى مش بتنتهى ومش عارفه اسيطر على عصبيتى معاهم
ربنا يحفظ ليكم اولادكم جميعا ويكونوا هم الجيل اللى ربنا هينصر بيه الاسلام ان شاء الله
احبكم فى الله
———————————-
كدا انتهت تجربة الاخت
نقلت لكم بعض الجداول اللي اتمنى تستفيدوا منها:
هل استحق التقييم؟ 😮
موضوع رائع ومفيد
يسلمووو حبيبتي
شكرا لمرورك
مشكوووووووره..واحلى تقيييم لعيونك..~~
الله يعطيج العافيه
يسلمووو حبيبتي
شكرا لمروركم و تقييماتكم
الطفل يحب الكلمة الحلوة واساليب التشجيع والهدايا
تجربة حلووووة وجداول رائعة
يعطيكي الف عافية على الموضوع الحلو